ҰҒДСДО мен «Джонсон&Джонсон» өзара ынтымақтастық туралы меморандумға қол қойды
- Толығырақ
- Автор: Super User
Астанада ҰҒДСДО Басқарма Төрайымы Г.Құлкаева және «Джонсон & Джонсон» ЖШС-ның Қазақстан Республикасындағы филиалының директоры А.Назарбаев еліміздің денсаулық сақтау саласындағы бірлескен тәжірибелерді дамыту мақсатында ынтымақтастық туралы меморандумға қол қойды.
«Біз еліміздің денсаулық сақтау саласын дамуына талдау жүргіземіз және біздің Орталық ғылыми-негізделген талдау, озық инновациялық технологияларды әзірлеу мен енгізу, денсаулық сақтау саласының жұмыс істеуі мен халық денсаулығының жай-күйіне мониторинг жүргізетін, салалық ақпараттық жүйені дамыту және елдегі менеджмент институтын күшейту бойынша Қазақстандағы жетекші ұйым болып табылады.
Сонымен бірге, бізде денсаулық сақтау технологияларын бағалау, елдің мемлекеттік дәрі-дәрмекпен қамтамасыз етілуін зерттеу мен талдау, клиникалық зерттеулерді әзірлеу мен енгізу бағыттары бойынша үлкен тәжірибеміз бар. Сондай-ақ, орталықтың сарапшылары бұл жұмыстарды жүргізу үшін жеткілікті дағдыларға ие», - деп атап өтті ҰҒДСДО-ның Басқарма Төрайымы.
Меморандум шеңберінде тараптар ҚР денсаулық сақтау саласын дамытуға, талдамалық шолулар, жарияланымдар, статистикалық және анықтамалық материалдар дайындауға және алмасуға бағытталған бірлескен зерттеулер мен іс-шаралар (бірлескен конференциялар, форумдар, оқыту-практикалық семинарлар, симпозиумдар, дөңгелек үстелдер және өзге де іс-шаралар) өткізетін болады.
***Анықтама:
«Janssen» Johnson&Johnson фармацевтикалық компаниялар тобы құрамына кіреді және қазақстандық пациенттер үшін сапалы инновациялық емнің қолжетімділігін қолдайды.
Ол үшін «Janssen» медицина қызметкерлері мен пациенттерге өзекті ақпаратқа қол жеткізуде (заңнаманың барлық шектеулері мен талаптарына сәйкес) арнайы бағдарламалар құруды және денсаулық сақтау саласындағы ең жақсы нәтижелерге қол жеткізу үшін қажетті қолдауды қамтамасыз етіп келеді.
«Janssen» ҚР-дағы қызметі:
- Қазіргі уақытта Қазақстан Республикасында 60 инновациялық дәрілік препарат тіркеген. Бұл дәрі – дәрмектердің ішінде көп дәріге төзімді туберкулезді емдеуге арналған серпінді терапия, псориазды инновациялық емдеу, жұлын бұлшықет атрофиясын емдеуге арналған терапиялар бар.
- амбулаториялық қамтамасыз ету үшін 14 нозологиядағы 26 атау бойынша тегін немесе жеңілдік дәрілік заттар мен медициналық бұйымдар тізбесіне енгізген; 3 нозологиядағы 4 атау міндетті әлеуметтік медициналық сақтандыру шеңберінде қолжетімді.
Түркістанда денсаулық сақтау HR-менеджерлерінің республикалық конференциясы өтеді
- Толығырақ
- Автор: Super User
2023 жылғы 3 қарашада Түркістан қаласында Салидат Қайырбекова атындағы Ұлттық ғылыми денсаулық сақтауды дамыту орталығы Қазақстан Республикасы Денсаулық сақтау министрлігі Ғылым және адами ресурстар департаментінің қолдауымен «Инновациялар мен перспективалар» атты денсаулық сақтау HR-менеджерлерінің республикалық конференциясын өткізеді.
Бұл конференция жыл сайын үш жыл бойына өткізіліп келеді және денсаулық сақтау жүйесі үшін маңызды іс-шара болып табылады.
Конференцияның мақсаты - өңірлердің кадрлық қажеттілігін көрсете отырып, жоспарлаудың, болжаудың көрнекі мысалдарының таныстырылымы бар, бүкіл республиканың кадр ресурстары саласындағы сарапшылары үшін бірыңғай алаң құру арқылы денсаулық сақтау саласындағы HR-мамандардың кәсібилігін және жұмысының тиімділігін арттыру.
Конференция барысында қатысушылар өзара тәжірибе алмасып, ағымдағы үрдістер мен кадр бойынша өзекті мәселелерді талқылай, жаңа әдістермен және аспаптармен таныса, кәсіби байланыс орната алады.
Конференция жұмысына өңірлер басшыларының орынбасарлары, бөлім басшылары мен өңірлік денсаулық сақтау басқармаларының кадр ресурстарымен жұмыс жөніндегі мамандарының, кадр бөлімі бастықтарының, медициналық ұйымдардың кадр және HR қызметтері мамандарының және еліміздің кадр ресурстары саласындағы сарапшылардың қатыуы күтілуде.
Конференция гибридті форматта өтетін болады.
Өтетін орны: Түркістан облысы, Қожа Ахмет Яссауи атындағы Халықаралық қазақ-түрік университеті, кіші зал, Б. Саттарханов даңғылы, 29.
Конференцияға қатысты қосымша сұрақтар бойынша Ұлттық кадр ресурстары обсерваториясына мына нөмірлер арқылы хабарласуға болады: 8 701 520 83 71 Ольга Юрьевна Демушкан, 8 705 745 65 75 Тимур Өміралин.
Сіздерді денсаулық сақтаудың кадрлық ресурстары саласын дамытуға үлес қосатын сарапшылар қатарынан көруге қуаныштымыз.
Сізді маңызды диалогтың бір бөлігі болуға шақырамыз!
ҰҒДСДО «медициналық ұйымдарда пациентті қолдау және ішкі сараптама қызметтерінің жұмысын ұйымдастыру» тақырыбындағы біліктілік арттыру курсын өткізді
- Толығырақ
- Автор: Super User
Елордада 2023 жылдың 9 мен 13 қазаны аралығында Қазақстанның медициналық мекемелерінің басшылары мен мамандары үшін «Медициналық ұйымдарда пациенттерді қолдау және ішкі сараптама қызметтерінің жұмысын ұйымдастыру» тақырыбы бойынша біліктіліктік арттыру курсы шеңберінде оқу өтті.
Бұл оқытудың мақсаты - тыңдаушыларды науқастарды қолдау қызметтерінің өзекті мәселелерімен таныстыру болып табылады.
Курс бағдарламасы шеңберінде медициналық ұйымдардың басшылары, сапа жөніндегі басшылардың орынбасарлары, науқастарды қолдау қызметтерінің және медициналық ұйымдардың ішкі сараптамасының басшылары көрсетілетін медициналық қызметтердің сапасын қамтамасыз ету жөніндегі қызметті ұйымдастыру және медициналық көмектің сапасына сараптама жасау бөлігінде білімдерін жетілдірумен қатар, медициналық ұйымдарда сапа мен тәуекелдерді басқару бағдарламаларын қалыптастыру бойынша жаңа құзыреттерге ие болды.
Сонымен қатар, оқыту барысында ҚР өзекті нормативтік-құқықтық актілері, медициналық көмек көрсетуді және аккредиттеуді ұйымдастырудың заманауи стандарттары, медициналық көмектің сапасын бағалаудың параметрлері мен индикаторларымен танысты.
Оқытуды медициналық ұйымдардағы сапаны басқару және медициналық ұйымдарды аккредиттеу саласындағы жетекші мамандар жүргізді.
ҚР Мемлекеттік сыйлығының лауреаты, медицина ғылымдарының докторы, профессор Александр Евгеньевич Гуляевтың 70 жылдық мерейтойына арналған Қазақстанның клиникалық фармакологтарының III-ші халықаралық Конгрессі өтті
- Толығырақ
- Автор: Super User
ҚР Денсаулық сақтау министрлігінің қолдауымен ағымдағы жылдың 12-13 қазанында Марат Оспанов атындағы Батыс Қазақстан медициналық университетінде ҚР Мемлекеттік сыйлығының лауреаты, М.ғ.д., профессор А. Гуляевтың 70 жылдық мерейтойына арналған Қазақстанның клиникалық фармакологтарының III халықаралық Конгресі өткізілді.
Конгресс жұмысына Польша, Румыния, Украина, АҚШ, Ресей Федерациясы, Молдова және Қазақстанның клиникалық фармакология саласындағы ғалымдары мен мамандары, дәрігерлер, медициналық, кәсіптік қауымдастықтары мен ғылыми ұйымдарының қызметкерлері қатысып, баяндама жасады.
Конгресс барысында клиникалық және жалпы фармакологияның, клиникалық фармацияның, денсаулық сақтаудағы клиникалық фармакология қызметін дамыту мәселелері кеңінен талқыланды.
Сондай-ақ, конгресс аясында жас ғалымдар байқауы және оқу, ғылыми және клиникалық процесті ақпараттық қамтамасыз ету бойынша шеберлік сыныптары ұйымдастырылған болатын.
Осы іс-шараға ҰҒДСДО сарапшылары онлайн форматта қатысып, қатысушыларға ҚР-да орфандық аурулары (сирек кездесетін) бар науқастарды дәрі-дәрмекпен қамтамасыз етудің негізгі аспектілері бойынша баяндама ұсынды. Баяндамада елімізде орфандық аурулар (сирек кездесетін) мен оларды емдеуге арналған дәрілік заттар тізбесін қалыптастырудың нормативтік құқықтық базасы, орфандық ауруларды (сирек кездесетін) емдеуге арналған мен дәрілік заттар тізбесін қалыптастыру қағидалары, емдеудің клиникалық хаттамаларына дәрілік заттарды енгізудің дәлелділік деңгейлері ұсынылды.
Елдегі медициналық туризмді дамыту мәселелері бойынша кеңес өткізілді
- Толығырақ
- Автор: Super User
Президент жыл сайынғы Қазақстан халқына Жолдауында елдің туристік саласын дамытуды жандандырудың маңыздылығын атап өткен болатын.
Бүгінгі таңда медициналық туризм жалпы туристік саланың бір бөлігі болып табылады. Оның айналымын шетелге операциялар мен басқа да медициналық процедураларға баратын саяхатшылар құрайлы.
Қазіргі таңдағы елдегі медициналық туризді дамытудағы өзекті мәселелер мен шешу жолдарын талқылау мақсатында ҚР Денсаулық сақтау министрлігі, қазақстандық медициналық туризм қауымдастығы, Қазақстан Республикасы Президенті Іс Басқармасының Медициналық орталығының ауруханасы, Астана даму орталығы және республикалық ұлттық ғылыми орталықтар өкілдерінің қатысуымен бірінші кеңес өткізілді.
Осы кеңесте ҰҒДСДО медициналық туризмді дамытудың 2024-2026 жылдарға арналған тұжырымдамасының жобасын таныстырды, сондай-ақ, медициналық туризмді дамытудың халықаралық тәжірибесімен және елдің медициналық туризмін дамыту жолындағы өзекті мәселелеріне тоқталды.
«Бүгінгі таңда медициналық туристер үшін ең тартымды елдер-Оңтүстік Корея, Германия, Ұлыбритания, Түркия, Жапония және Канада. Жалпы алғанда, медициналық туризмнің сипаты әлемнің әр түкпіріндегі озық технологиялар мен жоғары технологиялық қызметтер төңірегінде өрбуде. Бүгінде әлемдегі медициналық туризм саласындағы кең таралған қызметтері бұл - онкология, бедеулікті емдеу, кардиохирургия, мүшелер мен тіндерді трансплантаттау, ортопедиялық операциялар, стоматологиялық көмек және медициналық тексерулер болып отыр. Өз кезегінде, бүгінгі таңда Қазақстанда медициналық туризмді дамыту үшін атаулы факторлар бар, бұл географиялық орналасуы, саяси тұрақтылық, ТМД азаматтары үшін тілдік тосқауылдың болмауы, медициналық инфрақұрылым және білікті медицина қызметкерлер», - деп атап өтті ҰҒДСДО Басқарма төрайымының орынбасары.
Бұл жерде айта кету керек, кеңес барысында ҰҒДСДО-ны республика бойынша медициналық туризмді дамыту жөніндегі ұлттық үйлестіруші болып белгілеу ұсынылды.
Бұдан әрі кеңес жұмысында ҚР ПІБ клиникасы мен ұлттық ғылыми денсаулық сақтау орталықтары өкілдерінің медициналық қызметтер мен медициналық туризмді дамыту бойынша баяндамалары тыңдалды.
Жалпы жиын барысында қатысушылар осы тақырыптағы өзекті мәселелерді, тұтастай алғанда елдің медициналық туризмін дамытудың перспективалық бағыттарын талқылады.
Кеңес қорытындысы бойынша қатысушылар осы тақырып бойынша келесі жиынды мүдделі тұлғаларды тарта отырып, неғұрлым кең форматта ұйымдастыру қажет деген пікірге келді.