Денсаулық сақтау министрлігі ЮНИСЕФ-пен бірлесіп денсаулық сақтау саласының кадр ресурстары жөнінде семинар-кеңес өткізді
- Толығырақ
- Автор: Super User
Қазақстан Республикасының Денсаулық сақтау министрлігі мен Қазақстан Республикасындағы БҰҰ Балалар қоры (ЮНИСЕФ) 31 мамыр - 1 маусым аралығында «Адами ресурстарды стратегиялық басқару және медициналық білім беруді жаңғырту» атты семинар-кеңес өткізді.
Аталған шара «Адами ресурстарды тиімді басқару» жобасын жүзеге асыру аясында ұйымдастырылды.
Оған ҚР ДСМ, ЮНИСЕФ, ДДҰ, Ұлттық кәсіпкерлер палатасы, Ұлттық денсаулық сақтау палатасы, кәсіби қауымдастықтар, облыстық және Астана, Алматы қалаларының денсаулық сақтау басқармалары, Назарбаев Университетінің медицина мектебі, денсаулық сақтау саласының білім беру және ғылыми ұйымдарының өкілдері қатысты.
Семинар-кеңесте Денсаулық сақтау саласының кадр ресурстарын дамытудың 2013-2016 жылдарға арналған кешенді жоспарын жүзеге асырудың қорытындылары, медицина кадрларының кәсіби жауапкершілігін кепілдендіру туралы заң жобасы, міндетті сертификаттауды медицина қызметкерлерін лицензиялау институтына ауыстыру мәселелері талқыланды.
Отандық дәрі-дәрмектер мен медициналық мақсаттағы бұйымдарды сатып алу 2017 жылы 31 млрд. жуық теңгені құрады
- Толығырақ
- Автор: Super User
Импортқа тәуелділікті азайту және Қазақстан Республикасының денсаулық сақтау жүйесінің қаржылық тұрақтылығын қамтамасыз ету мақсатында Бірыңғай дистрибьютер (БД) – СК-Фармация, өз құзыреттілігі шегінде, дәрілік заттар (ДЗ) мен медициналық мақсаттағы бұйымдарды (ММБ) жеткізу жөнінде ұзақ мерзімді келісімшарт жасау және тендерлік рәсімдерде жеңілдіктер, артықшылықтар беру арқылы осы саладағы отандық өнім өндірушілерге мемлекеттік қолдау көрсетеді.
Бірыңғай дистрибьютер 2017 жылы отандық тауар өндірушілермен (ОТӨ) арадағы ұзақмерзімді келісімшарт бойынша 30,9 млрд.теңге сомасына дәрілік заттар мен медициналық бұйымдар сатып алды, бұл 2010 жылғы ұқсас көрсеткішпен (4,8 млрд.) салыстырғанда алты есеге көп.
Бірыңғай дистрибьютермен ұзақмерзімді келісімшарт жасау отандық тауар өндірушілер үшін инвестициялық тартымдылықты арттырады. 10 жыл мерзімге әрекет ететін келісімшарт инвесторлар мен өндірушілерге өндірілген өнімнің өтімділігіне кепілдік береді.
Кітаптар - кішкентай емделушілер үшін
- Толығырақ
- Автор: Super User
Денсаулық сақтауды дамыту республикалық орталығының қызметкерлері Халықаралық балаларды қорғау күніне орай әлеуметтік акция ұйымдастырды.
№ 1 және №2 қалалық балалар ауруханасының кішкентай емделушілері үшін әртүрлі жастағы балаларға арналған, қазақ және орыс тілдерінде 200 кітап сатып алынды. Ұсынылған кітаптардың арасында классикалық шығармалар, ертегілер мен әңгімелер, үйрететін құралдар мен қысқа энциклопедиялар бар.
«Астана қаласындағы екі балалар ауханасында пайда болған кітаптар бұрышы ауруханада ем алып жатқан бүлдіршіндерге қуаныш сыйлап, уақыттарын жылдам әрі тиімді өткізуге мүмкіндік береді деген үміттеміз» дейді ДСДРО бас директорының міндетін атқарушы Айнұр Айыпханова.
Қазақстанда тәуелсіз медициналық сарапшылардың қызметі қайта ұйымдастырылатын болады
- Толығырақ
- Автор: Super User
Астанада 2017 жылдың 12 мамырында тәуелсіз медициналық сарапшылардың, медицина қызметкерлері қауымының және үкіметтік емес ұйымдардың қатысуымен «Медицина қызметкерлерінің кәсіби жауапкершілігін қорғау институтын дамыту. Қазақстан Республикасындағы тәуелсіз медициналық сарапшылардың өзекті мәселелері. Денсаулық сақтау саласындағы медиация» тақырыбында конференция болып өтті. Конференция аясында тәуелсіз медициналық сарапшылардың жұмыстарын қайта ұйымдастыру жөнінде бірқатар шешімдер қабылданды.
Сонымен бірге, Қазақстан Республикасында тәуелсіз медициналық сараптама жүргізудің ұйымдастырушылық-қызметтік моделін талқылау нәтижесінде мынадай шешімдер қабылданды:
- Ұлттық Денсаулық сақтау Палатасы базасында тәуелсіз медициналық сарапшылар тізілімін жасау;
- Қоғамдық денсаулық сақтау комиссиясының құрамына тәуелсіз медициналық сарапшыларды тарту механизмдері бойынша нормативтік-құқықтық актілерге өзгерістер мен толықтырулар енгізу;
ДСДРО халықаралық әріптестерімен ынтымақтастық жоспарларын талқылады
- Толығырақ
- Автор: Super User
Бүгін Астана қаласында «Денсаулық сақтау саласындағы халықаралық серіктестермен өзара әрекеттестік тиімділігін арттыру» тақырыбында дөңгелек үстел болып өтті. Дөңгелек үстелді ұйымдастырушы – Денсаулық сақтауды дамыту республикалық орталығы (ДСДРО).
Дөңгелек үстел жұмысына АҚШ-ның ауруларды бақылау және оның алдын алу жөніндегі Орталық Азиядағы орталығының (CDC) аймақтық директоры Дафна Моффет, Дүниежүзілік Денсаулық сақтау Ұйымының (ДДҰ) елдік кеңсесінің өкілі Салтанат Егеубаева, БҰҰ Балалар қорының (ЮНИСЕФ) консультанты Лариса Тихонова, БҰҰ Тұрғын халық саласындағы қорының (ЮНФПА) өкілдері Гаухар Әбуова мен П.Виллануэва, Дүниежүзілік банк, ҚР Денсаулық сақтау министрлігінің, т.б. өкілдері қатысты.
Дөңгелек үстел өткізудегі мақсат – ДСДРО-ның даму векторы туралы серіктестерді ақпараттандырып, денсаулық сақтау жүйесін жақсарту, денсаулық сақтау саласындағы халықаралық ұйымдармен өзара ынтымақтастықты нығайту.