Салидат Қайырбекова атындағы Ұлттық ғылыми денсаулық сақтауды дамыту орталығының сарапшылары инфекционистер мен эпидемиологтардың III қазақстандық конгресінің жұмысына қатысты
- Толығырақ
- Автор: Super User
Елордада 2023 жылғы 5-6 қазанда ҚР Денсаулық сақтау министрлігінің қолдауымен халықаралық «Жаһандану жағдайындағы инфекциялық аурулар: туындайтын мәселелер және оларды шешу жолдары» атты инфекционистердің III қазақстандық конгресі өтті.
Екі күн ішінде конгресс қатысушылары жұқпалы аурулар тақырыбын кеңінен талқылады. Сонымен қатар, жұқпалы аурулармен ауыратын науқастарды емдеу, жұқпалы аурулардың жағдайлары мен ерекшеліктеріне клиникалық талдау жүргізілді, бұл мәселелер тек ғалымдарға ғана емес, сонымен қатар тәжірибелі дәрігерлерге де қызықты болды. Жиын барысында жұқпалы аурулардың вакцинопрофилактикасына және оның даму перспективаларына, зертханалық диагностикаға, жұқпалы аурулардың дәрілік терапиясына ерекше назар аударылды.
Конгресс аясында спутниктік симпозиумдар, секция отырыстары, пленарлық отырыстар өткізілді.
Осындай секциялардың бірінде «Клиникалық хаттамаларды жетілдіру аспектілері жұқпалы аурулар» (антибиотикалық терапия) бейіні бойынша» Дәрілік саясатты жетілдіру департаментінің директоры баяндама жасаған болатын.
«Өздеріңіз білетіндей, клиникалық емдеу хаттамасы пациенттің белгілі бір ауруы немесе жай-күйі кезіндегі профилактика, диагностика, емдеу, медициналық оңалту және паллиативтік медициналық көмек бойынша ғылыми дәлелденген ұсынымдар болып табылады. Бүгінгі таңда республика бойынша 1103 қолданыста клиникалық емдеу хаттамалары болса, оның 6% - ы (66 КХ) «Жұқпалы аурулар» бейіні бойынша. Бірақ, бактерияға қарсы ұсынылатын препараттардың басым бөлігі Қазақстан Республикасында мемлекеттік тіркеуден өтіп, ҚҰФ-қа енгізілген. Алайда, ҚР - да тіркелмеген бактерияға қарсы бірқатар қажетті дәрілік заттар да бар екендігін атап өткен жөн», - деді сарапшы.
Жалпы, конгресс жұмысы практикалық медицина қызметкерлерінің өзекті инфекциялық және эпидемиологиялық аурулар туралы түсініктерін кеңейтуге мүмкіндік берді, сондай-ақ мұндай іс-шаралар денсаулық сақтау жүйесінің әртүрлі құрылымдарының өзара іс-қимылына ықпал ететіні сөзсіз.
ҰҒДСДО медициналық техниканы тиімді жоспарлау және сатып алу негіздері бойынша тыңдаушылардың төртінші легін дайындады
- Толығырақ
- Автор: Super User
Бүгінгі таңда денсаулық сақтау саласында негізгі бағыттардың бірі -медициналық ұйымдарды заманауи медициналық жабдықтармен қамтамасыз ету болып табылады.
Осыған байланысты, қажетті жабдықтармен жарақтандыру және сатып алу негіздерін үйрету мақсатында, ҚР Денсаулық сақтау министрлігінің бастамасы бойынша Қазақстанның денсаулық сақтау ұйымдарының өкілдері үшін оқыту курсы әзірленген болатын.
Оқу циклін әзірлеуші және ұйымдастырушы - ҚР ДСМ «Салидат Қайырбекова атындағы Ұлттық ғылыми денсаулық сақтауды дамыту орталығы» ШЖҚ РМК.
Медициналық техниканы тиімді жоспарлау және сатып алу бойынша 2022 жылғы қараша айынан бастап дайындалып, шығарылған тыңдаушылардың төртінші легі.
Осы тұста айта кету керек, осы курс шеңберінде төртінші лекті оқыту 11 қыркүйектен 6 қазанға дейін жүргізілді.
Осы курсқа қатысу үшін республиканың 9 өңірінен 25 қатысушы келген болатын.
Жалпы бір ай ішінде тыңдаушыларға республиканың медициналық техника айналысы саласындағы нормативтік, реттеуші базасы және жүргізіліп жатқан орталықтандыру шеңберінде сатып алуды басқару, сатып алуды жоспарлау, заманауи медициналық техниканың түрлері бойынша ұсыныстарды талдау, шешімдер қабылдау үшін менеджменттің заманауи құралдарын пайдалану, технологияны бағалау, оны сатып алу және денсаулық сақтау ұйымдарын жарақтандыру, денсаулық сақтау нысандары және т.б құрылысты жоспарлау ерекшеліктері бойынша толық ақпарат берілді.
Оқытуды ҚР Денсаулық сақтау министрлігінің, Салидат Қайырбекова атындағы Ұлттық ғылыми денсаулық сақтауды дамыту орталығының, Дәрілік заттар мен медициналық бұйымдарды сараптау ұлттық орталығының, ҚР Президентінің Іс басқармасы Медициналық орталығының ауруханасының, «СК-Фармация» ЖШС және «Turar Healthcare» КЕАҚ жоғары білікті сарапшы-практиктері жүргізді.
Сонымен қатар, оқыту аясында тыңдаушылар Астанадағы жетекші медициналық ұйымдарына барды. Оның ішінде, ҚР Президентінің Іс басқармасы Медициналық орталығының ауруханасы, «University Medical Center» диагностикалық орталығында болып, медициналық ұйымдардың қызметімен жіті танысты. Шығулар барысында орталықтар мамандары пайдаланатын жаңа технологиялар мен озық жабдықтармен, сондай-ақ медициналық техниканы сатып алуға және қызмет көрсетуге жауапты қызметтердің жұмысын ұйымдастырумен танысу мүмкіндігі болды. Осы медициналық мекемелердің өкілдері қонақтармен соңғы медициналық техниканы қолдана отырып пациенттерді емдеу тәжірибесімен бөлісті және қолданыста бар жабдықтарын көрсеткен болатын.
Тағы бір айта кететін жәйт, ҰҒДСДО осы тақырыптағы оқыту курсын ағымдағы жылдың қараша айында өткізуді жоспарлауда.
ҰҒДСДО-ның қызметкерлері денсаулық сақтау саласында шешім қабылдауды қолдау жүйелері бойынша семинарға қатысты
- Толығырақ
- Автор: Super User
Мәскеуде «Денсаулық сақтауда шешімдерді қолдау жүйелері» тақырыбында халықаралық семинар ұйымдастырылып, оған жақын және алыс шет елдер мен Қазақстанның өкілдері қатысты.
Қазақстандық тараптан семинарға электрондық денсаулық сақтау стандарттары департаментінің директоры Рашид Исмаилов және ҰҒДСДО электрондық денсаулық сақтау саласындағы сарапшылары семинар тыңдаушылары болды.
Шара барысында Рашид Исмаилов қатысушыларға «ҚР-дағы денсаулық сақтау жүйесі басшыларына арналған басқарушылық талдау» баяндамасын ұсынды. Баяндамада медициналық ұйым басшылары үшін басқарушылық талдаудың жүйелері мен негізгі құралдары бойынша маңызды ақпараттар ұсынылды.
Семинардан кейін ҰҒДСДО сарапшылары Ресей Федерациясы Денсаулық сақтау министрлігінің «Орталық денсаулық сақтауды ұйымдастыру және ақпараттандыру ғылыми-зерттеу институты» ФМБМ ғылыми-сараптамалық кеңесі және медицина ғылымдарының докторы, доцент, қоғамдық денсаулық және демография бөлімінің бастығы Валерий Семенович Ступаковпен бірқатар кездесулер өткізіп, онда ғылыми зерттеулер мен сараптамалық қызмет бағыттары саласындағы ынтымақтастық мәселелері талқыланды.
Сонымен қатар, Федералды әдістемелік орталық басшысының орынбасары Ольга Владимировна Миргородскаямен он бірінші қайта қараудағы аурулар мен денсаулыққа байланысты проблемалардың халықаралық статистикалық жіктелуіне (бұдан әрі-АХЖ-11) көшу бойынша кездесу өткізіліп, Ресей Федерациясының аумағында АХЖ -11 енгізу мәселелері қарастырылды.
Жалпы, семинар шеңберінде денсаулық сақтауда басқарушылық, клиникалық және шешімдерді қабылдауды қолдау жүйелері, олардың ерекшеліктері, қолдану мүмкіндіктері және практикалық денсаулық сақтауда ендіру кезіндегі кедергілері туралы заманауи шешімдері ұсынылды.
Аутоиммундық аурулар бойынша МСАК ұйымдарының дәрігерлеріне арналған онлайн-семинар өткізілді
- Толығырақ
- Автор: Super User
Аутоиммундық аурулар - бұл адам ағзасындағы иммундық жүйе сау жасушалардан қауіп көріп, иммундық жүйенің барлық күшін олармен күресуге бағыттайттын қарсы шабуылы. Бұл кезде дененің әртүрлі жүйелері мен мүшелеріне әсер етуі мүмкін, ең ауыр асқынулар – өмірлік маңызды органдардың жұмыс істемеуіне алып келуі мүмкін.
Бүгінгі күні бұл жағдайдың нақты неден болатындығы анықталмаған, бірақ қазіргі заманғы медицина аурудың белгілерін емдеуді ұсына отырып, науқастың жағдайын қалыпқа келтіреді және асқынулардың алдын алады.
Осы маңызды тақырып бойынша елдегі алғашқы медициналық-санитарлық алғашқы көмек көрсету ұйымдарының (МСАК) дәрігерлерін оқыту үшін С.Қайырбекова атындағы Ұлттық ғылыми денсаулық сақтауды дамыту орталығының ұйымдастуымен онлайн-семинар өткізілді. Бұл шараға барлық өңірлерінен 220-дан астам МСАК дәрігерлері қатысты.
Семинар барысында қатысушылар аутоиммундық аурулар бойынша медицина ғылымдарының кандидаты, иммунолог-дәрігер, академик И. П. Павлов атындағы Бірінші Санкт - Петербург медициналық университетінің аутоиммундық ауруларды диагностикалау зертханасының меңгерушісі Лапин Сергей Владимировичтің дәрісін тыңдауға мүмкіндік алды.
Сонымен қатар, семинар аясында аутоиммундық аурулардың диагностикасы бойынша табысты кейстер мен ұсынымдар ұсынылған болатын.
Емдеудің клиникалық хаттамасы - халық денсаулығын сақтаудағы негізгі құжаттардың бірі
- Толығырақ
- Автор: Super User
«Клиникалық хаттамаларды әзірлеу мен қайта қараудың негізгі принциптері. Клиникалық хаттамалар жобаларын сараптау» тақырыбындағы семинар-тренинг ҚР Денсаулық сақтау бірінші Вице - министрі Т.С. Сұлтанғазиевтің төрағалығымен өткізілді.
Аталған іс-шараның мақсаты - клиникалық хаттамаларды әзірлеуде/қайта қарауда, сондай-ақ емдеу хаттамаларына дәрілік заттарды енгізу бөліктерінде проблемалық мәселелерді талқылау болды.
Семинар-тренинг барысында денсаулық сақтау саласындағы сарапшылар дәрілік заттарды клиникалық хаттамаларға енгізу бойынша, оның ішінде орфандық аурулар кезінде дәрілік заттар бойынша шығындарды өтеу бойынша бірқатар проблемаларды талқылады.
Сондай-ақ, сарапшылар семинарда клиникалық хаттамаларды әзірлеу және қайта қарау, дәрілік заттарды клиникалық хаттамаларға енгізу бойынша ұсынымдар әзірледі.
Семинарды қорытындылай келе, Т.С. Сұлтанғазиев сарапшылармен айтылған проблемалық мәселелерді Министрлік тарапынан жан-жақты қарастырылып, шешім қабылданатындығын атап өтті. Сонымен қатар, алдағы уақытта осы тектес іс-шараларды клиникалық хаттамаларды әзірлеу және қайта қарауға жауапты барлық тұлғаларды тарта отырып, тұрақты негізде ұйымдастыру туралы уағдаластыққа келді.
Жалпы, семинар жоғары деңгейде әрі әсерлі өтті. Нәтижесінде сарапшылар клиникалық хаттама бүгінгі күні денсаулық сақтаудағы дәлелді медицинаға негізделген дәрігерлік практикада медициналық көмек көрсетудің барлық кезеңдері мен деңгейлерінде пайдалануға арналған негізгі құжат деген қорытындыға келді.
Айта кетейік, ҰДҒДСДО клиникалық хаттамалар бойынша сараптамалық ұйым болып табылады, ол дәлелдемелік базаға сүйене отырып, клиникалық хаттамаларға сараптама жүргізеді.