Қазақстанның медициналық кәсіби қауымдастықтарының өкілдері ҮЕҰ әлеуетін дамыту жөніндегі тренингке қатысады
- Толығырақ
- Автор: Super User
Маусым айында Қазақстандық кәсіби медициналық қауымдастықтар мүшелеріне арналған үкіметтік емес ұйымдардың денсаулық сақтау саласындағы әлеуетін дамыту жөніндегі семинар-тренинг болып өтті. Спикер ретінде семинарда MD, PhD, бойынша Әзірбайжан медициналық қауымдастығының президенті, ДДҰ-ның тиісті медициналық практика жөніндегі сертификатталған жаттықтырушы – Нариман Сафарлы сөз сөйледі.
Оқытуға 34 кәсіптік медициналық қауымдастықтың, соның ішінде Ұлттық медициналық қауымдастық, Астана қаласының тәуелсіз сарапшылар қауымдастығы, Ұлттық денсаулық сақтау палатасы, Республикалық медициналық палата мүшелері және тағы басқалар қатысты.
Қазіргі уақытта Қазақстанда қызметі денсаулық сақтау саласында консультациялық қызметтер көрсетуге, денсаулық сақтау саласындағы тәуелсіз сараптама жүргізуге, медициналық этика нормаларын әзірлеуге және осы нормалардың бұзылуына байланысты мәселелерді шешуге бағытталған 77 қауымдастық бар.
Тренинг аясында үкіметтік емес ұйымдар қызметінің негізгі мәселелері Әзірбайжан мен Қазақстанның мысалында талқыланды: дәрігерлердің құқықтарын қорғау, медицина қызметкерлерінің біліктілік деңгейін арттыру, медициналық қауымдастықтарды аккредиттеу, биоэтика мәселелері, клиникалық хаттамаларды әзірлеу және енгізу, сондай-ақ, медициналық қауымдастықтардағы қаржылық менеджмент және оларды қаржыландыру көздері.
ДСДРО қызметкерлері Медицина қызметкері күні қарсаңында марапатталды
- Толығырақ
- Автор: Super User
Медицина қызметкері күні мерекесінің құрметіне ДСДРО-да салтанатты іс-шара өтті. Бас директор Айнұр Айыпханова құттықтау сөз сөйледі.
Кәсіби мерекеге орай ДСДРО қызметкерлері ҚР Денсаулық сақтау министрлігінің және ҚР ДСМ Республикалық денсаулық сақтауды дамыту орталығының төсбелгілермен, құрмет грамоталарымен және алғыс хаттарымен марапатталды.
«Денсаулық сақтау ісінінің үздігі» төсбелгісімен Тарифті белгілеу орталығының басшысы Айтуарова Дана марапатталды. «Денсаулық сақтау ісіне қосқан үлесі үшін» төсбелгісін - Дәрілік заттарды және медициналық технологияларды ұтымды пайдалану орталығы ұтымды фармакотерапия бөлімінің бастығы Ләззат Есбатырова иеленді.
Сондай-ақ, ҚР Денсаулық сақтау министрлігінің құрмет грамотасы бас директорының орынбасары Нурбол Күзембаев және қазақстандық Ұлттық дәрілік формуляр редакциясының бас редакторы Акмарал Арзуова марапатталды.
Қазақстан медициналық технологияларды бағалау халықаралық стандарттары бойынша жұмыс істейді
- Толығырақ
- Автор: Super User
2018 жылғы маусым айында Республикалық денсаулық сақтауды дамыту орталығының өкілдері HTAi «Дәлелдемелер мен іс-әрекеттер арасындағы байланысты күшейту» Медициналық технологияларды бағалау жөніндегі Халықаралық қоғамның жыл сайынғы кездесуін қатысты.
Health Technology Assessment international (HTAi, https://www.htai2018.org/) - бұл миссиясы медициналық технологияларды бағалаумен (МТБ) айналысатын қоғамдастықты ақпаратпен, әдістерімен және сараптаулармен алмасу үшін тәуелсіз жаһандық алаң ұсыну жолымен қолдау болып табылатын жаһандық ғылыми және кәсіби қоғам. Қоғам әлемдегі 60-тан астам ел өкілдерінің басын қосады.
HTAi-2018 конференцияның негізгі мақсаты зерттеушілердің, полисмейкерлердің, пациенттер мен жұртшылықтың дәлелдемелер негізінде іс-әрекеттерге бейілділігін растау жолдары мен мүмкіндіктерін іздеу болды.
ДСДРО МТБ бөлімінің бастығы Камила Гаитова «EUnetHTA HTA Core Model - шектеулі ресурстар жағдайында МТБ енгізу негізі» панельдік сессиясында конференцияға со-спикер ретінде қатысты. «Қазақстанда медициналық технологияларды бағалау, негізгі сәттер» баяндамасында спикер сессияға қатысушыларға МТБ жүргізу жөніндегі регламентті әзірлеу барысында EUnetHTA HTA Core Model® құралын қолдану тәжірибесі туралы ақпарат берді. Қазіргі уақытта, аталған регламент ҚР Денсаулық сақтау министрлігінің Медициналық қызмет көрсету сапасы жөніндегі біріккен комиссиясымен бекітілді.
ДСДРО перинаталдық өлім-жітімнің құпия аудиті бойынша семинарлар өткізеді
- Толығырақ
- Автор: Super User
4 және 5 маусымда Денсаулық сақтауды дамыту республикалық орталығы өңірлік үйлестірушілер мен сарапшыларға перинаталдық өлім-жітімнің құпия аудитін (бұдан әрі – ПӨҚА) жүргізу бойынша оқыту семинарларын өткізеді.
Семинарға қатысушылар оқытушы – м.ғ.д., АБҰҒО «UMC» КҚ профессоры Тамара Чувакованың, «Қазақстанның неонатологтары конгресі» ҚҚ президенті Карина Бектұрғанның және дәрігер-неонатолог Элина Азаматованың басшылығымен оқу курсынан өтеді.
Іс-шараның шеңберінде перинаталдық өлім-жітім аудитіне кіріспе және оны жүргізу әдістемесі; материалды жинау, анонимизация және аудит шеңберіндегі пікірталас; құпиялылық принципі; Құпия тергеу жөніндегі Ұлттық комитеттің құрамы мен жұмысы және оның төрағасының, хатшысының және мүшелерінің міндеттері сияқты тақырыптар қаралатын болады. Сондай-ақ, ПӨҚА құралдар және пилоттық мекемелердегі перинаталдық өлім-жітім жағдайларының талдамасы қаралатын болады. Топтарда практикалық жұмыс жүргізіледі, оның шеңберінде қатысушылар перинаталдық өлім-жітім жағдайларын талдайды, бастапқы талқылау, туыстарынан ақпарат жинау, бастапқы құжаттамалармен жұмыс жүргізеді.
Семинар қорытындысы бойынша қатысушылар сарапшылар ұсынған әдіснаманамаларды талқылайды.
ДСДРО денсаулық сақтау жүйесін қаржыландыру мәселелері бойынша еларалық конференцияға қатысуға шақырады
- Толығырақ
- Автор: Super User
19-20 маусымда Астанада P4H (Дүниежүзілік денсаулық сақтау ұйымының қолдауымен құрылған денсаулық сақтауды және әлеуметтік қорғауды қаржыландырудың ғаламдық желісі) бірлесіп «Халықты медициналық көмекпен жаппай қамту үшін денсаулық сақтауды қаржыландыру реформалары» атты серіктестік ынтымақтастық жөніндегі еларалық конференция өткізу жоспарланып отыр.
Конференция аясында Қазақстанда міндетті әлеуметтік медициналық сақтандыруды енгізу, бейресми секторда (өзін-өзі жұмыспен қамтығандар) сақтандырудың аясын кеңейту, SHI аясында (әлеуметтік медициналық сақтандыру) жеңілдіктер мен қосымша ақылар пакеті, аталған саясат жүзеге асырылғаннан кейін ол нақты деректерге негізделетін болады.
Шараны Қазақстан Республикасы Үкіметінің атынан Қазақстанның Денсаулық сақтау министрлігі, Денсаулық сақтауды дамыту республикалық орталығы және P4H ұйымдастыратын болады.
Денсаулық сақтауды қаржыландыру саласындағы идеяларымен және әдістерімен алмасу және денсаулық сақтауға жалпыға бірдей қолжетімділікті қамтамасыз ету үшін іс-шараға саяси және денсаулық сақтауды қаржыландыру саласындағы жетекші сарапшылар, Швейцария, Германия, Филиппин, Қырғызстан, Эстония, Польша, Қытай, Австралия, Қазақстан және басқа да елдердің, сондай-ақ ҚР Денсаулық сақтау министрлігінің және басқа мемлекеттік мекемелердің өкілдері қатысады.
Өткізу орны: Назарбаев университеті Медицина мектебінің конференц-залы, 1-ші қабат, Блок C-3 (Назарбаев Университетінің Медицина мектебі, Астана, Керей, Жәнібек хандар көшесі 5/1).