Ауруларды басқару бағдарламасы шамамен 7 мың қазақстандықты қамтыды
- Толығырақ
- Автор: Super User
ҚР ДСМ Денсаулық сақтауды дамыту республикалық орталығы әзірлеген Созылмалы инфекциялық емес ауруларды басқару бағдарламасы (АББ) бүкіл Қазақстан бойынша шамамен 7 мың хроник-пациентті қамтыды.
Бағдарламаның шеңберінде бақылауға үш топтың пациенттері алынған: артериалды гипертензия, созылмалы жүрек жеткіліксіздігі және II типті қант диабеті. Барлық өңірлерде медициналық-санитариялық алғашқы көмек көрсету ұйымдары осы аурулар бойынша пациенттерге зертханалық тестілеу және аспаптық зерттеу жүргізеді.
Қант диабетімен ауыратын науқастарға арналған стандартты тексеріп-қараулардан басқа гликирленген гемоглобинге және тығыздығы төмен липопротеидтерге зерттеулер жүргізіледі. Созылмалы жүрек жеткіліксіздігі бар науқастар ЭХО-кардиографиямен зерттеледі, ал артериялық гипертензиясы бар емделушілерге ЭКГ жүргізіледі, креатинин, тығыздығы төмен липопротеидтер деңгейі анықталады.
АББ паспорты әрбір ауру бойынша пациенттердің тіркелімінен, пациентті бақылау картасынан, созылмалы жүрек жеткіліксіздігінен, артериялық гипертензиядан немесе қант диабетінен зардап шегуші науқастарды медициналық күтудің жеке жоспарынан тұрады.
2018 жылғы 1 сәуірдегі мәліметтерге сәйкес, статиндер (аторвостатин) қабылдайтын науқастар саны 40% - дан 50% - ға, ал АПФ ингибиторларын/сартандарды (кандесартан, валсартан және т. б.) қабылдаушылар саны 70% - дан 90% - ға дейін өскен. АББ-ға тартылған бар емделушілердің арасында созылмалы жүрек жеткіліксіздігін декомпенсациялауға байланысты жаңа емдеуге жатқызу жағдайларының үлесі 30-дан 15% - ға дейін төмендеген.
Оң нәтижелерге сүйене отырып, медициналық ұйымдарды 100% қамтитын бағдарламаны аймақтарда кезең-кезеңімен енгізу кестесі жасалды. Бірінші жартыжылдықтың қорытындысы бойынша мед. ұйымдардың 50% -ы осы бағдарламаның қатысушы болады деп жоспарланады.
Қазақстанда алғаш рет 308 мейірбике ісінің қолданбалы бакалаврлар шығуы өтті
- Толығырақ
- Автор: Super User
12 мамыр – Халықаралық мейірбике күні. Дүние жүзінде мейірбике ісі ең құрметті және талап етілген мамандықтар қатарына жатады.
Қазақстанда медициналық кадрлардың саны 245 мыңнан астам мамандар құрайды, олардың ішінде 170 мыңнан астам – орта медициналық қызметкерлер, олардың 30%-ы ауыл аймақтарда еңбек етіп жатыр.
Орта қызметкерлердің қамтамасыз етудің орташа көрсеткіші – 10 мың халыққа 95,3 (ДСДРО денсаулық сақтау обсерваторияның кадрлық қорлардың деректеріне сәйкес) – бұл ЭЫДҰ елдерге қарағанда 5%-ға төмен. Сонымен бірге соңғы 10 жылдарда 10 мын халыққа орта медқызметкерлермен қамтамасыз ету 78,6-дан 95,3-ке дейін өсті.
Қазіргі уақытта Қазақстанда мейірбике ісін жетілдіру мақсатымен JAMK мен LAMK (Финляндия) қолданбалы ғылымдар университеттерінің эксперттерімен бірге «Медициналық білім беру мен ғылымның жаңартуы» жобасы орындалып жатыр.
Мейірбикелік процестің кеңейтілген міндеттерін орындайтын мейірбикелер дайындау фин мамандарды дайындау үлгісіне негізделген.
Қазақстанда мейірбике ісінің мамандарын - кіші мейірбикеден бастап, мейірбике ісінің магистріне дейін - дайындау көпдеңгейлі жүйесі енгізілді. Он медициналық колледж Жоғары колледждер мәртебесін алды . Биылғы жылы тағы 7 медициналық колледж Жоғары колледжге қайта ұйымдастыру үшін оң бағаға ие болды.
Астанада ТМД елдерінің ӘДҰ өзара ынтымақтастығы туралы мәселелер талқыланды
- Толығырақ
- Автор: Super User
Бүгін Астанада ТМД мемлекет-қатысушыларының мемлекетаралық мәжілісі өтіп, онда әлемдік денсаулық сақтау ұйымымен өзара ынтымақтастықты дамыту мәселелері талқыланды.
Мәжіліске, ТМД мемелкет қатысушыларының мүшелері, сонда й-ақ Швейцария, Түркия және ҚР Денсаулық сақтау министрлігі мен Республикалық денсаулықты сақтаудамы орталығының өкілдері қатысты.
Іс-шара барысында ТМД мемелкет-қатысушылары 71-ші әлемдік денсаулық сақтау Ассамблеясы резолюциясына және 2019-2023 жылдарға арналған он үшінші жалпыбағдарлама жұмысына ұсыныстар айтылды. Мәжіліске қатысуышлардың айтуынша, жалпы бағдарлама жұмысы стратегиялық маңызы бар жоспарларды іске асыруда, бағдарламалық бюджетті қамтып, оны тез әрі сапалы орындауда басшылық етіп, екі жылда жүзеге асыруда септесетін болады.
Мәжілісте сондай-ақ, алғашқы медико-санитарлық көмек көрсетудегі мәселелер көтерілді. Бүгінгі таңда, ҚР Денсаулық сақтау министрлігінің бастамасымен «Пациентке қажетті денсаулық сақтау аясындағы қызмет көрсетуді интеграциялау» жобасы мемелкеттік органдарда іске асырылуда.
Бұл бағытта Қазақстан өзінің ұсынып отырған жобасы халықты өз денсаулығын басқаруда белсенді қатысуға үйретеді. Бұл мақсатта еліміз алғашқы көмек көрсетудің ұлттық концепциясын жасаған.
ХАБАРЛАНДЫРУ
- Толығырақ
- Автор: Super User
ҚР ДСМ Денсаулық сақтауды дамыту республикалық орталығы ҚР Денсаулық сақтау министрлігінің 2018 жылға арналған мемлекеттік тапсырмасын іске асыру шеңберінде мынадай қызметтер көрсетуге арналған баға ұсыныстарын жинауды жүргізеді (кейіннен оларды аутсорсингке беру мақсатында):
- «Қоғамдық денсаулық сақтау қызметін (ҚДСҚ) құру және сектораралық өзара іс-қимылды дамыту» жобасын іске асыруды мониторингілеу;
- «Қоғамдық денсаулық сақтау» мамандығы бойынша біліктілікті арттыру курстарын жүргізу;
- Денсаулық сақтау саласындағы есептілік ауыртпалығын қысқарту бойынша ДДҰ-ның есебін талдау;
- «Денсаулық сақтау ұйымдарының бастапқы медициналық құжаттама нысандарын бекіту туралы» ҚР Денсаулық сақтау министрінің м.а. 2010 жылғы 23 қарашадағы № 907 бұйрығына есептілік ауыртпалығын қысқарту мақсатында және цифрландыруды ескере отырып, ұсыныстар енгізу.
Толық ақпарат сілтеме бойынша.
Қызығушылық танытқан тұлғалардан баға ұсыныстарын 2018 жылғы 25 сәуірге дейін tyulyubaeva_zh@rcrz.kz электрондық мекенжайына жіберуді сұраймыз, +7 (7172) 700-950 (ішкі 1044) телефоны бойынша сұрақтар қоюға болады.
ДСДРО медициналық жоғары оқу орындарының және ғылыми ұйымдардың ғылымы бойынша рейтингтік бағалау нәтижелерін қортындылады
- Толығырақ
- Автор: Super User
Денсаулық сақтауды дамыту республикалық орталығы 2017 жылға арналған ғылыми және инновациялық қызмет көрсеткіштері бойынша медициналық ЖОО, ғылыми-зерттеу институттары, ғылыми және ұлттық орталықтар рейтингінің қортындысын шығарды.
Ғылыми ұйымдар мен университеттерді бағалау кезінде мынадай негізгі көрсеткіштер ескерілді: ғылыми зерттеулердің көлемі, ғылыми басылымдардың саны, дәйексөздердің жиілігі, патенттер мен ғылыми әзірлемелерді тіркеу, ғылыми нәтижелерді коммерцияландыру, халықаралық конференцияларға қатысу.
Талдау нәтижелері бойынша Қазақстандағы медициналық мекемелердің рейтингісінде жетекші орындарды иеленді: 1 орын - Қарағанды мемлекеттік медицина университеті, 2 орынды Оңтүстік Қазақстан мемлекеттік фармацевтикалық академиясы, 3 орын - Қазақ медицина университеті.
Ғылыми-зерттеу институтында / клиникалық профильде ең жақсы көрсеткіштерінің рейтинг бойынша 1 орын - Радиациялық медицина және экология ғылыми-зерттеу институты, 2 орын – Сызғанов атындығы ұлттық хирургия ғылыми орталығы, 3 орын - Кардиология және ішкі аурулар ғылыми-зерттеу институты.
Бұл бағалау Қазақстан Республикасы Денсаулық сақтау министрлігінің 2013 жылғы 12 шілдедегі №404 бұйрығымен бекітілген және 2015 жылы жаңартылған ғылыми және инновациялық қызметтің көрсеткіштерін бағалау алгоритмімен бекітілген Медициналық ғылымдар және медициналық ЖОО рейтингі бойынша әдістемеге сәйкес жүргізілді.