Денсаулық сақтау саласындағы аккредиттеу шеңберінде медициналық ұйымдарды сыртқы кешенді бағалау бойынша оқытуға шақырамыз
- Толығырақ
- Автор: Super User
ҚР ДСМ «Салидат Қайырбекова атындағы Ұлттық ғылыми денсаулық сақтауды дамыту орталығы» ШЖҚ РМК 2024 жылғы 26 ақпан - 1 наурыз аралығында денсаулық сақтау саласындағы аккредиттеу шеңберінде медициналық ұйымдарды сыртқы кешенді бағалау бойынша оқыту өткізетіні туралы хабарлайды.
Оқытудың ұзақтығы: 60 сағат/2 кредиттен құралған.
Оқытудың өткізілетін орны: Астана қаласы, Иманов көшесі 11, «Нұрсәулет» БО, 2 қабат, конференц-залы.
Бұл оқу денсаулық сақтау ұйымдастырушылары мен менеджерлері, бейінді дәрігерлер, сарапшы дәрігерлер, мейіргер бакалаврлары, мейіргер мамандар үшін арналған.
Оқытудың мақсаты - Қазақстан Республикасының заңнамасының талаптарына және денсаулық сақтаудағы аккредиттеу стандарттарына сәйкес медициналық ұйымды аккредиттеуге дайындау жөніндегі қызметті ұйымдастырудың негізгі қағидалары бойынша білім алу мен жетілдіру болып табылады.
Оқыту барысында тыңдаушылар әлемдегі медициналық ұйымдарды аккредиттеу саласындағы негізгі үрдістері, денсаулық сақтау саласындағы аккредиттеу қағидаттарын қолдану дағдыларына үйренетін болады.
Оқытуға жазылу бойынша мына нөмірлерге хабарласыңыз 8(7172)700950 (ішкі 1028, 1106), 87021905222, 87753502886 не болмаса office@nrchd.kz электронды поштаға жазуыңызға болады.
Денсаулық сақтау саласы үшін маңызды іс-шараға қатысу мүмкіндігін жіберіп алмаңыз.
Біз Сіздерді оқытуда асыға күтеміз!
Салидат Қайырбекова атындағы Ұлттық ғылыми денсаулық сақтауды дамыту орталығы Кәсіби медиаторлар және заңгерлердің халықаралық институтымен меморандум жасады
- Толығырақ
- Автор: Super User
Астанада Салидат Қайырбекова атындағы Ұлттық ғылыми денсаулық сақтауды дамыту орталығы мен «Кәсіби медиаторлар және заңгерлердің халықаралық институты» РҚБ арасында Қазақстанның денсаулық сақтау саласында медиацияны дамыту бойынша ынтымақтастық және стратегиялық әріптестік туралы Меморандумға қол қойылды.
Ынтымақтастықтың басты мақсаты - денсаулық сақтау қызметкерлерінің медиация саласындағы құқықтық мәдениеті мен жауапкершілігін арттыру.
Осы меморандум аясында тараптар медициналық қызметкерлерді, денсаулық сақтау менеджерлерін медициналық дауларды (жанжалдарды) медиация (татуласу) арқылы шешу мәселелері бойынша оқыту, қайта даярлау және олардың біліктілігін арттырудан бірлесіп өткізу арқылы медицина қызметкерлердің құқықтық мәдениеті мен жауапкершілігін арттыруды көздеуде.
Жалпы бұл білім беру компоненті кәсіби қызметтегі жеке және басқарушылық құзыреттерді дамытуға, денсаулық сақтау саласында медиация құралдары мен техникасын қолдануға, сондай-ақ мемлекеттік және жеке медициналық ұйымдар қызметкерлерінің құқықтарын қорғау мақсатында сотқа дейінгі және сот тәртібімен медицина қызметкерлеріне заңгерлік және медиативтік көмек көрсетуге арналған.
Медицина қызметкерлерін оқыту және медициналық дауларды шешу мәселелері бойынша қосымша ақпарат алу үшін мына нөмірлер арқылы хабарласуыңызға болады:
(+7 7172) 700 950 (ішкі 1028, 1106),
+7 702 190 52 22,
+7 777 343 74 33.
Маңғыстаулық медицина қызметкерлері денсаулық сақтаудағы кадр ресурстарын басқарудың заманауи технологиялары бойынша оқудан өтті
- Толығырақ
- Автор: Super User
Семинар тыңдаушылары мемлекеттік және жеке меншік денсаулық сақтау ұйымдарының мамандарынан, атап айтқанда медициналық ұйымдардың бірінші басшылары, сондай-ақ, персоналды басқару қызметтерінен құралды.
Бұл оқытудың басты мақсаты – мамандардың кадрлық менеджмент саласындағы кәсіби білімдерін, дағдыларын жетілдіру.
Семинар барысында тыңдаушылар жаңғыртылатын персоналды басқару қызметтерінің заманауи HR-менеджмент құралдарын енгізу бойынша теориялық білімдері мен практикалық дағдыларымен танысты.
Сонымен қатар, оқыту барысында тыңдаушылар денсаулық сақтау саласындағы кадрлық ресурстарды нормативтік реттеу, қазіргі жағдайда адами ресурстарды басқару ұйымның бәсекеге қабілеттілігінің басты нышаны ретінде талқылауға белсенді қатысты.
Семинар барысында медицина қызметкерлерінің қажеттілігіне орта және ұзақ мерзімді алдын-ала болжамдар жасау туралы мәселеге ерекше назар аударылды.
Айта кетейік, денсаулық сақтау ұйымдарын кадрлармен қамтамасыз етуді болжау, мониторингілеу және жоспарлау тетіктерін жетілдіру және денсаулық сақтаудағы кадр саясатының идеологиясы мен әдіснамасын әзірлеу негізінде оларды тиімді басқаруды қамтамасыз етуде ҰҒДСДО денсаулық сақтаудың кадр ресурстары жөніндегі Ұлттық үйлестіруші болып табылатындығын атап өту қажет.
Мейірбекелер үшін біліктілікті арттыру курсы өткізілді
- Толығырақ
- Автор: Super User
Астанада ҰҒДСДО-ның ұйымдастыруымен «Мейірбикелік процестің тиімділігін ұйымдастыру және бағалау» тақырыбында біліктілік арттыру курсы өтті.
Оқу курсының ұзақтығы 60 академиялық сағатты құрап, еліміздің түкпір-түкпірінен келген 30 маманның қатысуымен өткізілді.
Бұл оқыту мейірбике ісі мамандарының жаңа практикалық білімдерін, кәсіби дағдыларын жетілдіруге және меңгеруге және жаңа құзыреттерді бекітуге, кәсіби және дәлелді тәжірибеге, зерттеулер мен инновацияларға, халықаралық ынтымақтастық пен серіктестікке, мейірбике ісі саласындағы үздіксіз кәсіби дамуға негізделген, пациентке қауіпсіз көмекті сыни тұрғыдан бағалауға және енгізуге қабілетті, қосымша құзыреттерге негізделген мейірбике мамандарының біліктілігін арттыру және дамытуға бағытталған.
Сондай-ақ, аталған іс-шара аясында еліміздің озық медициналық орталықтарының бірі болып табылатын - ұлттық ғылыми медициналық орталық медицина қызметкерлері жұмысының көрнекі мысалдарын таныстыру арқылы шығу ұйымдастырылды.
Жалпы, оқыту барысында медбикелер жаңа практикалық білім мен дағдыларды игеріп, мейірбике ісінің жаңа құзыреттерін бекітті.
Курс қорытындысы бойынша қатысушылар сауалнамадан өткізіліп, кейін салтанатты түрде оларға сәтті аяқталғаны туралы сертификаттар табысталды.
Шараны қортындылау барысында оқыту курсының тыңдаушылары біліктілікті арттыру курсының жоғары деңгейде ұйымдастырғанын атап өтті.
ҰҒДСДО 3 медициналық ұйымды аккредиттеуден өткізді
- Толығырақ
- Автор: Super User
Денсаулық сақтау саласындағы аккредиттеу медициналық ұйымдарда халыққа сапалы әрі қауіпсіз медициналық қызмет көрсетілуінің ресми танылуы болып есептеледі.
Бұл үшін ҰҒДСД денсаулық сақтау саласындағы сыртқы кешенді бағалау үшін білікті сарапшы-мамандарды тарта отырып, үш медициналық ұйым мен денсаулық сақтау ұйымдарын аккредиттеуден өткізді.
Жалпы, аккредиттеу медициналық көмек көрсету кезінде медициналық ұйымдардағы қолданыстағы бизнес-процестерді жүйелеуге, тиімді басқаруға және жетілдіруге ықпал етеді.
Медициналық ұйымдарда аккредиттеу стандарттарын енгізу медициналық көмек алу кезінде пациенттердің қауіпсіздігін, көрсетілетін медициналық қызметтердің сапасын арттыруға және жүйелі әрі стратегиялық негізде қызмет көрсетуді жақсартуға алып келеді.
Ал, аккредиттеу туралы куәлікті алу медициналық ұйымдардың олар ұсынатын медициналық қызметтердің сапасын үнемі жақсартуға деген ұмтылысын көрсетеді.
Осыған байланысты ҚР ДСМ Салидат Қайырбекова атындағы ҰҒДСДО №2 Тараз қалалық емханасының, №3 Қарағанды қалалық емханасының және Астана қаласындағы «Аланда» клиникасының ұжымдарын аккредиттеуден сәтті өтулерімен құттықтайды!