ҰҒДСДО сарапшылары Алматыға жұмыс сапарымен келді
- Толығырақ
- Автор: Super User
ҰҒДСДО-ның сарапшылары клиникалық хаттамаларды практикалық денсаулық сақтауға ендіру мониторингін жүргізу үшін Алматыға келді.
Жұмыстың бірінші күні сарапшылар денсаулық сақтау басқармасының басшылығымен бірлесіп, пилоттық медициналық ұйымдардың басшылық құрамының қатысуымен мониторинг жүргізудің негізгі мәселелері бойынша жиын өткізді.
Кеңес барысында сарапшылар денсаулық сақтау ұйымының қызметі, атап айтқанда, КХ-ны практикалық дәрігерлердің практикалық деңгейде қолдануы мәселелері туралы есептерін тыңдап, талқылады.
«Өздеріңіз білетіндей, ҰҒДСДО КХ-ларды өткізетін сараптамалық орган болып табылады, ол дәлелді база аясында клиникалық хаттамаларға сараптама жүргізеді. Қазіргі уақытта Қазақстанда өзекті 1103 клиникалық хаттама қолданыста. Алайда, кейбір клиникалық ұсынымдар тиісті деңгейде пайдаланылмауда және практикалық медицинаға ендіруде кедергілер бар. Біздің басты міндетіміз – КХ-ны ендірудегі кедергілерді анықтау және оларды қолданудағы тиімділігіне бағалау жүргізу», - деді сарапшылар.
Жиыннан кейін сарапшылар қалалық перинаталдық орталыққа барып, орталық жұмысымен танысты.
Бүгін жоспар бойынша сарапшылар Орталық қалалық клиникалық ауруханаға және №12 қалалық емханаға барады.
Айта кетейік, сарапшылар өңірлердегі пилоттық медициналық ұйымда болу барысында КХ-ны енгізу бойынша сауалнама өткізіп, кедергілерді анықтау үшін медицина қызметкерлері арасында еркін форматтағы кездесулер өткізуде. Сонымен бірге, медициналық ұйымдардың медициналық карталарына талдау жүргізеді.
Бұл жұмыстың барлығы КХ-да белгіленген ұсыныстардың сақталу дәрежесіне бағалау жүргізу, КХ-ны ендіруден кейін медициналық көмек көрсету сапасының өзгеру деңгейін анықтау және КХ-ны практикалық денсаулық сақтауға ендіруді одан әрі жетілдіру бойынша ұсыныстар мен ұсынымдарды әзірлеу үшін жасалуда.
Ал, келесі аптада ҰҒДСДО сарапшылары өз жұмыстарын Шымкент қаласы және Ұлытау облыстарында жалғастыратын болады.
ҰҒДСДО сарапшысы ДДҰ-ның денсаулық сақтаудағы цифрлық жүйелер жөніндегі екінші симпозиум жұмысына қатысты
- Толығырақ
- Автор: Super User
2023 жылғы 5-6 қыркүйек аралығында Португалиядағы Порту қаласында ДДҰ-ның «ДДҰ Еуропалық аймағындағы цифрлық дәуірдегі Денсаулық сақтау жүйелерінің болашағы» тақырыбында екінші Симпозиумы өтті.
Іс-шараны ДДҰ Еуропалық аймақтық бюросы Португалия Үкіметімен бірлесіп ұйымдастырды.
Бұл симпозиум ДДҰ Еуропалық өңірі үшін 2023-2030 жылдарға арналған цифрлық денсаулық сақтау саласындағы бірыңғай өңірлік іс-қимыл жоспарын қалыптастыру мақсатында ұйымдастырылды. Бұл құжат 2022 жылы ДДҰ Еуропалық өңірлік комитетінің 72-ші сессиясында бекітілген болатын.
Симпозиум жұмысына үкіметтердің, азаматтық қоғамның, кәсіби ұйымдардың өкілдері, денсаулық сақтау саласындағы сарапшылар мен әлемнің түкпір-түкпірінен келген ғалымдар қатысты.
Аталмыш іс-шараға ҰҒДСДО тарапынан медициналық-статистикалық департаменттің директоры Жадыра Қарашутова қатысты.
Симпозиум бағдарламасы пленарлық отырыстарды қамтыды. Жиын барысында жасанды интеллект, цифрлық денсаулық сақтаудың трансформациялық практикасы және телемедицина бойынша баяндамалар ұсынылды.
Сондай-ақ, іс-шараның өту барысында цифрлық денсаулық пен медициналық технологиялардың экожүйесін көрсететін Португалияның ұлттық денсаулық сақтау қызметі ұсынатын қызықты көрме: электронды рецепттер, электронды медициналық карталарды пайдалану және тәулік бойғы телемедицина бағытында ұйымдастырылды.
Жалпы симпозиум жұмысының екі күнінде қатысушылар болашақ денсаулық сақтаудың адамға бағытталған жүйелерін құрудағы цифрлық медициналық технологиялардың негізгі бағыттары мен рөлі, жасанды интеллект, телемедицина және денсаулық сақтау саласын одан әрі дамыту перспективалары мәселелерін ұсыныстар енгізе отырып, талқылады.
Дәрілік заттардың өтелетін тізімдерін қалыптастыру және денсаулық сақтау технологиясын бағалау қағидалары бойынша оқыту өтті
- Толығырақ
- Автор: Super User
Елордада 2023 жылғы 28-29 тамыз аралығында дәрілік заттар мен медициналық бұйымдарды өндірушілер, медициналық және фармацевтикалық қауымдастықтар, денсаулық сақтау саласындағы мамандар, денсаулық сақтауды ұйымдастырушылар мен менеджерлер үшін «Қазақстан Республикасында дәрілік заттардың өтелетін тізімдерін қалыптастыру және денсаулық сақтау технологияларын бағалау қағидалары бойынша ұйымдастырушылық аспектілері» тақырыбында семинар-оқыту өтті.
Бұл оқытудың мақсаты - тыңдаушыларды денсаулық сақтау технологияларын бағалаудың ұйымдастырушылық аспектілерімен және дәрілік заттардың өтелетін тізімдерін қалыптастыру қағидаттарымен, денсаулық сақтау технологияларына кәсіби сараптама жүргізу және бағалау жөніндегі қолданыстағы нормативтік және құқықтық актілерімен және оларды денсаулық сақтау жүйесіне енгізу қағидаттарымен таныстыру болды.
Аталған оқытудың дәріскерлері ҰҒДСДО-ның жетекші сарапшылары: дәрілік саясат бағыты бойынша – Дәрілік саясатты жетілдіру департаменті директоры Л. Есбатырова, ал денсаулық сақтау технологияларын бағалау бойынша – Рационалды клиникалық практика департаментінің денсаулық сақтау технологияларын бағалау басқармасының бастығы Е. Бейсахметов болды.
Семинар жұмысына барлығы 15 адам қатысты.
Семинар-оқыту барысында қатысушыларға денсаулық сақтау технологияларын бағалауды жүргізу үшін өтінімдерді қалыптастыру бойынша практикалық құралдар, кәсіби сараптама жүргізу және оларды практикалық қолдану үшін құжаттамалары жөнінде айтылды.
Сондай-ақ, семинарда МТБ процестерінің ұйымдастырушылық және нормативтік-құқықтық аспектілері және дәрілік заттарға кәсіби сараптама жүргізу бойынша түсініктемелер мен қажетті ақпарат берілді.
Жалпы, оқыту барысында тақырыптарға қызығушылық танытып, барлық қатысушылар оқу пікір талас форматында өтті.
Іс-шара соңында барлық қатысушыларға оқуды аяқтағаны туралы сертификаттар табысталды.
Анықтама ретінде:
Дәрілік заттарды технологияларды бағалау (ДСТБ) – бұл денсаулық сақтау технологиясы туралы ақпаратты жинау мен жинақтауды қамтитын көп салалы зерттеу процесі.
ДСТБ клиникалық тиімділік пен қауіпсіздікті, экономикалық тиімділікті және бюджетке әсерді, ұйымдастырушылық және әлеуметтік аспектілерді, этикалық және құқықтық мәселелерді қоса алғанда, бірқатар салаларды қамтуы мүмкін.
Кәсіби медициналық қауымдастықтармен кездесу болды
- Толығырақ
- Автор: Super User
ХХ ғасырда қолданыстағы қоғамдастықтар шеңберінде сала қызметі дәрігерлік реттеуге және дәрігерлердің қажеттілігін қанағаттандыруға таралды. ХХ ғасырдың бірінші жартысында жекелеген мамандықтар бойынша кәсіби ұйымдар құрыла бастады. Әлемнің барлық елінде бұл бейінді қауымдастықтар негізінен клиникалық практика мәселелерімен айналысты.
Қазақстанда 1990 жылдан бастап медициналық қауымдастықтар құрыла бастады. Бүгінгі күні елімізде ұлттық немесе респбуликалық мәртебеге ие 5 қауымдастық, 100-ге жуық арнаулы кәсіптік қауымдастық бар, оларға мүшелік ерікті болып табылады және олар дәрігерлердің құқықтары мен мүдделерін қорғаумен айналыспайды, өзін-өзі реттеу және медицина кадрларын өзіндік басқару процестеріне тартылмаған.
Практикалық денсаулық сақтаудың өзекті мәселелерін шешуге бірлескен күшті шоғырландыру мәселелерін талқылау үшін ҚР Денсаулық сақтау министрлігінің бастамасымен ҰҒДСДО «Клиникалық практиканы жетілдірудегі кәсіби қауымдастықтардың рөлі» дөңгелек үстелін ұйымдастырды.
Аралас форматта өткен дөңгелек үстелдің жұмысына ҚР ДСМ Медициналық көмекті ұйымдастыру департаменті Стандарттау басқармасының басшысы А.Н. Телешева, Еуразиялық медициналық қауымдастық вице-президенті Н.М. Петухова, «Республикалық медициналық палата» ҚБ президенті М.К. Құлжанов, «Респродуктивті медицина тәуелсіз қауымдастығы» ҚБ президенті В.Н. Локшин, «Ұлттық денсаулық сақтау палатасы» ДКжЗТҚ Басқарма төрағасы Н.К. Отарбаев және «Атамекен» ҰКП, ҰҒДСДО, үкіметтік емес ұйымдардың, еліміздің кәсіптік қауымдастықтарының өкілдері, сондай-ақ медициналық қоғамдастық сарапшылары қатысты.
Кездесу шеңберінде Еуразиялық медициналық қауымдастық вице-президенті (ЕМА) Н.М. Петухова ЕМА мен ҚНПА (Жыныстық және репродуктивті денсаулық бойныша Қазақстандық қауымдастық) іске асырған жобалары мен әлеуметтік үлестер, оның ішінде фармацевтикалық сала субъектілерінің әлеуметтік жауапкершіліктерін арттыру бойынша қызметіне қатысты алғысөз айтты.
Сондай-ақ, іс-шара барысында «Республикалық медициналық палата» ҚБ президенті Мақсұт Құлжанов, «Ұлттық денсаулық сақтау палатасы» ДКжЗТҚ Басқарма төрағасы Нұржан Отарбаев, «Репродуктивті медицина тәуелсіз қауымдастығы» ҚБ президенті Вячеслав Локшин және басқалары өз пікірлерімен бөлісті.
Дөңгелек үстел жұмысында кәсіби қауымдастықтардың денсаулық сақтау саласының әртүрлі бағыттарындағы жүргізіп жатқан жұмыстары, рөлі және қатысуларының көрнекі мысалдары бар, сондай-ақ үздік халықаралық тәжрибе мысалында клиникалық хаттамаларды әзірлеу бөлігінде таныстырылымдар ұсынылды.
Атап айтқанда, кәсіби ұйымдардың өкілдері, өз кезегінде еліміздің кәсіби ұйымдарының жұмысы бөлігінде, олардың маңыздылығын атап және клиникалық хаттамаларды әзірлеу және қайта қарау процестеріне қатысу бойынша өз ұсыныстарын білдіре отырып, проблемаларды талқылау үшін ашық алаңды ұйымдастырғаны үшін алғыстарын, аталған бағытта серіктес болуға дайын екендерін айтты.
Кездесу соңында тараптар кәсіби қауымдастықтардың өкілдері ҰҒДСДО-ға кдиникалық хаттамаларды әзірлеу/қайта қарау мәселелеріне қатысты проблемалық мәселелерді одан әрі талқылау үшін өз ұсыныстарын жіберетіні жөнінде келісті.
Сондай-ақ, кездесу барысында денсаулық сақтау мәселелерін ауқымды форматта талқылау және практикалық іске асыру бойынша өзара келісімге қол жеткізді.
Денсаулық сақтау саласындағы HR менеджмент бойынша өткізілген үш күндік оқыту семинары өз мәресіне жетті
- Толығырақ
- Автор: Super User
ҰҒДСДО алаңында ұйымдастырылған денсаулық сақтау саласындағы кадрлық ресурстарды басқарудың заманауи технологиялары бойынша оқыту семинары аяқталды.
Семинар тыңдаушылары мемлекеттік және жеке меншік денсаулық сақтау ұйымдарының 12 мамандарынан, атап айтқанда медициналық ұйымдардың бірінші басшылары, менеджерлері, мамандары, сондай-ақ, персоналды басқару қызметтерінен құралды.
Бұл оқытудың басты мақсаты – мамандардың кадрлық менеджмент саласындағы кәсіби білімдерін, дағдыларын жетілдіру.
Семинарда спикерлер жаңғыртылатын персоналды басқару қызметтерінің заманауи HR-менеджмент құралдарын енгізу бойынша теориялық білімдері мен практикалық дағдыларымен бөлісті.
Оқыту барысында тыңдаушылар денсаулық сақтау саласындағы кадрлық ресурстарды нормативтік реттеу, қазіргі жағдайда адами ресурстарды басқару ұйымның бәсекеге қабілеттілігінің басты нышаны ретінде талқылауға белсенді қатысты.
Сонымен қатар, семинарда медицина қызметкерлерінің қажеттілігіне орта және ұзақ мерзімді алдын-ала болжамдар жасау туралы мәселеге ерекше назар аударылды.
Жалпы, семинар қатысушыларының пікірінше танымдық сипатта өткізілді. Семинар сонымен қатар, денсаулық сақтаудың сапалы кадрлық әлеуетін қалыптастыру үшін тәжірибе алмасу және бірлескен күш-жігерді шоғырландыру алаңы ретінде өткізілген болатын.
Айта кетейік, денсаулық сақтау ұйымдарын кадрлармен қамтамасыз етуді болжау, мониторингілеу және жоспарлау тетіктерін жетілдіру және денсаулық сақтаудағы кадр саясатының идеологиясы мен әдіснамасын әзірлеу негізінде оларды тиімді басқаруды қамтамасыз етуде ҰҒДСДО денсаулық сақтаудың кадр ресурстары жөніндегі Ұлттық үйлестіруші болып табылатындығын атап өту қажет.