ДСДРО қызметкерлері марапатталды
- Толығырақ
- Автор: Super User
Бүгін Денсаулық сақтауды дамыту республикалық орталығында Қазақстан Республикасының Тәуелсіздік күніне арналған салтанатты жиын өтті.Салтанатты шарада Орталықтың бас директоры Айнұр Айыпханова ерекше көзге түскен қызметкерлерді марапаттап, «Еңбек ардагері» медалін, «Денсаулық сақтау ісіне қосқан үлесі үшін» төс белгісін және Құрмет грамотасын табыстады.
«Еңбек ардагері» медалін Білімді және дағдыларды бағалау орталығының жетекші маманы Досмамбетова Күлсара Қоралбайқызы иеленді.
«Денсаулық сақтау ісіне қосқан үлесі үшін» төс белгісі Адами ресурстарды және ғылымды дамыту орталығының медициналық білім беруді дамыту бөлімінің бастығы Зәуре Байғожина мен Ұтымды клиникалық практика орталығының стандарттау бөлімінің бас маманы Гүлжан Мұхановаға берілді.
Ал, Адами ресурстарды және ғылымды дамыту орталығының кадрлық ресурстар обсерваториясының бас маманы Ғалия Мусина мен Медициналық көмекті жетілдіру орталығының АМСК дамыту секторының бас маманы Рауза Кенжеқұлова «Құрмет» грамотасымен марапатталды.
Әріптестеріміздің қуаныштарына ортақтаса келе, ұжымды Тәуелсіздік күні мерекесімен құттықтаймыз. Әр шаңыраққа шаттық, бақыт, табыс, денсаулық тілейміз! Еліміздің әл-ауқаты артып, алға дами берсін!
Денсаулық сақтау министрлігінің мемлекеттік функциялары бәсекелес ортаға және өзін-өзі реттейтін ұйымдарға берілмек
- Толығырақ
- Автор: Super User
8 желтоқсанда Астанада Денсаулық сақтауды дамыту республикалық орталығының базасында Денсаулық сақтау министрлігінің мемлекеттік функцияларын бәсекелес ортаға және өзін-өзі реттейтін ұйымдарға беру мәселелері жөнінде жиын болып өтті. Жиынға ҚР Денсаулық сақтау министрлігінің, ДСДРО, Ұлттық денсаулық сақтау палатасының, кәсіби медициналық ұйымдар мен заңды тұлғалар бірлестіктерінің өкілдері қатысты.
Жиынға қатысушылар Денсаулық сақтау министрлігінің осы бағыттағы жұмысы туралы, сондай-ақ мемлекеттік реттеумен қатар қоғамдық басқаруды қарастыратын, денсаулық сақтау саласын басқарудың жаңа үлгісін енгізу үдерісі туралы ақпараттандырылды. Сапа жөніндегі біріккен комиссияны оған бірқатар мемлекеттік функцияларды бере отырып өз алдына бөлек заңды тұлғаға ауыстыру болжанып отыр.
Қатысушылар Денсаулық сақтау министрлігінің келесі мемлекеттік функцияларды алып тастау туралы ұсыныстарын қолдады:
- денсаулық сақтау саласындағы ғылыми ұйымдар мен білім беру ұйымдарын мемлекеттік аттестаттауды ұйымдастыру және өткізу; медициналық және фармацевтикалық қызметтерге қойылатын біліктілік талаптарын, операциялық рәсімдердің стандарттарын, алдын алудың, диагностикалаудың, емдеудің, сондай-ақ медициналық және әлеуметтік қайта қалпына келтіру әдістерін, медициналық колледждердің клиникаға дейінгі симуляциялық кабинеттерін жарақтандыру нормативтерін әзірлеу.
Сонымен бірге, денсаулық сақтау субъектілерін аккредиттеуді ұйымдастыру және өткізу, аккредиттелген денсаулық сақтау субъектілерінің қызметтеріне мониторинг жүргізу, денсаулық сақтау саласындағы аккредиттелген субъектілердің деректер қорын қалыптастыру, аккредиттеу стандарттарын, денсаулық сақтау саласындағы білім беру стандарттарын әзірлеу секілді мемлекеттік функцияларды өзін-өзі реттейтін ұйымдарға беру болжануда.
Астанада АҚШ Медициналық емтихан алушылар Ұлттық Кеңесінің қатысуымен семинар өтуде
- Толығырақ
- Автор: Super User
11-12 желтоқсанда Астанада АҚШ Медициналық емтихан алушылар Ұлттық Кеңесінің (NBME) қатысуымен семинар өтуде.
Семинарға ҚР Денсаулық сақтау министрлігінің, ҚР Ұлттық денсаулық сақтау палатасының, ұлттық институттардың өкілдері, медициналық жоғары оқу орындарының ректорлары мен проректорлары қатысуда.
Вице-Президент Брауни Андерсен бастаған АҚШ Медициналық емтихан алушылар Ұлттық Кеңесінің өкілдері дәрігерлерді мамандықтары бойынша сертификаттау, тест тапсырмаларын және клиникалық сценарийлер, психометриялар әзірлеу әдістемелері жөніндегі кәсіби кеңестер қызметін ұйымдастыру мәселелері бойынша семинарлар мен тәжірибелік сабақтар өткізуде.
АҚШ Медициналық емтихан алушылар Ұлттық Кеңесі медициналық тәжірибе үшін денсаулық сақтау мамандарының түйінді құзыреттіліктерін көрсету арқылы білімдері мен дағдыларын бағалауды жүзеге асырады.
USMLE жоғары нәтижелері қоғамдастықтың тұрғындарға көрсетілетін медициналық қызметтерлің сапасы мен қауіпсіздігіне, және олардың қызметінің белгіленген старттарға сәйкестілігіне сенімді болуына мүмкіндік береді.
Қазақстан Республикасында жедел медициналық жәрдем көрсету тәртібі
- Толығырақ
- Автор: Super User
2017 жылдың 3 шілдесінен бастап Қазақстан Республикасы Денсаулық сақтау министрінің № 450 бұйрығымен «Қазақстан Республикасында жедел медициналық жәрдем көрсету тәртібін бекіту туралы» бұйрығы жаңа редакцияда күшіне енді.
Мерзімді медициналық көмектің екі түрі болады – шұғыл және жедел. Шұғыл көмек пациенттің өміріне қауіп төнген жағдайда көрсетіледі. Жедел көмек өміріне тікелей қауіп жоқ, бірақ аурудың асқынған сатысында, адамға мүмкіндігінше тезірек көмек керек болған жағдайда көрсетіледі. Көмектің бұл екі түрін де «Жедел жәрдем» қызметі көрсетеді.
Жедел жәрдемнің негізгі міндеті – ары қарай емделуге қатысты ешқандай ұсыным бермей, тек асқынған аурудың (жағдайдың) бетін қайтару (яғни, сырқат белгілерін жеңілдету немесе ауруханаға жеткенге дейін пациент өмірін сақтау).
Жедел медициналық жәрдем (бұдан әрі - ЖМЖ) – адамның өміріне және/немесе денсаулығына төніп тұрған қауіпті қайтару үшін, шұғыл медициналық көмекті қажет ететін сырқаттар мен жағдайларда, сондай-ақ ауыстыру үшін ағзаларды (ағза бөліктерін) тасымалдау керек болғанда ұсынылатын медициналық көмек түрі.
Шұғыл медициналық көмек – аяқасты қатты ауыру, жарақаттану, денсаулығының күрт нашарлауы, созылмалы сырқаттың асқынуы кезінде адам өміріне немесе денсаулығына төнетін қауіпті жою үшін жедел медициналық араласуды қажет ететін медициналық көмек түрі.
Астанада «Адами ресурстарды стратегиялық басқару» жобасы аясында жиын өтті
- Толығырақ
- Автор: Super User
6 желтоқсанда Астанада Денсаулық сақтауды дамыту республикалық орталығы ҚР Денсаулық сақтау министрлігінің қолдауымен 2016-2019 жылдарға арналған «Адами ресурстарды стратегиялық басқару» жобасының жүзеге асырылу барысы туралы республикалық жиын өткізді.
Жиынға денсаулық сақтау саласының 60-қа жуық мамандары қатысты: жоба топтарының аймақтық жетекшілері, республикалық ҰО мен ҒЗИ, Республикалық электрондық денсаулық сақтау орталығының өкілдері қатысты.
Жұмыс барысында қатысушылар жобаны жүзеге асырудың аралық қорытындыларын, адами ресурстарды басқарудың аймақтық және корпоративтік саясатын енгізу мәселелерін, заманауи HR-технологияларды енгізу арқылы кадр қызметтерін жаңғырту, медициналық қызметкерлердің кәсіби жауапкершілігін сақтандыру және денсаулық сақтау субъектілері мәселелерін талқылады.
Қатысушылар «Ресурстарды басқару жүйесі» бағдарламасын толтыру мәселесін көтерді. Аталған мәселені шешу үшін медициналық ұйымдардың кадр қызметтерінің осы бағдарламамен жұмыс істейтін мамандарын қосымша оқыту туралы шешім қабылданды.
Сондай-ақ жиын аясында аймақтарда қатарлы оқу ұйымдастырып, өткізу мақсатында тренерлер үшін «Коммуникациялық дағдылар және медицина әдебі» атты семинар өткізілді.