ДСДРО АҚШ мейіргерлер комитеттерінің Ұлттық кеңесімен ынтымақтастық туралы меморандумға қол қойды
- Толығырақ
- Автор: Super User
Денсаулық сақтауды дамыту республикалық орталығы мен National Council of State Boards of Nursing (АҚШ мейіргерлер комитеттерінің Ұлттық кеңесі) орта медицина қызметкерлерін лицензиялау және сертификаттау, клиникалық мамандардың білімдері мен дағдыларын бағалау саласында ынтымақтастыққа қол қойды.
Меморандумға ДСДРО тарапынан Бас директор Айнұр Айыпханова, NCSBN тарапынан – Басқарма төрағасы Дэвид Бентон қол қойды.
Аталған ынтымақтастық аясында тараптар орта медицина қызметкерлерін лицензиялау және сертификаттау, олардың білімдері мен дағдыларын бағалау, кадрлардың құзыреттерін дамытудағы кедергілерді анықтап, жою барысында тәжірибе алмасады.
NCSBN –лицензиялау үшін орта медицина қызметкерлерінің клиникалық әрекеттерге дайындығын бағалайтын АҚШ аумағындағы бірден-бір ұйым.
Меморандум арқасында ДСДРО Білімді және дағдыларды бағалау орталығы медицина қызметкерлерін бағалауда халықаралық тәжірибені игеріп, оны Қазақстанда қолдануға мүмкіндік алады. Бұл міндетті сертификаттаудың отандық институтын медицина қызметкерлерін лицензиялауға ауыстыру кезеңінде өте маңызды.
Қазақстан Providing for Health жаһандық желісіне қосылды
- Толығырақ
- Автор: Super User
Қазақстан Республикасы денсаулық сақтау саласын қаржыландыру, экономика және денсаулықты әлеуметтік қорғау саласында халықаралық ынтымақтастықты қамтамасыз ететін P4H (Providing for Health) жаһандық желісіне қосылды.
Қазақстанды P4H желісінің толық құқықты қатысушысы ретінде тану туралы шешім 27 қыркүйекте Бонн қаласында (Германия) қабылданды.
Қазақстанның P4H Директорлар Кеңесінің кейсін Денсаулық сақтауды дамыту республикалық орталығы бас директорының экономика мәселелері жөніндегі кеңесшісі, «Болашақ» бағдарламасының түлегі Анара Мүсрепова таныстырды.
Аталған алаң қатысушы елдердің денсаулық сақтау жүйесін нығайтуға, сондай-ақ сапалы қызметтің бәріне қолжетімді болуына және қаржы қаупінен қорғануға жәрдемдеседі. Бұл жаһандық желінің басты мақсаты – халықты медициналық қызметтермен тегіс қамту.
P4H желісі – Дүниежүзілік денсаулық сақтау ұйымы, Азия даму банкі, Swiss agency for development and cooperation (Швейцария даму және ынтымақтастық агенттігі), ЮСАИД, т.б. секілді халықты медициналық қызметтермен тегіс қамту саласындағы халықаралық серіктестер мен инвесторлар енетін кең спектр.
Таразда клиникалық фармакология және фармация жөніндегі халықаралық конференция материалдары таныстырылды
- Толығырақ
- Автор: Super User
Таразда №1 қалалық аурухана базасында клиникалық фармакология және фармация бойынша «Дәрілік заттарды ұтымды пайдалану» семинары болып өтті.
Шара аясында қатысушыларға 8-9 қыркүйек күндері Астана қаласында өткен клиникалық фармакология және фармация жөніндегі «Дәрілік заттарды ұтымды пайдалану» атты халықаралық конференцияның қорытындылары мен материалдары таныстырылды.
ДСДРО аймақтық өкілі Гүлмира Жараспаева әріптестеріне конференция аясында талқыланған бағдарлама мен өзекті мәселелер туралы мәлім етті.
Дәлелді медицина тұрғысынан нақты бір науқас үшін пайдаланылатын дәрілік заттардың тиімділігі мен қауіпсіздігін бағалау мәселелері бірлескен талқылауға шығарылды.
ДСДРО төрт мүмкіндіктен ISQua халықаралық қағидаттарына сәйкес төртінші сертификатқа ие болды
- Толығырақ
- Автор: Super User
Денсаулық сақтау саласындағы Сапа жөніндегі жөніндегі халықаралық қауымдастықтың Атқарушы кеңесі (одан әрі - ISQua) 2017 жылдың 29 тамызында сарапшылар дайындау жөніндегі ұлттық оқу бағдарламасы сапаның халықаралық қағидаттарына сәйкес екендігі туралы кезекті шешімін шығарды.
Халықаралық қағидаттарға сәйкестік сертификаты 2021 жылдың тамыз айына дейін жарамды.
Бұл ДСДРО Аккредиттеу орталығының төрт мүмкіндіктен ISQua халықаралық қағидаттарына сәйкес төртінші сертификаты.
Естеріңізге саламыз, 2017 жылдың басынан ДСДРО сапаның әлемдік стандарттарына сәйкес келетін ISQua аккредиттеуші ұйым ретінде танылды, стационарларға арналған стандарттар бойынша және амбулаториялық-емханалық ұйымдарға арналған стандарттар бойынша ISQua сертификаттарын алды.
Осының арқасында ДСДРО Аккредиттеу орталығы барлық бағдарламалар бойынша ISQua аккредитациясын алған ТМД және Шығыс Еуропа аймақтарындағы бірден-бір ұйым атанды.
Бұл Қазақстанның медициналық ұйымдарын аккредиттеу жүйесі ең жоғары деңгейдегі халықаралық талаптарға сәйкес келеді дегенді білдіреді және ДСДРО Аккредиттеу орталығы үдерістер әдістемелері және ұйымдастыру жағынан Joint Commission International (АҚШ) и Accreditation Canada (Канада) секілді халықаралық ұйымдармен бір қатарда тұрады.
Медициналық туризмді дамыту жөніндегі жұмыс тобы шетелдік туристтерді есепке алу мүмкіндігін талқылады
- Толығырақ
- Автор: Super User
19 қыркүйекте Қазақстан Республикасы Денсаулық сақтау министрлігінің «Денсаулық сақтау саласын жаңғырту» жобасын дамыту аясында Денсаулық сақтауды дамыту республикалық орталығы базасында дөңгелек үстел болып өтті, онда Қазақстан Республикасындағы медициналық туристтерді статистикалық есепке алу тетіктерін және нормативтік-құқықтық деректерін әзірлеу мәселелері талқыланды.
Шараға ҚР ҰҚК шекара қызметінің, ҚР ІІМ көші-қон қызметінің, ҚР ҰЭМ Статистика комитетінің, Ұлттық денсаулық сақтау палатасының, Ұлттық курорттық қауымдастығының қызметкерлері, ҚР Денсаулық сақтау министрлігі мен Республикалық электрондық денсаулық сақтау орталығының өкілдері қатысты. Олар «2020 жылға дейін медициналық туризм мен импорт алмастыруды дамыту» жобасының негізгі шараларын, жобаны жүзеге асыруға байланысты мәселелерді талқылады.
ДСДРО бас директорының орынбасары Айман Ысқақова өз сөзінде медициналық туризм бойынша статистикалық есептің жоқтығын айта келіп, оның нақты тетіктерін айқындау қажеттігі, сондай-ақ ҚР ҰҚК шекара қызметі мен ІІМ арқылы Қазақстанға келген медициналық туристтерді тіркеп, статистикалық есепке алу мүмкіндігі жайлы ойын ортаға салды.