Ана мен бала ұлттық ғылыми орталығында балалар үшін қайырымдылық шара өтті
- Толығырақ
- Автор: Super User
Бүгін, ДСДРО Алғыс айту күні қарсаңында және Балалар онкологиясымен күрес халықаралық күні аясында РЭДСО-мен бірлесіп Ана мен бала ұлттық ғылыми орталығында балалар үшін қайырымдылық шарасын өткізді.
Кішкентай пациенттер үшін кәсіби аниматорлар ойын-сауық бағдарламасымен шығып, өнер көрсетті, ал Орталықтың ойын бөлмелеріне ой дамыту және үстел үстінде ойнайтын ойыншықтар табыс етілді. Сондай-ақ, онкологияны жеңген балалар сырқат балаларды қолдау лебіздерін білдірді.
Естеріңізге сала кетейік, бұл алғыс айту күнін мемлекет басшысы Нұрсұлтан Назарбаев осыдан үш жыл бұрын ортақ тарихымызға құрмет көрсету, әралуан ұлт өкілдерінің өз Отанына айналған киелі қазақ жері мен кеңпейілді қазақ халқына терең тағзымның белгісі ретінде белгілеген болатын. Бұл мереке, ең алдымен, қазақстандықтардың бір-біріне деген қайырымдылығының, достығының, еліміздегі бейбітшілік пен келісімнің жарқын бейнесі.
Амбулаториялық жағдайда медициналық қызметтердің халыққа қолжетімділігі туралы онлайн-сауалнама
- Толығырақ
- Автор: Super User
Достар!
Денсаулық сақтауды дамыту республикалық орталығы амбулаториялық жағдайда медициналық қызметтердің халыққа қолжетімділігі туралы онлайн-сауалнама жүргізеді
Мына белсенді сілтемеге өтіп бірнеше сұраққа жауап беруіңізді сұраймыз https://ru.surveymonkey.com/r/MVKQXSP.
Біздің мақсатымыз – елдегі алғашқы медициналық-санитариялық көмектің пациенттердің мұқтаждықтарына қаншалықты сәйкес келетіндігіне экспресс-талдау жүргізу.
Сауалнама 2018 жылғы 28 ақпанға дейінгі мерзімде жүргізіледі.
Қазақстанда CORE зерттеу созылмалы өкпе ауруларының пайда болуы темекі шегуге тікелей тәуелді болатындығын көрсетті
- Толығырақ
- Автор: Super User
Денсаулық сақтауды дамыту республикалық орталығында GlaxoSmithKline (GSK) халықаралық фармацевтикалық компаниясы өкілдерімен кездесу өтті, оның барысында ТМД елдеріндегі (Қазақстан, Украина, Әзірбайжан) үш ірі қаланың ересек тұрғындарының тәуекел факторлары бағалана отырып, созылмалы обструктивтік өкпе ауруларының (СОӨА) таралуы бойынша эпидемиологиялық зерттеулердің нәтижелері ұсынылды.
Зерттеу деректері бойынша бұрын диагностикаланған СОӨА-ның таралуы 1000 адамға шаққанда Қазақстанда 13,8, Украинада 10,4 және Әзірбайжанда 4,3 құрады. Спирометрия мәліметтерінің негізінде алғаш рет диагностикаланған СОӨА-ның таралуы 1000 адамға шаққанда Қазақстанда 63, Украинада 30 және 35 Әзірбайжанда құрады.
Спирометриямен диагностикаланған СОӨА-ның ең жоғарғы таралуы 65 жастан асқандар тобында байқалған. Барлық үш елде де СОӨА-ның еркектер арасында кеңінен таралуы байқалған.
Зерттеулер барысында темекі шегу мен СОАӨ арасындағы статистикалық маңызды өзара байланыс анықталды.
Ауырлық дәрежесі бойынша барлық үш елде 2-сатыдағы пациенттер анықталды.
ДСДРО HR-менеджмент бойынша оқу семинарларын ұйымдастырады
- Толығырақ
- Автор: Super User
Денсаулық сақтауды дамыту республикалық орталығы Қазақстан айтақтарында «HR-менеджмент. Денсаулық сақтау саласының кадрлық ресурстарын басқарудың заманауи технологиялары» тақырыбында семинарлар ұйымдастыруда.
Оқу 2018 жылдың І тоқсанында басталады, ол медициналық ұйымдардың басшылары мен кадр қызметтерінің мамандарын HR-менеджменттің және корпоративтік басқарудың өзекті мәселелері бойынша даярлауға бағытталған.
Қатысушылардың семинар барысында алған білімдері саланы дамытудың стратегиялық міндеттерін жүзеге асыруға бағдарланған заманауи HR менеджмент негіздерін, медицина ұйымы қызметінде персоналды жалдау, бейімдеу, менторлық, карьераны дамыту, ұйымдастыру мәдениеті, медицина қызметкерлерін ынталандыру, еңбек етуге қауіпсіз және қолайлы жағдай жасау, т.б. секілді заманауи HR-технологияларды енгізуге мүмкіндік береді.
Аймақтардағы оқуға қатысамын деушілер өтінімдерін obskrz@mail.ru электронды мекен-жайына жіберулеріне болады, өтінім нысаны мына сілтеме бойынша қолжетімді.
Семинар құны – ҚҚС қоса алғанда 30 580 (отыз алты мың бес жүз сексен) теңге. Төлем БИН 110340017483 бойынша.
ДСДРО КМҚ өкілдерімен денсаулық сақтау саласындағы мемлекеттік міндеттерді бәсекелес ортаға беру мәселелерін талқылады
- Толығырақ
- Автор: Super User
Денсаулық сақтауды дамыту республикалық орталығы өзін-өзі реттеу қағидаттарын түсіндіру және мемлекеттік міндеттерді бәсекелес орта мен өзін-өзі реттейтін ұйымдарға беру мәселелері жөнінде дөңгелек үстел өткізді.
Талқылау 15 қаңтарда кәсіби медицина қауымдастықтарының (КМҚ) және денсаулық сақтау саласының жекеменшік секторы өкілдерінің қатысуымен РЭДСО базасында селекторлық тәртіпте өтті.
Дөңгелек үстел жұмысы барысында КМҚ қызмет ету және оларды аккредиттеу үдерісі, өзін-өзі реттейтін ұйымдарды құру және оларды тіркеу, «Медициналық қызметтер сапасы жөніндегі біріккен комиссияны» тәуелсіз ұйымға ауыстыру мәселелері қаралды.
Кәсіби қауымдастықтардың әлеуетін арттыру үшін халықаралық тренерлерді шақырып, ДСДРО базасында оқыту тренингтері сериясын өткізу туралы шешім қабылданды.
КМҚ аккредиттеуге дайындық және оны өткізу барысында Денсаулық сақтауды дамыту республикалық орталығы кері байланыс пен клиентке бағдарлануды қамтамасыз етеді.