2019 жылғы 24-25 қаңтар аралығында ДСДРО қызметкерлері үшін халықаралық деңгейдегі сарапшы, профессор Золтан Калоның қатысуымен"Фармакоэкономикалық үлгілеу әдістері" тақырыбында тренинг өтеді.

Іс-шара қызметкерлердің әлеуетін арттыруға, денсаулық сақтау экономикасы және медициналық технологияларды бағалау саласындағы білімді тереңдету мен дағдыларды жетілдіруге бағытталған.

2019 жылдың қаңтарынан бастап Қазақстан ТМД елдері арасында ресми түрде алғашқы мүше және SNOMED International-ға енген әлемдегі 38-ші ел болды. Ұйымның құрамына бірыңғай медициналық терминологияны пайдаланатын және әзірлеуге қатысатын елдер кіреді.

Бүгінгі таңда SNOMED терминологиясын әлемнің 50-ден астам елінде қолданады және Қазақстанның ұйымға кіруі қазақстандық денсаулық сақтау жүйесі үшін серпінді қадам болып табылады. Жалпы, Қазақстанның кіруі туралы келіссөздер Медициналық терминология саласындағы стандарттарды әзірлеу жөніндегі халықаралық ұйыммен (IHTSDO) екі жыл бойы жүргізілді.

28 желтоқсанда «Қазақстан Республикасының кейбір заңнамалық актілеріне дәрілік заттар мен медициналық бұйымдар айналымы мәселелері бойынша өзгерістер мен толықтырулар енгізу туралы» ҚР-ның Заңы қабылданды.

Негізгі жаңалықтардың бірі формулярлық жүйені дамыту арқылы дәрілік заттарды ұтымды пайдалану бойынша нормаларды енгізу, сондай-ақ дәрілік заттар мен медициналық бұйымдарды этикалық жылжыту болып табылады.

Қазақстан Республикасы Денсаулық сақтау министрлігі (бұдан әрі - ҚР ДСМ) Медициналық көрсетілетін қызметтердің сапасы жөніндегі біріккен комиссияның (бұдан әрі - Комиссия) мүшелігіне кандидаттарды іріктеуді жүргізеді.

Комиссия ҚР ДСМ жанындағы тұрақты жұмыс істейтін консультациялық-кеңесші орган болып  табылады және клиникалық хаттамаларды, медициналық технологияларды бағалауды, медициналық білім беруді, дәрі-дәрмекпен қамтамасыз ету, денсаулық сақтау  саласындағы қызметтердің сапасы мен қолжетімділігін бақылау жүйесін жетілдіру бойынша ұсыныстарды әзірлеу үшін құрылған.