ДСДРО нидерландтық сарапшылармен медициналық технологияларды бағалауды дамыту мәселелері бойынша кеңес өткізді
- Толығырақ
- Автор: Super User
16 сәуірде Денсаулық сақтауды дамыту республикалық орталығында әлеуметтік медициналық сақтандыру жобасының медициналық технологияларын бағалауды дамыту жөніндегі келісім-шарт шеңберінде Нидерландтық Нейгман университетінің (Stichting Katholieke Universiteit Nijmegen) халықаралық сарапшылар тобымен кездесу өтті.
Кездесуге нидерландтық Радбуд атындағы Университеттің медициналық орталығының сарапшысы Вайа Оортвайн және денсаулық сақтау экономикасы жөніндегі сербтік тәуелсіз кеңесші Таня Новакович қатысты. Диалог барысында халықаралық сарапшылар ДСДРО-ның медициналық технологияларды бағалау бөлігіндегі жұмысының ерекшеліктерін талқылады: Қазақстанда медициналық технологияларды бағалау жүзеге асырылатын негізгі қағидаттар, тәсілдер мен әдістер, диагностиканың, емдеудің, оңалтудың жаңа әдістерін және дәрілік заттарды ел дәрігерлерінің клиникалық практикасына және ТМККК және МӘМС тізіміне енгізу процестері
Қазақстандық медициналық ұйымдар Қырғызстандағы медициналық туризм жөніндегі көрмеде таныстырылды
- Толығырақ
- Автор: Super User
9-11 сәуір аралығында Бішкекте «Қырғызстанның денсаулық сақтау апталығы» аясында халықаралық медициналық көрме өтті, онда «Медициналық туризмді және импортты алмастыруды дамыту» бастамасын орындау шеңберінде көрмеге қатысқан Денсаулық сақтауды дамыту республикалық орталығының қызметкерлері «Конвенцшн Бюромен» бірлесіп бірыңғай экспозицияны ұсынды.
Қазақстанның Денсаулық сақтау министрлігі бұл бастаманы «Денсаулық сақтау саласын жаңғырту» жобасы аясында іске асыруда.
Қазақстанда жұлын жарықтары бар балаларға көмек көрсету жетілдірілетін болады
- Толығырақ
- Автор: Super User
11-12 сәуірде Нұр-Сұлтан қ. № 2 қалалық балалар ауруханасы базасында «Spina bifida» республикалық конференциясы өткізілді.
Конференцияға Санкт-Петербург қ. Г. И. Турнер атындағы балалар ортопедиялық институтының, республикалық денсаулық сақтау ұйымдарының, медициналық білім беру және ғылым ұйымдарының басшылары, үкіметтік емес сектордың өкілдері, туа біткен жұлын жарықтары бар балалардың ата-аналары қатысты.
Қазақстанда туа біткен жұлын жарықтары бар (Spina bifida) балаларға медициналық көмек көрсетуді жетілдіру жөніндегі 2019-2020 жылдарға арналған жол картасы туралы ақпаратпен ДСДРО Медициналық көмекті жетілдіру орталығының интеграциялау бөлімінің бас маманы Жанара Кошалакова сөз сөйледі.
Жол картасына Spina bifidaсы бар балаларға медициналық көмек көрсету сапасын жақсарту, Spina bifidaсы бар балалармен жұмыс істейтін қызметкерлердің кадрлық әлеуетін арттыру, халықпен ақпараттық-түсіндіру жұмыстары жөніндегі іс-шаралар енгізілген.
Екі күндік конференция аясында ортопед, невролог, нейрохирург, уролог және психологтың қатысуымен пациенттерді емдеуге арналған мультидисциплинарлық тәсіл түрі бойынша консилиумдар өткізілді. Сонымен қатар, балаларды көрнекі тексеру түрінде балаларға диагностикалық және емдік көмек көрсетілді, ұсыныстар берілді.
ДСДРО қызметкерлері SNOMED International бизнес-кездесуіне қатысады
- Толығырақ
- Автор: Super User
7-11 сәуір аралығында Лондонда SNOMED International-ға қатысушы елдердің бизнес-кездесуі өтеді.
ДСДРО Стратегиялық даму орталығының қызметкерлері бизнес-кездесуге Мүшелер алқасының қатысушысы ретінде қатысады (Member forum). Мүшелер алқасы – бұл рөлі мүшелер арасындағы ынтымақтастыққа жәрдемдесу және әрбір ел үшін басымдықтарды айқындау, сондай-ақ оқытуға жәрдемдесу болып табылатын ұйымның консультативтік органы. Кездесудің негізгі мәселесі еларалық ынтымақтастық тәсілдерін анықтай отырып 2025 жылға дейінгі ұйымның даму стратегиясын, сондай-ақ жаңа технологияларды дамытуды ескере отырып, ұйымның өз ішінде анықтау. Кездесу барысында SNOMED клиникалық терминологиясын енгізу бойынша ұйымдастырушылық және техникалық мәселелерді талқылау, денсаулық сақтау жүйесінде талдау жүргізу және статистика жүргізу үшін терминологияны пайдалану, клиникалық терминологияны әзірлеуге практикалаушы дәрігерлерді тарту үшін SNOMED International мүше елдерінің өкілдерімен жұмыс және консультациялық топтар ұйымдастырылды. Кездесу барысында ДСДРО қызметкерлері Ұлыбританияда, Испанияда, Австрияда, Малайзияда және басқа елдерде SNOMED клиникалық терминологиясын қолдану және енгізу тәжірибесімен танысуға мүмкіндік алды.
Денсаулық сақтау министрлігінің ақпараттық жүйелеріне SNOMED негізгі бөліктерін бейімдеу және енгізу жөніндегі жұмыстар 2020-2021 жылдарға жоспарланған.
Алматыда Қазақстанның Медициналық және фармацевтикалық қауымдастықтары форумының І съезі өтті
- Толығырақ
- Автор: Super User
2019 жылы 4 сәуірде Алматы қаласында ҚР Медициналық және фармацевтикалық қауымдастықтары форумының І съезі өтті.
Денсаулық сақтау жүйесінің бытыраңқы қауымдастықтарының күш-жігерін біріктіруге мүмкіндік беретін съезді өткізуге медициналық қауымдастықтардың басшылары өткен жылдың соңында бастамашылық жасады.
Съезге Алматы қаласы денсаулық сақтау басқармасы, "Атамекен" ҰКП және медициналық қауымдастық өкілдері қатысты.
Қазақстан Республикасының Денсаулық сақтау жүйесінің бизнес-қауымдастықтары мен кәсіби қауымдастықтарын шоғырландыруда Ұлттық Кәсіпкерлер Палатасы, Денсаулық сақтау салаларын дамытуды реттеудегі кәсіби қауымдастықтардың рөлі туралы қазақстандық репродуктивті медицина қауымдастығының президенті Вячеслав Локшин және "Атамекен" Ұлттық Кәсіпкерлер Палатасы департаментінің директоры Жанна Оспанова баяндама жасады.
Съезд жұмысының қорытындысы бойынша тиісті министрліктер мен ведомстволарға, кәсіби медициналық және фармацевтикалық қауымдастықтарға тиісті құжаттар жіберіледі, ынтымақтастық пен өзара іс-қимыл жолдары ұсынылады. Съезге қатысушылар Қазақстан Республикасының медициналық қоғамдастығына күш - жігерді шоғырландырып, 2020 жылға қызметін "Балалардың денсаулық жылы" нақты жобаға арнау міндетін қойды. Форумның марапаттары-Авиценна атындағы медаль, Өтебойдақ Тілеуқабылұлы атындағы медаль бекітілді.