Қазақстан аймақтарында «Үнемді өндіріс негіздері» бойынша семинарлар өтеді
- Толығырақ
- Автор: Super User
Астанада Денсаулық сақтауды дамыту республикалық орталығының ұйымдастыруымен 2-6 қазан аралығында «Үнемді өндіріс негіздері» тақырыбында 5 күндік оқыту циклі болып өтті. Енді осыған ұқсас семинарлар Қазақстанның барлық аймағында (2017 жылғы 10 қазан мен 2018 жылғы 1 маусым аралығында) өткізілмек.
Семинарларға тренер ретінде Еуропалық Сапа Ұйымының бас консультанты, Үнемді өндіріспен тәжірибе жүзінде айналысушы, сапа менеджменті, экологиялық менеджмент және денсаулықты қорғау менеджменті мәселелері жөніндегі сарапшы Серік Жолдаспаев шақырылады.
Оқыту аяқталған соң қатысушылар 54 сағат көлемінде «Денсаулық сақтау менеджменті» мамандығы бойынша біліктіліктерін арттырғандықтары туралы куәлік алады.
Алған білім басқарудың тиімділігін арттыруға, шығындарды, оның ішінде қаржылық және еңбек шығындарын азайтуға; медициналық қызмет сапасын жақсартуға мүмкіндік береді.
Астанада өткен «Медициналық генетиканың өзекті мәселелері» тренингі өз мәресіне жетті
- Толығырақ
- Автор: Super User
Астанада ҚР ДСМ Денсаулық сақтауды дамыту республикалық орталығы ұйымдастырған «Медициналық генетиканың өзекті мәселелері» тақырыбындағы 5 күндік тренинг аяқталып, өз мересіне жетті.
Бұл тренинг қазақстандық мамандар үшін онкологиялық (балалар бөлімдерін қоса алғанда) қызметке, метаболизмдік бұзылыстар негіз болатын ауруларды емдеуде медициналық генетиканы енгізу бойынша оқыту тренингі сериясындағы алғашқы қадам болды.
Бүгінгі күнге дейін медициналық генетиканы оқыту Қазақстанда тек лабораториялық қызмет бағытындағы генетиктер арасында ғана өтетін. Бұл жолы өткен тренингтің ерекшелігі базалық клиникалық негізге мән берілді.
Тренингте спикер ретінде тәжірибе жүзіндегі кәсіби мамандар сөз алды: Америкалық генетиктер кеңесінің президенті, профессор Рид Саттон, генетика мәселелері бойынша консультант Эрик Шмидт, PhD, Baylor Genetics, және Сальма Нассеф, Бэйлор Медицина Мектебінің молекулярлық және адами генетика кафедрасының генетика жөніндегі нұсқаушысы (АҚШ).
Лондонда ISQua сертификаттарын салтанатты тапсыру рәсімі өтті
- Толығырақ
- Автор: Super User
Лондонда 1-4 қазанда Денсаулық сақтау саласындағы Сапа жөніндегі халықаралық кеңесінің (ISQua) 34 конференциясы болып өтті. Конференция аясында ДСДРО Аккредиттеу орталығына бұрын берілген ISQua сертификаттары салтанатты түрде табысталды.
Астанада денсаулық сақтау саласындағы бизнестің және қайта реттеудің проблемалық мәселелері талқыланды
- Толығырақ
- Автор: Super User
6 қазанда Астана қаласында Денсаулық сақтауды дамыту республикалық орталығы базасында денсаулық сақтау саласындағы бизнес үшін кедергілерді азайту, қайта реттеу және жекеменшік секторды дамыту мәселелері жөніндегі жобаларды жүзеге асыру аясында құрылған жұмыс тобының бірінші отырысы өтті.
Жұмыс тобының құрамында бизнес – қоғамдастықтың, Ұлттық кәсіпкерлер палатасының, Денсаулық сақтау министрлігінің өкілдері бар. Отырыс барысында олар денсаулық сақтау саласында жекеменшік бизнесті дамыту, қайта реттеу мәселелерін талқылады.
Денсаулық сақтау саласын қайта реттеудің, сондай-ақ медициналық қызмет сапасын арттырудың негізгі аспектілері жайында «Сұңқар» ЖШС Директорлар кеңесінің төрағасы Қуаныш Керімқұлов, «Неврология, эпилептология және оңалту» ЖШС-нен Лейла Дайырбаева, «Даумед клиникасы» ЖШС директоры Бауыржан Дауей сөз алды. Сондай-ақ, отырысқа селекторлық тәртіпте Қазақстан Репродуктивті медицина қауымдастығының президенті, ҚР Денсаулық сақтау министрлігінің Қадағалау кеңесінің мүшесі Вячеслав Локшин, Алматы қаласы Денсаулық сақтау басқармасының штаттан тыс бас маманы Расул Дүйсенов және «Гематолог-дәрігерлер қоғамы» республикалық қоғамдық бірлестігінің төрайымы Ирина Пивоварова қатысты.
Жұмыс тобының талқылауы нәтижесінде Денсаулық сақтаудың бәсекеге қабілетті үлгісін жасау жөніндегі жол картасын әзірлеу бойынша ұсыныстар өңделіп, даярланды.
Тиімділікті арттыру үшін, топ жұмысы үш бағытта жүзеге асырылады: КТМКК, тарифтерді белгілеу, ӘМСҚ, ЖОБ; мемлекеттік-жекеменшік серіктестік және корпоративтік басқару; ғылым және білім.
Астанада генетиканың өзекті мәселелері бойынша тренинг өтуде
- Толығырақ
- Автор: Super User
Бүгін Астанада «Медициналық генетиканың өзекті мәселелері» тақырыбына арналған 5 күндік тренинг басталды. Ұйымдастырушы – ҚР ДСМ Денсаулық сақтауды дамыту республикалық орталығы.
Тренинг өткізушілер: Америкалық генетиктер кеңесінің президенті, профессор Рид Саттон, генетика мәселелері бойынша консультант Эрик Шмидт, PhD, Baylor Genetics, және Сальма Нассеф, Бэйлор Медицина Мектебінің молекулярлық және адами генетика кафедрасының генетика жөніндегі нұсқаушысы (АҚШ).
40 сағаттық тренингте тыңдаушылар тұқым қуалайтын және туабіткен патологиялар диагностикасының жаңа мүмкіндіктері, генетикалық тестілеу проблемаларының заманауи жағдайы, медициналық-генетикалық кеңес берудің ерекшеліктері, генетикалық диагностиканың құқықтық және заңдық аспектілері, саланың басқа да өзекті мәселелері туралы білім алатын болады.
Шеберлік сабағы базалық клиникалық негізге ие, сондықтан генетикалық тұқым қуалаған науқастармен жұмыс тәжірибесі бар кәсіби мамандар үшін қызықты, пайдалы болары сөзсіз.