Алматыда ЮНИСЕФ-тің психикалық денсаулық және туберкулезге қарсы көмек қызметтерінің медициналық-санитариялық алғашқы көмекке (МСАК) интеграциялануын талқылау бойынша дөңгелек үстел өтуде
- Толығырақ
- Автор: Super User
Салидат Қайырбекова атындағы Ұлттық ғылыми денсаулық сақтауды дамыту орталығының сарапшылары Қазақстандағы психикалық денсаулық және туберкулезге қарсы көмек қызметтерінің медициналық-санитарлық алғашқы көмекке (МСАК) интеграциялануын бағалау бойынша зерттеу нәтижелерін талқылау үшін ұйымдастырылған дөңгелек үстел жұмысына қатысуда.
Іс-шараның басты мақсаты - денсаулық сақтау саласындағы сарапшылармен еліміздегі МСАК-қа психикалық денсаулық сақтау және туберкулезге қарсы көмек көрсету жөніндегі қызметтерді интеграциялауды таныстыру және талқылау, сондай-ақ МСАК-та АИТВ/ЖИТС жұмыс істеуінің халықаралық тәжірибелерімен бөлісу.
Дөңгелек үстел барысында МСАК-та АИТВ/ЖИТС қызметтерін кезең-кезеңімен интергациялау, интеграция барысында туындауы мүмкін кедергілер мен ықтимал тәуекелдер жөніндегі мәселелер талқыланды.
Осы тұста айта кету керек, ЮНИСЕФ-тің психикалық денсаулық сақтау және туберкулезге қарсы көмек қызметтерінің МСАКқа интеграциясын бағалау бойынша зерттеулері ҚР Үкіметі мен елдегі жетекші ғылыми орталықтар және МСАК ұйымдарымен бірлесіп «Дені сау ұлт» ұлттық жобасын іске асыру шеңберінде жүргізілген болатын.
Сонымен қатар, талдау материалдарын дайындауда ҰҒДСДО сарапшылары да тартылғанын атап өту керек. Себебі, Орталық өз жұмысы барысында мемлекеттік бағдарламаларды, жол карталарын, салалық жобаларды және түрлі нормативтік-құқықтық актілерді әзірлеуге және әдіснамалық іске асыруды сүйемелдеуге қатыса отырып, отандық денсаулық сақтау жүйесін дамытуға елеулі үлес қосып келеді.
Медициналық техниканы жоспарлау және сатып алу негіздері бойынша бір айлық оқыту жалғасуда
- Толығырақ
- Автор: Super User
Медициналық техниканы жоспарлау және сатып алу медициналық көмектің сапасына, пациенттердің қауіпсіздігіне және медициналық ұйымның тиімділігіне тікелей әсер етеді.
Осы тақырыптағы оқытудың бесінші легіне еліміздің 9 өңірінен келген 18 медициналық мекемелердің денсаулық сақтау менеджерлері, медициналық техниканы жоспарлау мен қамтамасыз етуге жауапты мамандары қатысуда.
Оқытудың мақсаты - Қазақстан Республикасының медициналық техника саласындағы реттеушілік базасы және жүргізіліп жатқан орталықтандыру шеңберінде сатып алуды басқару, сатып алуды жоспарлау, заманауи медициналық техниканың түрлері бойынша ұсыныстарды талдау, шешімдер қабылдау үшін менеджменттің заманауи құралдарын пайдалану, технологияны бағалау, оны сатып алу және денсаулық сақтау ұйымдарын жарақтандыру бойынша толық ақпарат беру.
ҰҒДСДО қызметкерлері клиникалық зерттеулер жүргізу бойынша құзыреттілік негіздері бойынша біліктілік арттырудан өтті
- Толығырақ
- Автор: Super User
ҰҒДСДО сарапшылары «Қазақстан Республикасында клиникалық зерттеулерді ұйымдастыру мен жүргізуге жаңа тәсілдерін әзірлеу. Клиникалық зерттеулердің үйлестіру жүйесін құру» нысаналы қаржыландыру бағдарламасы шеңберінде Брюссель қаласында (Бельгия) оқудан өтті.
«Clinical Project Management STAR Program» («Клиникалық зерттеулердегі жобалық менеджмент, СТАР бағдарламасы») бағдарламасы бойынша оқыту курсының бағдарламасы клиникалық жобаның менеджері ретінде жұмыс істеу үшін мына негізгі құзыреттер бойынша оқытуды қамтыды: клиникалық жобаларды басқару, клиникалық зерттеулердегі тәуекелдер, клиникалық зерттеулер туралы шарттардың құқықтық негіздері және персоналды басқару.
Бұл оқудың нәтижесінде клиникалық зерттеулерді ұйымдастыру, жүргізу және талдау, сондай-ақ клиникалық зерттеулердегі тәуекелдерді басқару саласындағы сарапшылар осы сала бойынша біліктілігін арттырды.
Осы тұста айта кету керек, 2022 жылғы шілдеде ҰҒДСДО құрылымында клиникалық зерттеулерді дамыту орталығы (КЗДО) құрылып, осы орталықпен 2023 жылдан бастап «Қазақстан Республикасында клиникалық зерттеулерді ұйымдастыру мен жүргізуге жаңа тәсілдерін әзірлеу. Клиникалық зерттеулердің үйлестіру жүйесін құру» нысаналы қаржыландыру бағдарламасы жүзеге асырылуда.
КЗДО-ның басты мақсаты еліміздегі халықаралық және жергілікті клиникалық зерттеулерді үйлестіру және жүргізу, ғылыми базаны молайту үшін медицина ғылымына қосымша инвестициялар тарту, клиникалық зерттеулердің демеушілеріне алғашқы кеңестер беру, денсаулық сақтау бағытындағы ҒЗИ/ҒО, ЖОО және басқа да клиникалық базаларды клиникалық зерттеулер бойынша жұмысын үйлестіру болып табылады.
Денсаулық сақтаудың кадрлық ресурстары саласындағы сарапшылар республиканың кадрлық қамтамасыз ету саласындағы ағымдағы жағдайы мен инновацияларын талқылады
- Толығырақ
- Автор: Super User
Медициналық кадрлармен қамтамасыз ету денсаулық сақтаудың маңызды аспектісі болып табылады, білікті мамандардың болуы медициналық көмектің сапасына және денсаулық сақтау жүйесінің халықтың әртүрлі медициналық қажеттіліктеріне жауап беру қабілетіне әсер етеді.
Бұл процесс медициналық персоналды жалдау және оқыту, сондай-ақ қалалар мен ауылдардағы Еңбек ресурстарын дұрыс болжау және бөлу, үздіксіз кәсіптік білім берудің заманауи жүйесін құру және қажетті еңбек жағдайларын қамтамасыз ету сияқты қадамдарды қамтиды.
ҚР Денсаулық сақтау министрлігінің қолдауымен елімізді кадрлармен қамтамасыз етудің негізгі мәселелерін талқылау үшін Түркістан қаласында HR-Денсаулық сақтау менеджерлерінің «Инновациялар мен перспективалар» атты республикалық конференциясы ұйымдастырылып, өткізілді.
Іс-шараны ҚР Денсаулық сақтау саласының кадр ресурстары жөніндегі ұлттық үйлестірушісі болып табылатын Салидат Қайырбекова атындағы Ұлттық ғылыми денсаулық сақтауды дамыту орталығы ұйымдастырды.
Конференция гибридті форматта өтті, денсаулық сақтау саласындағы 300-ден астам сарапшы қатысты (110 қатысушы офлайн режимде, қалғандары қашықтан қатысты).
Іс-шараға өңірлердің денсаулық сақтау басқармасы басшылары, басшыларының орынбасарлары, бөлімдердің басшылары және өңірлік денсаулық сақтау басқармаларының кадр ресурстарымен жұмыс жөніндегі мамандары, кадрлар бөлімінің бастықтары, медициналық ұйымдардың кадр және HR қызметтерінің мамандары, ҰҒДСДО өңірлік филиалдары, медициналық білім және ғылым ұйымдарының өкілдері, елдің кадр ресурстары саласындағы белгілі сарапшылар қатысты.
Конференция барысында ҰҒДСДО сарапшылары конференция қатысушыларымен: өңірлер мен мамандықтар бөлінісіндегі кадр ресурстарының ағымдағы жай-күйін талқылады, өңірлік қамтамасыз ету көрсеткіштерінің тиімділігін және медицина кадрларының тапшылығын бағалады, ауылдық елді мекендерде медициналық кадрларды тарту және ұстап қалу бойынша халықаралық тәжірибемен бөлісті, ұйым түлектерінің бірінші жұмыс орнын таңдауға әсер ететін факторларға назар аударды медициналық білім және ғылым, әр түрлі өңірлерде медицина қызметкерлерінің жұмыспен қамтылу ерекшеліктерін ескере отырып, медициналық кадрлардың тапшылығын есептеу бойынша, әртүрлі мамандықтар мен медициналық көмек көрсету деңгейлері бойынша жаңартылған әдіснаманы таныстырды.
Сондай-ақ, ЖАО-ның медициналық кадрларды резидентурада жіті тапшы мамандықтар бойынша даярлауға арналған білім беру гранттарын орналастыру бойынша үздік тәжірибелер ұсынылды. Конференция барысында еліміздің денсаулық сақтау саласының кадрлық ресурстарына қажеттілікті жоспарлау және болжау тәсілдерін жетілдіруге ерекше назар аударылды.
Конференцияға қатысушылармен пікірталас барысында медициналық кадрларды үздіксіз кәсіби дамыту, медицина қызметкерінің мәртебесін күшейту, ауылдық елді мекендерге келетін медициналық білім беру және ғылым ұйымдарының түлектері үшін жалақыны және әлеуметтік қолдау шараларын арттыру, үлгілік штаттар мен медициналық кадрлардың қажетті санының нормативтерін әзірлеу қажеттілігі мәселелері, өңірлік денсаулық сақтау басқармалары медициналық кадрлардың үздіксіз кәсіби дамуы, медициналық қызметкерлердің медициналық кадрларды тарту, әлеуметтік қолдау шараларын көрсету және басқа да көптеген мәселелер қозғалды.
Іс-шара соңында қатысушылар ашық диалог алаңын құрғаны және Қазақстанның кадр саясатын дамытудағы өзара ынтымақтастыққа мүдделілігі үшін алғыстарын білдірді.
Конференцияның нәтижесі денсаулық сақтау саласында елдің кадрлармен қамтамасыз етілуі бойынша қарар қабылдау болды.
Айта кету керек, мұндай іс-шаралар денсаулық сақтау саласындағы персоналды басқару саласындағы тәжірибелерді дамытуда және алмасуда маңызды рөл атқарады.
ҰҒДСДО сарапшысы орфандық (сирек кездесетін) аурулар бойынша халықаралық медициналық форумда баяндама жасады
- Толығырақ
- Автор: Super User
Астанада орфандық (сирек кездесетін) аурулардың алдын алу және емдеудің көпсалалы тәсілдері бойынша халықаралық медициналық форум өтті.
ҰҒДСДО атынан форумға Дәрілік саясатты жетілдіру департаментінің директоры қатысып, ҚР-да сирек кездесетін аурулар бойынша клиникалық практиканың аспектілері туралы баяндама жасады.
Өз баяндамасында сарапшы қатысушыларды орфандық (сирек кездесетін) аурулар мен оларды емдеуге арналған дәрілік заттардың (бұдан әрі - ДЗ) тізбесін қалыптастырудағы нормативтік-құқықтық базамен, орфандық аурулар тізбесіне ДЗ енгізу схемасымен, орфандық ДЗ кезең-кезеңімен емдеудің клиникалық хаттамаларына енгізумен және де МӘМС пен ТМККБК (тегін медицинилық көмектің кепілдік берілген көлемі) шеңберінде өтеу қағидаларымен таныстырды.
«Орфандық (сирек кездесетін) аурулар бұл адамның өміріне қауіп төндіретін немесе мүгедектікке әкеп соқтыратын, жиілігі ресми белгіленген деңгейден аспайтын сирек және ауыр аурулар түрлері болып табылады. Біздің елімізде осы ауруды емдеу тегін медициналық көмектің кепілдік берілген көлемі шеңберінде жүзеге асырылады және сирек кездесетін аурулар бойынша барлық құқықтықтық негіздер бар», - деді сарапшы.
Сондай-ақ, халықаралық форум жұмысына Үндістаннан, Ресейден осы саланың сарапшылары, ҚР Мәжілісінің депутаты, Денсаулық сақтау министрлігінің, медициналық қауымдастықтар мен ұлттық ғылыми орталықтардың, ғылыми институттардың өкілдері, практик дәрігерлер қатысты.