Толығырақ

Автор: Super User

Құрылды 23 Тамыз 2023

           ҰҒДСДО сарапшылары жұмыс сапарымен Батыс Қазақстан және Солтүстік Қазақстан облыстарына келді.

          Осы апта ішінде 2-і сарапшылар тобы БҚО-да Бәйтерек аудандық ауруханасы, Зеленый дәрігерлік амбулаториясы, №4 қалалық емхана және Облыстық көпсалалы ауруханасына және СҚО-да Явлен аудандық ауруханасы, Корнилов дәрігерлік амбулаториясы, №1 қалалық емхана, сондай-ақ Облыстық көпсалалы ауруханасына барады.

          Естеріңізге сала кетейік, ҰҒДСДО сарапшылары өңірлік деңгейлерде практикалық денсаулық сақтауға клиникалық хаттамаларды (бұдан әрі-КХ) енгізуді тексеру үшін өңірлерге шыққан болатын.

          КХ мониторингінің негізгі мақсаты – КХ-да белгіленген ұсыныстардың сақталу дәрежесін бағалау, клиникалық хаттамаларды ендіру негізінде медициналық көмек көрсету сапасының өзгеруін анықтау болып табылады.

         Жалпы, КХ-ны ендіру мониторингі еліміздің барлық 20 өңірінде жүргізілетін болады, ал КХ-ны ендіруді мониторингілеу нәтижелері бойынша КХ-ны одан әрі жетілдіру және оларды практикалық денсаулық сақтауға ендіру бойынша ұсыныстар мен ұсынымдар дайындалатын болады.

        Жақын арада сарапшылар республикалық маңызы бар Алматы және Шымкент қалаларының медициналық ұйымдарына сапармен барады.

        Сондай-ақ, республикалық деңгейде КХ-ны мониторингі басталғанға дейін, ҰҒДСДО-ның өңірлік филиалдары медициналық ұйымдардың барлық жауапты тұлғаларының қатысуымен КХ-ны практикалық денсаулық сақтауға енгізуді дайындау және іске асыру барысы бойынша семинар-кеңестер өткізгенін атап өткен жөн.

Толығырақ

Автор: Super User

Құрылды 23 Тамыз 2023

         Елордада 23 тамыз күні «HR-менеджмент. Денсаулық сақтау саласындағы кадрлық ресурстарды басқарудың заманауи технологиялары» тақырыбында оқыту басталды.

         Оқу аралас форматта (онлайн және офлайн) өткізілуде.

         Бұл семинар ҰҒДСДО-мен медициналық ұйымдардың басшыларын, басшы орынбасарларын, кадр бөлімдерінің бастықтарын, кадр мамандары мен HR қызметкерлерін оқыту үшін ұйымдастырылды.

         Семинардың спикерлері ҰҒДСДО-ның денсаулық сақтаудағы кадр ресурстарының Ұлттық обсерваториясының білікті сарапшы-практиктері.

         Үш күнге созылатын семинардың басты мақсаты - тыңдаушыларға Қазақстан Республикасының нормативтік және реттеуші базасы, денсаулық сақтаудың кадр ресурстарынь реттеу мен басқару бөлігінде қажетті білім мен дағдыларды үйрету болып табылады.

         Қосымша айта кететін жәйт, ҰҒДСДО-ның оқытуларына қатысты барлық сұрақтарыңыз бойынша Білім беру бағдарламалары мен жобаларын басқару орталығына мына телефондар арқылы: 8 (7172) 700 950 (ішкі 1106, 1028), +77021905222, 87029088007 хабарласуыңызға болады.

Толығырақ

Автор: Super User

Құрылды 21 Тамыз 2023

           С.Қайырбекова атындағы ҰҒДСДО алаңында ҚР ДСМ-мен бірлесіп «Жоғары технологиялық медициналық көмек түрлерін айқындау тәртібін және олардың тізбесін, сондай-ақ жоғары технологиялық мединицалық көмек түрлерінің мамандандырылған медициналық көмектің көрсетілетін қызметтер тізбесіне өту өлшемшарттарын бекіту тарулы» Қазақстан Республикасы Денсаулық сақтау министрінің 2020 жылғы 16 қазандағы № ҚР ДСМ-134/2020 бұйрығына өзгерістер енгізу туралы» бұйрығының (бұдан әрі-Бұйрық) жобасын талқылау бойынша кеңес өткізілді.

           Жиынды ҚР ДСМ Медициналық көмекті ұйымдастыру департаментінің директоры А. К. Дюсенов ашып, жүргізіп отырды.

           Кеңес жұмысына ҚР ДСМ құрылымдық бөлімшелерінің, ҰҒДСДО, ҚР ӘМСҚ, ғылыми орталықтар мен ғылыми институттардың өкілдері қатысты.

           Жиын барысында қатысушылармен ағымдағы жылы жоғары технологиялық медициналық көмектің (бұдан әрі - ЖТМК) критерийлеріне сәйкес келетін технология тізбесін бағалау қорытындыларын және ЖТМК технологиясының мамандандырылған медициналық көмек (бұдан әрі-ММК) қызметтеріне өту көрсеткіштерін қайта қарау мәселелерін талқылады.

           Қазіргі таңда Бұйрықта барлығы ЖТМК 80 технологиясы ұсынылған.

           «ЭРСБ» ақпараттық жүйесінің ақпаратына сәйкес, а.ж. 1 қаңтарынан бастап 20 тамызға дейін ЖТМК барлығы 14 492 науқасқа көрсетілсе, оның 522-і балалар. Ал, 1 тамыздан бастап бүгінгі күнге дейін ЖТМК 1 111 науқасқа көрсетілген. Оның ішінде 68-і бала.

          Жиын қорытындысымен ЖТМК технологиясының ММК қызметтеріне өту өлшемшарттарын қайта қарау ұсынымдары мен ұсыныстары әзірленді.

          Айта кету керек, жалпы алғанда, біздің елімізде ЖТМК медициналық ұйымдарда диагностиканың, емдеудің және медициналық оңалтудың жаңа технологияларын қолдануды талап ететін аурулар кезінде бейінді мамандармен көрсетіледі.

Толығырақ

Автор: Super User

Құрылды 18 Тамыз 2023

        Салидат Қайырбекова атындағы Ұлттық ғылыми денсаулық сақтауды дамытудың орталығында «Денсаулық сақтаудағы аккредиттеу шеңберінде медициналық ұйымдарды сыртқы кешенді бағалау» тақырыбында бес күндік біліктілікті арттыру курсы аяқталды. Курс  60 академиялық оқу сағатын құрады.

        Оқуға денсаулық сақтауды ұйымдастырушылар мен менеджерлер, бейінді дәрігерлер, сарапшы дәрігерлер, бакалаврлар және мейірбикелер қатысты.

        Курс шеңберінде тыңдаушылар денсаулық сақтау саласындағы аккредиттеудің негізгі қағидаттарын және ұлттық аккредиттеу стандарттары мен заңнама талаптарына сәйкес медициналық ұйымдарға сыртқы кешенді бағалау жүргізу мәселелерімен жіті танысты.

        Оқыту аяқталғаннан кейін тыңдаушыларға «Денсаулық сақтаудағы аккредиттеу шеңберінде медициналық ұйымдарды сыртқы кешенді бағалау» циклі бойынша оқудан өткендігін дәлелдейтін куәлік табысталды. Бұл сыртқы кешенді бағалау сарапшысы ретінде маман тартудың алғашқы критерийлерінің бірі болып саналады.