Қазақстан медициналық технологияларды бағалау халықаралық стандарттары бойынша жұмыс істейді
- Толығырақ
- Автор: Super User
2018 жылғы маусым айында Республикалық денсаулық сақтауды дамыту орталығының өкілдері HTAi «Дәлелдемелер мен іс-әрекеттер арасындағы байланысты күшейту» Медициналық технологияларды бағалау жөніндегі Халықаралық қоғамның жыл сайынғы кездесуін қатысты.
Health Technology Assessment international (HTAi, https://www.htai2018.org/) - бұл миссиясы медициналық технологияларды бағалаумен (МТБ) айналысатын қоғамдастықты ақпаратпен, әдістерімен және сараптаулармен алмасу үшін тәуелсіз жаһандық алаң ұсыну жолымен қолдау болып табылатын жаһандық ғылыми және кәсіби қоғам. Қоғам әлемдегі 60-тан астам ел өкілдерінің басын қосады.
HTAi-2018 конференцияның негізгі мақсаты зерттеушілердің, полисмейкерлердің, пациенттер мен жұртшылықтың дәлелдемелер негізінде іс-әрекеттерге бейілділігін растау жолдары мен мүмкіндіктерін іздеу болды.
ДСДРО МТБ бөлімінің бастығы Камила Гаитова «EUnetHTA HTA Core Model - шектеулі ресурстар жағдайында МТБ енгізу негізі» панельдік сессиясында конференцияға со-спикер ретінде қатысты. «Қазақстанда медициналық технологияларды бағалау, негізгі сәттер» баяндамасында спикер сессияға қатысушыларға МТБ жүргізу жөніндегі регламентті әзірлеу барысында EUnetHTA HTA Core Model® құралын қолдану тәжірибесі туралы ақпарат берді. Қазіргі уақытта, аталған регламент ҚР Денсаулық сақтау министрлігінің Медициналық қызмет көрсету сапасы жөніндегі біріккен комиссиясымен бекітілді.
ДСДРО перинаталдық өлім-жітімнің құпия аудиті бойынша семинарлар өткізеді
- Толығырақ
- Автор: Super User
4 және 5 маусымда Денсаулық сақтауды дамыту республикалық орталығы өңірлік үйлестірушілер мен сарапшыларға перинаталдық өлім-жітімнің құпия аудитін (бұдан әрі – ПӨҚА) жүргізу бойынша оқыту семинарларын өткізеді.
Семинарға қатысушылар оқытушы – м.ғ.д., АБҰҒО «UMC» КҚ профессоры Тамара Чувакованың, «Қазақстанның неонатологтары конгресі» ҚҚ президенті Карина Бектұрғанның және дәрігер-неонатолог Элина Азаматованың басшылығымен оқу курсынан өтеді.
Іс-шараның шеңберінде перинаталдық өлім-жітім аудитіне кіріспе және оны жүргізу әдістемесі; материалды жинау, анонимизация және аудит шеңберіндегі пікірталас; құпиялылық принципі; Құпия тергеу жөніндегі Ұлттық комитеттің құрамы мен жұмысы және оның төрағасының, хатшысының және мүшелерінің міндеттері сияқты тақырыптар қаралатын болады. Сондай-ақ, ПӨҚА құралдар және пилоттық мекемелердегі перинаталдық өлім-жітім жағдайларының талдамасы қаралатын болады. Топтарда практикалық жұмыс жүргізіледі, оның шеңберінде қатысушылар перинаталдық өлім-жітім жағдайларын талдайды, бастапқы талқылау, туыстарынан ақпарат жинау, бастапқы құжаттамалармен жұмыс жүргізеді.
Семинар қорытындысы бойынша қатысушылар сарапшылар ұсынған әдіснаманамаларды талқылайды.
ДСДРО денсаулық сақтау жүйесін қаржыландыру мәселелері бойынша еларалық конференцияға қатысуға шақырады
- Толығырақ
- Автор: Super User
19-20 маусымда Астанада P4H (Дүниежүзілік денсаулық сақтау ұйымының қолдауымен құрылған денсаулық сақтауды және әлеуметтік қорғауды қаржыландырудың ғаламдық желісі) бірлесіп «Халықты медициналық көмекпен жаппай қамту үшін денсаулық сақтауды қаржыландыру реформалары» атты серіктестік ынтымақтастық жөніндегі еларалық конференция өткізу жоспарланып отыр.
Конференция аясында Қазақстанда міндетті әлеуметтік медициналық сақтандыруды енгізу, бейресми секторда (өзін-өзі жұмыспен қамтығандар) сақтандырудың аясын кеңейту, SHI аясында (әлеуметтік медициналық сақтандыру) жеңілдіктер мен қосымша ақылар пакеті, аталған саясат жүзеге асырылғаннан кейін ол нақты деректерге негізделетін болады.
Шараны Қазақстан Республикасы Үкіметінің атынан Қазақстанның Денсаулық сақтау министрлігі, Денсаулық сақтауды дамыту республикалық орталығы және P4H ұйымдастыратын болады.
Денсаулық сақтауды қаржыландыру саласындағы идеяларымен және әдістерімен алмасу және денсаулық сақтауға жалпыға бірдей қолжетімділікті қамтамасыз ету үшін іс-шараға саяси және денсаулық сақтауды қаржыландыру саласындағы жетекші сарапшылар, Швейцария, Германия, Филиппин, Қырғызстан, Эстония, Польша, Қытай, Австралия, Қазақстан және басқа да елдердің, сондай-ақ ҚР Денсаулық сақтау министрлігінің және басқа мемлекеттік мекемелердің өкілдері қатысады.
Өткізу орны: Назарбаев университеті Медицина мектебінің конференц-залы, 1-ші қабат, Блок C-3 (Назарбаев Университетінің Медицина мектебі, Астана, Керей, Жәнібек хандар көшесі 5/1).
Бизнес кеңес жұмысының аясында ТМККК-ны қайта қарау үшін Жұмыс тобы құрылады
- Толығырақ
- Автор: Super User
«Әлеуметтік медициналық сақтандыру қоры» коммерциялық емес акционерлік қоғамының өкілдері, жеке сектор мен Денсаулық сақтау министрліктің құрылымдық бөлімшелерінің басшыларының қатысуымен, бүгін Қазақстан Республикасы Денсаулық сақтау министрі Е.А. Біртановтың төрағалығымен Қазақстан Республикасы Денсаулық сақтау министрлігі Бизнес кеңестің кезекті отырысы өтті.
ТМККК-ны орналастыру кезінде қолжетімділікті теңдей қамтамасыз ету, ТМККК мен МӘМС-те медициналық көмектің көлемін жоспарлау әдістемесін қарау және сондай-ақ денсаулық сақтау ұйымдарында корпаративтік басқаруды және басқаруды жетілдіру мәселелері кездесу барысында қаралды.
ТМККК мен МӘМС-те медициналық көмектің көлемін жоспарлау әдістемесі мен ТМККК-ның тізімін қайта қарау әдістері бойынша бизнес және Денсаулық сақтау министрлігінің өкілдері мен сарапшылардың қатысуымен Жұмыс тобын құру туралы шешім қабылданды.
Корпоративтік басқаруды дамыту мәселесі бойынша корпоративтік басқару жүйесін жетілдіру бойынша қадағалау кеңестерінің өкілеттіктерін кеңейту, сондай-ақ бонустар, алқалық атқарушы органдарды енгізу және шаруашылық жүргізу құқығындағы мемлекеттік кәсіпорындар нысанында жұмыс істейтін медициналық ұйымдардағы қадағалау кеңестерінің құрамын сапалы жақсарту жолымен жұмысты жалғастыру ұсынылды.
Алматы облысында денсаулық сақтау саласын қайта жаңғырту туралы семинар өтіп жатыр
- Толығырақ
- Автор: Super User
Қазақстанның барлық аймақтарындағы медициналық мекемелерге ұйымдық-әдістемелік көмек көрсету мақсатында денсаулық сақтау саласын қайта жаңғырту үшін Денсаулық сақтау министрі Елжан Біртанов медицина қызметкерлерінің арасында семинар өткізу кестесін бекіткен болатын.
Бүгін Алматы облысында Денсаулық сақтау вице-министрі Ләззәт Ақтаеваның басшылық етуімен жұмыс тобы дәрігерлерге семинар сабақтар мен тренинг өткізуде. Жұмыс тобына Денсаулық сақтау министрлігінің қызметкерлері, Республикалық денсаулық сақтау орталығы мен Әлеуметтік медициналық сақтандыру қорының мамандары кірді.
Алматы облысы Денсаулық сақтау басқармасының басшылары, Аймақтық департамент қоғамдық денсаулық сақтау комитетінің мүшелері, фармация комитеті, бас дәрігерлер мен олардың орынбасарлары екі күн бойы денсаулық сақтау саласын модернизациялау жүйесінің негізгі бағыттарымен таныс болады.
Вице-министр семинар барысында министрлік басқаруындағы "Денсаулық сақтау саласын қайта жаңғырту" жобасы іске асатынын мәлімдеді. Сонымен қатар "Денсаулық" мемлекеттік бағдарламасы аясында 12 базалық жобаны іске асыру жоспарланған.