Дәрілік заттардың, клиникалық фармакологияның өзекті мәселелері
- Толығырақ
- Автор: Super User
2017 жылдың 22 маусымында Дәрілік заттарды, медициналық мақсаттағы бұйымдарды және медицина техникасын сараптау ұлттық орталығы базасында Қазақстан ұлттық дәрілік формуляры, фармакологиялық қадағалау, клиникалық фармакология мәселелері бойынша кеңейтілген жиын болып өтті.
Жиынға ҚР ДСМ Денсаулық сақтауды дамыту республикалық орталығының, Алматы қаласындағы Фармация комитетінің, Алматы қаласы Денсаулық сақтау басқармасының, Дәрілік заттарды, медициналық мақсаттағы бұйымдарды және медицина техникасын сараптау ұлттық орталығының, С.Асфендияров атындағы ҚазҰМУ, Алматы қаласындағы медициналық ұйымдар мен жекеменшік дәріханалардың өкілдері қатысты.
Жиын барысында Қазақстан ұлттық формулярын толықтырған клиникалық хаттамаларды синхрондаудың, фармакологиялық қадағалауды жүзеге асырудың және Қазақстанда клиникалық фармакологтар жетіспеушілігінің өзекті мәселелері талқыланды.
ДСДРО мамандарын Медицина қызметкерлері күнімен құттықтады
- Толығырақ
- Автор: Super User
Бүгін Денсаулық сақтауды дамыту республикалық орталығында Медицина қызметкерлері күні мерекесіне арналған салтанатты жиын болып өтті.
«Халық денсаулығы мен болашағы үшін медицина қызметкерлеріне үлкен жауапкершілік жүктелген. Дәрігерлердің әрқайсысы баға жетпес байлық – адам өмірі мен денсаулығын қорғайды. Қазақстанның денсаулық сақтау саласының даму деңгейі әр қызметкердің қосқан үлесіне, оның білімі мен тәжірибесіне тікелей байланысты», - деп атап өтті ДСДРО бас директоры Айнұр Айыпханова.
Жылы лебізі мен тілегін жеткізген Айнұр Айыпханова Орталық қызметкерлеріне лайықты марапаттарын табыс етті.
Өзінің бар өмірін медицина саласына арнаған Раушан Құнабаева «Еңбек ардагері» медалімен марапатталды.
Бас директордың орынбасары Айман Ысқақоваға «Қазақстан Республикасы денсаулық сақтау ісінің үздігі» құрметті атағы мен төсбелгісі берілді.
Дәрілік заттарды оңтайлы пайдалану орталығының жетекшісі Гүлзира Жүсіповаға «Денсаулық сақтау ісіне қосқан үлесі үшін» төсбелгісі табысталды.
ҚР Денсаулық сақтау министрлігінің Құрмет грамотасымен ДСДРО зейнеткерлері Людмила Жұмаева мен Әйгерім Тәпенованың еңбектері еленді.
ҚР Денсаулық сақтау министрлігі Астана экономикалық форумы аясында жинақтамалы секция өткізді
- Толығырақ
- Автор: Super User
Бүгін, 15 маусым күні Астана экономикалық форумы аясында Назарбаев Университеті базасында «Міндетті әлеуметтік медициналық сақтандыру – медициналық қызмет көрсету сапасы мен қолжетімділігін жақсарту құралы ретінде» тақырыбында жинақтамалы секция болып өтті. Ұйымдастырушы – ҚР Денсаулық сақтау министрлігі.
Секция аясында Қазақстан медицинасын дамытудың өзекті мәселелері талқыланды: әлеуметтік медициналық сақтандыру аясында денсаулық сақтау саласын қаржыландыру, ЭЫДҰ-дағы медициналық қызмет көрсету сапасы, денсаулық сақтау саласындағы тиімділікті бағалау, Health технологияларын пайдаланып денсаулық мониторингін жүргізу, денсаулық сақтау саласында мобильді қосымшаларды қолдану.
Жинақтамалы секция жұмысына қатысушылар және сарапшылар ретінде ҚР Денсаулық сақтау министрлігінің, Әлеуметтік медициналық сақтандыру қорының басшылары, Дүниежүзілік банк, Дүниежүзілік денсаулық сақтау ұйымы, Экономикалық ынтымақтастық және даму ұйымы, Азия даму банкі, ірі ғылыми медициналық орталықтар, белгілі университеттер – халықаралық ұйымдардың өкілдері қатысты.
Денсаулық сақтау саласы партия назарында
- Толығырақ
- Автор: Super User
«Нұр Отан» партиясының Орталық аппаратында партия Төрағасының Бірінші орынбасары Мұхтар Құл-Мұхаммедтің жетекшілігімен «Денсаулық сақтау саласын дамытудың 2016-2019 жылдарға арналған «Денсаулық» мемлекеттік бағдарламасын іске асыру туралы» тақырыбында партиялық тыңдау өтті.
Оған Парламент Мәжілісі Төрағасының орынбасары, «Нұр Отан» партиясы фракциясының басшысы Гүлмира Исимбаева, Мәжіліс Төрағасының орынбасары Владимир Божко, денсаулық сақтау мәселесі бойынша партиялық тәлімгер Зәуреш Аманжолова, Денсаулық сақтау министрі Елжан Біртанов, Мәжілістегі партия фракциясының және ҚХА депутаттық тобының мүшелері, вице-министрлер, орталық және жергілікті атқарушы мемлекеттік органдардың өкілдері, республикалық және өңірлік медициналық орталықтар мен үкіметтік емес ұйымдардың басшылары, сондай-ақ, сарапшылар қауымдастығы мен бейнебайланыс режімінде аймақ өкілдері де қатысты.
Отырысты ашқан «Нұр Отан» партиясы Төрағасының Бірінші орынбасары денсаулық сақтау партия үшін аса маңызды салалардың бірі екенін атап өтті. Одан бөлек, партияның сайлауалды бағдарламасында Экономикалық ынтымақтастық және даму ұйымы (ЭЫДҰ) құрамындағы елдердің ең үздік әлемдік стандарттарын денсаулық сақтау жүйесіне енгізуге бағытталған нақты тапсырмалар көрсетілгеніне тоқталды. Оны жүзеге асыру арқылы 2021 жылға қарай қазақстандықтардың өмір сүру ұзақтығын 73 жасқа көтеру, ал өлім деңгейін 10 пайызға төмендету (мың адамға 7,6-дан 6,28-ге дейін) көзделген. Бұл міндеттердің барлығы 2016 жылдан бастап жүзеге асырыла бастаған «Денсаулық» мемлекеттік бағдарламасына енгізілгенін де атап өткен жөн.
ДСДРО мен Литва денсаулық ғылымы университеті арасында ынтымақтастық туралы меморандумға қол қойылды
- Толығырақ
- Автор: Super User
Осы жылдың мамыр айында Қазақстан Республикасына Литва денсаулық ғылымы университетінің (Каунас, Литва) делегациясы келді.
Делегация құрамында Университет Сенатының төрағасы, профессор Римантас Бенетис, халықаралық байланыс және оқу деканы, профессор Жильвинас Падайга және тағы басқа өкілдер болды.
Сапар аясында литвалық әріптестер ҚР Денсаулық сақтау миинстрі Е.Біртановпен және ҚР ДСМ мамандарымен кездесті. Сондай-ақ, олар Денсаулық сақтауды дамыту республикалық орталығында болды, кездесу барысында ынтымақтастық туралы меморандумға қол қойылды.
Бірлескен қызмет үшін негізгі бағдар ретінде қоғамдық денсаулық сақтау қызметі, медициналық ғылым мен білімді дамыту саласы алынды.