CDC өкілдерімен кездесу
- Толығырақ
- Автор: Super User
Бүгін Денсаулық сақтауды дамыту республикалық орталығында ДСДРО бас директоры Айнұр Айыпханова Орталық Азиядағы СDC аймақтық офисінің директоры Дафни Моффитпен кездесті.
Кездесу барысында СDC аймақтық офисінің қызметі мен ҚР ДСМ-мен бірлескен ағымдағы жобалар талқыланды. Соның ішінде, қоғамдық денсаулық сақтау қызметін дамыту бағытындағы ынтымақтастық мәселелері, эпидемиологиялық статистика орталығын құру кезіндегі ынтымақтастықтың ықтимал бағыттары қарастырылды. Сондай-ақ, лабораториялық қызметті және туберкулездің алдын алу шараларын дамыту саласында нұсқаулықтар мен талдамалық ақпараттар әзірлеудегі серіктестік мәселелері қозғалды.
Ескерту: Centers for Disease Control and Prevention, CDC (Аурудын алдын алу және бақылау орталықтары) – аурудың алдын алу және олармен күрес жөніндегі шараларды, қоршаған орта тазалығы мен басқа да халық денсаулығын жақсартуға бағытталған шараларды әзірлеп, жүзеге асыру қызметтерін атқаратын АҚШ Денсаулық сақтау департаментінің федералдық агенттігі.
8-9 қыркүйек күндері Астана қаласында клиникалық фармакология және фармация бойынша «Дәрілік заттарды ұтымды пайдалану» атты халықаралық конференция өтеді
- Толығырақ
- Автор: Super User
Конференция жұмысына 300-ден аса қатысушылар, оның ішінде облыстық денсаулық сақтау басқармаларынан, медициналық, фармацевтикалық, ғылыми ұйымдардан, ҚР Денсаулық сақтау министрлігінен ресми делегаттар, сондай-ақ Республикалық медициналық палатаның облыстық филиалдарының, ДДҰ және шет елдік серіктестердің елдік офисінің өкілдері, клиникалық фармакология саласындағы шетелдік сарапшылар қатысты.
Ұйымдастырушылары – Денсаулық сақтауды дамыту республикалық орталығы және Республикалық медициналық палата.
Халықаралық конференцияны ҚР Денсаулық сақтау вице-министрі Ләзат Ақтаева құттықтау сөз сөйлеп, ашты. Оның сөзінше, конференция денсаулық сақтау саласының өзекті мәселелерін шешудің жаңа тәсілдемелерін іздестіруге жәрдемдеседі.
«Бұл шара дәрігерлерге, клиникалық фармакологтар мен фармацевттерге кездесу үшін және клиникалық фармакология мен фармацевтика саласындағы барлық әлемдік қоғамдастықтарды қызықтыратын жаһандық тақырыптарды талқылауға мүмкіндік береді», - деп атап өтті вице-министр.
Екі күндік шараның мақсаты – негізгі аудиторияға дәлелді медицина қағидаттарына негізделген денсаулық сақтау саласын дамытудағы клиникалық фармакологияның артықшылықтарын, келешегін, маңызды ролін көрсету.
Конференция аясында медицина саласының мамандары мен халықаралық сарапшылар клиникалық фармакология және фармация бағытын жетілдіру, дәрілік заттарды қолданудағы қателіктер салдарынан денсаулыққа зиян келтіретін жағдайларды қысқарту, болдырмау мүмкіндіктері туралы ойларын ортаға салады.
«ЭКСПО-2017» халықаралық павильондарының өкілдері Қазақстанның жетекші клиникаларында болды
- Толығырақ
- Автор: Super User
Бүгін, Денсаулық сақтауды дамыту республикалық орталығы Қазақстанның Ұлттық курорттық қауымдастығымен бірлесіп, «ЭКСПО-2017» халықаралық көрмесінің комиссарлары үшін Астана қаласының денсаулық сақтау объектілері бойынша ақпараттық медициналық тур өткізді.
Еліміздің денсаулық сақтау саласындағы жетістіктерімен, медициналық қызмет көрсету сапасымен танысу мақсатында «ЭКСПО-2017» халықаралық павильондарының өкілдері Қазақстанның жетекші клиникаларында болды.
Қазақстандық медицинаның басым бағыттарының бірі – медициналық туризм.
Қазақстандық пациенттер медицинаның кардиохирургия, нейрохирургия, ағзалар трансплантациясы, онкология секілді салаларында медициналық көмек алу үшін ұзақ уақыт бойы шет елдерге баруға мәжбүр болды.
Дөңгелек үстелде курорт-шипажай саласын дамыту жайы талқыланды
- Толығырақ
- Автор: Super User
5 қыркүйекте Ұлттық курорттық қауымдастық Денсаулық сақтауды дамыту республикалық орталығымен, ҚР Президенті Іс басқармасының Медициналық орталығымен бірлесіп, «Қазақстан Республикасының курорт-шипажай саласын дамыту» тақырыбында дөңгелек үстел өткізді.
Дөңгелек үстел жұмысына 10-нан аса шипажайлық-курорттық ұйымдардың басшылары қатысты.
Ұлттық курорттық қауымдастықтың статистикалық деректеріне сәйкес, 2017 жылы ҚР шипажайларында 1500-ге жуық шетелдік туристер болған.
Ұлттық курорттық қауымдастық президенті Саягүл Кайыргелдинова өз сөзінде Қазақстандағы шипажайлық-курорттық ұйымдарды дамыту аспектілеріне, сондай-ақ Қауымдастықтың негізгі шараларына көңіл бөлді.
ДСДРО бас директорының орынбасары Айман Ысқақова Қазақстанда медициналық туризм мен импорт алмастыру саласын дамыту жобасын жүзеге асыру жолдарына нақты тоқталды.
«Қазақстан Республикасының денсаулық сақтау менеджері» журналының екінші нөмірі жарыққа шықты
- Толығырақ
- Автор: Super User
