ДСДРО денсаулық сақтау менеджерлерін үнемді өндіріс негіздері бойынша оқытуда
- Толығырақ
- Автор: Super User
Денсаулық сақтауды дамыту республикалық орталығының Менеджмент орталығы денсаулық сақтау саласының мемлекеттік және жекеменшік секторларының менеджерлері мен «Денсаулық сақтау менеджменті» мамандығы бойынша қызметкерлерін «Үнемді өндіріс негіздері» тақырыбына оқытуда.
Тренинг медициналық ұйымдарда менеджментті және корпоративтік басқаруды дамыту аясында өткізілуде. Біліктілікті арттыру циклі 54 сағаттық курстан тұрады, тренингті Жапонияда үнемді өндіріс бойынша дайындықтан өткен тренер – Еуропалық Сапа Ұйымының бас консультанты, Үнемді өндіріспен тәжірибе жүзінде айналысушы, сапа менеджменті, экологиялық менеджмент және денсаулықты қорғау менеджменті мәселелері жөніндегі сарапшы Серік Жолдаспаев өткізеді.
Қазіргі уақытта Астана қаласынан, Қостанай, Ақмола, Солтүстік Қазақстан және Қарағанды облыстарынан 107 маман оқытылды.
Мамандардың үнемді өндіріс негіздерін оқу нәтижесінде алған тәжірибелік білімдері басқарудың тиімділігін арттыруға, шығындарды, оның ішінде қаржылық және еңбек шығындарын азайтуға, медициналық қызмет сапасын жақсартуға мүмкіндік береді.
Кері байланыс нәтижесінде цикл тыңдаушылары өз ұйымдарында «Кайдзен» тұжырымдамасының негізгі қағидаттары мен элементтерін пайдалану арқылы үнемді өндіріс технологияларын, «5 S» жұмыс орнын ұйымдастыру жүйесін енгізуді; күткендегідей нәтижелер алу арқылы тиімді жұмыс орнын құру кезеңдерін жоспарлайды.
Оңтүстік Кореяда қазақстандық медициналық туризмнің артықшылықтары туралы айтылды
- Толығырақ
- Автор: Super User
Денсаулық сақтауды дамыту республикалық орталығының өкілдері 21-22 қарашада Сеулде (Оңтүстік Корея) өтетін «Жаһандық денсаулық сақтау және медициналық туризм» тақырыбындағы 8-конференцияға қатысуда.
Аталған конференция – Азия континентінде болып жатқан, денсаулық сақтау және медициналық туризм саласындағы соңғы инновациялармен және жаһандық трендтермен танысуға мүмкіндік беретін ірі шара. Бұған дейінгі «Medical Korea 2016» конференциясына әлемнің 25 елінен 2 мыңнан аса менеджер қатынасқан болатын.
Шараны Корея денсаулық сақтау индустриясын дамыту институты (KHIDI) Корея Республикасы Денсаулық сақтау министрлігімен бірлесіп ұйымдастыруда.
Бүгін жаһандық денсаулық сақтау маркерлеріне арналған тақырыптық сессиялар аясында ДСДРО бас директорының орынбасары Айман Ысқақова шетелдік әріптестеріне медициналық туризмді дамыту аясындағы қазақстандық денсаулық сақтау саласының артықшылықтарын, басым факторларын таныстырды.
Айман Ысқақова өз таныстырылымында атап өткендей, Қазақстан 9 басым факторға, яғни артықшылықтарға ие, оның ішінде сапалы қызмет көрсету үшін медициналық орталықтарды жабдықтауды, жоғары технологиялық қызметтер құнының қолжетімділігін, демалыс ұйымдастыру, туризм және спортпен айналысу үшін керемет табиғи ресурстарының болуын, елдің географиялық тұрғыда тиімді, ыңғайлы орналасуын, туристтер қауіпсіздігін қамтамасыз етуді, сондай-ақ түрлі археологиялық, тарихи, және мәдени ұлттық көрікті жерлерінің көптігін атауға болады.
ДСДРО Экономикалық ынтымақтастық және даму ұйымы сарапшыларымен кездесті
- Толығырақ
- Автор: Super User
Қазақстанда ҚР Үкіметі мен Экономикалық ынтымақтастық және даму ұйымы арасындағы Елдік бағдарламаларды жүзеге асыру аясында «Қазақстан үшін ЭЫДҰ-ның денсаулық сақтау жүйесіне шолу» және «Қазақстан үшін ЭЫДҰ-ның ұлттық денсаулық сақтау шоттарына шолу» жобаларын жүзеге асыру шаралары өз мәресіне жетіп келеді.
15-16 қарашада Астанада қазақстандық денсаулық сақтау саласы мамандары ЭЫДҰ сарапшыларымен – Жұмыспен қамту, еңбек және әлеуметтік мәселелер басқармасының басшысы Дэвид Морганмен, Жұмыспен қамту, еңбек және әлеуметтік мәселелер басқармасының аға экономисті Агнес Куфинальмен кездесті.
Аталған кездесулерге ҚР Денсаулық сақтау министрлігінің, Денсаулық сақтауды дамыту республикалық орталығының, ҚР Ұлттық экономика министрлігінің, ҒЗИ, Ұлттық орталықтардың, медициналық жоғары оқу орындарының, «Сауда саясатын дамыту орталығы» АҚ өкілдері, Денсаулық сақтау басқармалары мен медициналық ұйымдардың басшылары қатысты.
Кездесу барысында шара алдында және ресми жарияламас бұрын екі Шолу бойынша соңғы есептер таныстырылып, талқыланды. Сондай-ақ, ЭЫДҰ-ның ұсынған есептерінде көрсетілген, және оларды Қазақстанның денсаулық сақтау жүйесіне енгізу жайындағы ұсынымдары да талқыланды.
Қазақстандық менеджерлер Венгрия мен Австрияның туристтер тарту тәжірибесін игерді
- Толығырақ
- Автор: Super User
«Сарыағаш», «Алматы», «Ақ бұлақ» шипажайларының, «Алатау» балалар шипажайының, сондай-ақ тағы бірқатар жеке шипажайлардың басшылары ҚР шипажайларындағы медициналық, сауықтыру қызметтерін жақсарту және шетелдік туристтерді тарту мақсатында Венгрия мен Австрияның емдік жылы (термальды) сулы курорттарында болып, олардың жұмыстарымен танысты.
Сапар ҚР ДСМ «Медициналық туризм мен импорталмастыруды дамыту» жобасын жүзеге асыру аясында жасалды. Турды ҚР Ұлттық курорттық қауымдастығы ҚР ДСМ Денсаулық сақтауды дамыту республикалық орталығымен бірлесіп ұйымдастырды.
Сапар барысында қазақстандық менеджерлер венгерлік «Дьер», «Бюк фюрдо» «Хевиз», «Залакорош» және австриялық «Баден» курорттарының жұмыстарымен танысты.
Бұл елдерде медициналық туризм деңгейі жоғары, жақсы дамыған. Тек «Хевиздің» өзіне ғана бір жылда келетін шетелдік туристтер саны бір миллионнан асады екен. Венгрияның ең серпінді дамып келе жатқан Бюкфюрдо курортындағы сумен емдейтін орын маусымға қарай 5-8 мың қонақ қабылдай алады. Туристтер негізінен жақын елдерден келеді, қонақтардың жартысынан көбі Австрия мен Германиядан. Соңғы жылдары Ресейден баратын туристтер саны артуда.
Жауапкершілікті сақтандырудың құқықтық тетіктерін әзірлеу мәселелері жөніндегі жұмыс тобының отырысында тәуекелдер карталары туралы шешім қабылданды
- Толығырақ
- Автор: Super User
Денсаулық сақтауды дамыту республикалық орталығы медициналық ұйымдардың өз қызметкерлерінің жауапкершілігін сақтандыру қағидатындағы медициналық ұйымдар жауапкершілігін сақтандырудың құқықтық тетіктерін әзірлеу мәселелері жөніндегі жұмыс тобының отырысын өткізді.
Шараға ҚР Ұлттық банктің, ҚР Сақтандырушылар қауымдастығының, Қазақстан қаржыгерлері қауымдастығының, «Арман» отбасылық және медициналық құқық бюросы» ЖШС, Ұлттық денсаулық сақтау палатасының, «Атамекен» ұлттық кәсіпкерлер палатасының өкілдері, сондай-ақ ҚР ДСМ еңбек гигиенасы және кәсіби аурулар ұлттық орталығы мен «ТОҒЗИ» РМК өкілдері қатысты. Отырысқа селекторлық тәртіпте Қазақстан аймақтарынан да медициналық ұйымдар қатысты.
Талқылау барысында сақтандыратын жағдайларды анықтау, сақтандырудың және тәуекелдердің арнайы карталарының үлгілік шарттарын әзірлеу мәселелері көтерілді.
Тәуекелдер карталары пациентке медициналық көмек көрсету кезінде кеткен барлық қателіктер мен бұзылған қауіпсіздік шараларын – яғни, тәуекел ықпалы мен маңызы көрсетілген медициналық ұйымдар тәуекелдерін қарастыруы тиіс.
Медициналық ұйымдар жауапкершілігін сақтандырудың үлгілік шартын әзірлеу мәселелері бойынша жұмыс тобының мүшелері үлгілік шартты әзірлеу, оны ҚР Денсаулық сақтау министрлігіне бекіттіру жөніндегі өтініштерін білдірді. Сақтандыратын жағдайларды анықтауға қатысты – сот шешімі бойынша ғана емес, сақтанушының өзі де сақтандыру жағдайларын тану нұсқасын талқылау ұсынылды.