Медициналық техниканы тиімді жоспарлау және сатып алу негіздері бойынша біліктілікті арттыру бағдарламасы бойынша оқыту аяқталды
- Толығырақ
- Автор: Super User
ҰҒДСДО базасында 6 қарашадан 1 желтоқсанға дейін «Медициналық техниканы тиімді жоспарлау және сатып алу негіздері» бойынша біліктілік арттыру бағдарламасы негізіндегі оқыту өткізілді.
Оқуға қатысу үшін елордаға республиканың 9 өңірінен 18 тыңдаушы келді.
Айта кету керек, осы оқыту курсы шеңберінде 2022 жылдың қараша айынан бастап барлығы 5 лекте 119 адам оқудан өткізілді.
Бір ай ішінде осы саланың жоғары білікті сарапшылары тыңдаушыларға республиканың медициналық техника саласындағы сатып алуды басқару бағытындағы нормативтік, реттеуші базасы, сатып алуды жоспарлау, заманауи медициналық техниканың түрлері бойынша ұсыныстарды талдау, шешімдер қабылдау үшін менеджменттің заманауи құралдарын пайдалану, технологияны бағалау, оны сатып алу және денсаулық сақтау ұйымдарын жарақтандыру, шығыстарды оңтайландыру әдістері, қорлар мен ресурстарды басқару, медициналық техниканы сатып алумен байланысты ықтимал тәуекелдерді түсіну, денсаулық сақтау нысандарының құрылысын жоспарлау ерекшеліктері және тағы да басқа өзекті мәселелер бойынша барлық қажетті ақпаратты ұсынған болатын.
Сондай-ақ, курс аясында тыңдаушылар Қазақстан Республикасы Президентінің Іс Басқармасы Медициналық орталығының ауруханасына және UMC корпоративтік қорының Республикалық диагностикалық орталығына барды. Бұл кездесулер саладағы мамандармен байланыс орнатуға тамаша мүмкіндіктер беріп, тәжірибе алмасу үшін пайдалы.
Оқыту барысында тыңдаушылар алған дағдылар оларға өңірлердегі медициналық ұйымдардың сұраныстары мен қажеттіліктеріне тиімді пысықтауға және тез жауап беруге, өтінімдерді уақтылы және сапалы ресімдеуге мүмкіндік береді. Мұның бәрі қажетті жабдықтың уақтылы сатып алынуына ықпал етеді.
Айта кетейік, медициналық техниканы тиімді жоспарлау мен сатып алуды оқыту курсы бүкіл республика бойынша, әсіресе өңірлерде осы мамандарға деген жоғары сұранысқа байланысты құрылған болатын.
ҰҒДСДО мен Оңтүстік Қазақстанның фармацевтикалық кластері қауымдастығы Қазақстанның фармацевтика саласын дамыту бойынша ынтымақтастық туралы меморандумға қол қойды
- Толығырақ
- Автор: Super User
Астанада ҰҒДСДО мен Оңтүстік Қазақстан медициналық-фармацевтикалық класстер қауымдастығы арасында ынтымақтастық туралы екі жақты меморандумға қол қойылды.
Келісім шеңберінде тараптар бірлесіп фармацевтика саласын ғылыми дамытуды көздеп отыр.
Сондай-ақ, құжат бірнеше негізгі бағыттарды, соның ішінде: фармацевтика саласын дамытудың нормативтік базасын жетілдіруді, фармацевтика индустриясын дамыту саясатын, фармацевтикалық білім беруді, ғылымды және фармацевтикалық бизнесті дамыту мәселелері бойынша зерттеулер жүргізуді, фармацевтика кадрларын үздіксіз кәсіби дамытуды және т. б. қамтыды.
Естеріңізге сала кетейік, Мемлекет басшысы 2025 жылға дейін фармацевтика өнеркәсібіндегі отандық өндірістің үлесін 50% - ға дейін арттыруды тапсырған болатын. Осыған орай, елімізде Астана, Шымкент және Ақтөбе қалаларында үш медициналық-фармацевтикалық кластер құру жоспарланып отыр, бұл елдегі импортқа тәуелділіктің айтарлықтай азайтуға және дәрілік қауіпсіздікті қамтамасыз етері сөзсіз.
Осының шеңберінде үстіміздегі жылдың наурыз айында елімізде дәрілік заттарды әзірлеумен, оларды өнеркәсіптік өндіріске енгізумен, экстракциялау технологияларын, сапаны бақылау әдістемелерін қолданумен және т. б. айналысатын инновациялық компаниялар топтарынан құралған алғашқы Оңтүстік Қазақстан медициналық-фармацевтикалық кластері құрылды.
Анықтама: медициналық-фармацевтикалық кластер бұл - дәрілік заттарды әзірлеуші, өндірістік компаниялар, жабдықтарды жеткізушілер, жиынтықтаушылардан құралған ғылыми-зерттеу институттары, ЖОО, технопарктер, бизнес-инкубаторлар және басқа да ұйымдар сияқты инфрақұрылым объектілеріне мамандандырылған қызметтер көресететін бір-бірін толықтыратын және жекелеген кәсіпорындар мен кластердің бәсекелестігін күшейтетін географиялық тұрғыдан шоғырланған өзара ынтымақтыстықтағы инновациялық кәсіпорындар тобы болып табылады.
«Дәрілік терапияның сапасы мен қауіпсіздігі: әлемдік трендтер мен стандарттар» тақырыбында халықаралық конгресс өтті
- Толығырақ
- Автор: Super User
Астанада 16-17 қараша күндері дәрілік терапияның сапасы мен қауіпсіздігі бойынша халықаралық конгресс өтті.
Шара ҚР Денсаулық сақтау министрлігінің қолдауымен ҚР Президенті Іс Басқармасының Медициналық орталығының ауруханасы ұйымдастырды.
Конгресс жұмысына еліміздің және Түркия, Украина, Польша, Албания, Ресей Федерациясы, Өзбекстан, Тәжікстан және басқа елдердің клиникалық фармакология саласының жетекші сарапшылары қатысты.
Іс-шарада дербестендірілген және профилактикалық дәрілік терапияның клиникалық практикасының, көпбейінді стационарлардағы госпитальдық фармацияның мәселелері мен міндеттері талқыланды.
Конгресс жұмысына ҰҒДСДО-дан клиникалық практика және фармакология бағытындағы сарапшылары қатысты.
Басқарма төрайымының орынбасары дәрілік заттарды ұтымды пайдалану және дербестендірілген есепке алу туралы талқылауға қатысып, клиникалық практиканы бағалаудағы сарапшы ретінде «Госпитальдық фармация бөлімі. СОП медициналық көмектің сапасын қамтамасыз ету элементі ретінде» тақырыбында баяндама жасады.
Жалпы, конресс шеңберінде қатысушылар клиникалық практика жұмысы туралы ұсыныстар әзірлеп, дәрілік терапияның халықаралық тәжірибелерімен танысты.
ҰҒДСДО базасында денсаулық сақтау саласындағы аккредиттеу мәселелері бойынша медициналық ұйымдар үшін біліктілікті арттыру курсы іске қосылды
- Толығырақ
- Автор: Super User
2023 жылғы 13-17 қараша аралығында денсаулық сақтау саласындағы аккредиттеу мәселелері бойынша медициналық ұйымдардың қызметкерлері үшін біліктілікті арттырудың алғашқы курсы өткізілді.
Оқу барысында тыңдаушылар денсаулық сақтаудағы аккредиттеу тарихымен, халықаралық қауіпсіздік мақсаттарымен, аккредиттеудің негізгі қағидаттарымен және медициналық қызметтердің сапасы мен қауіпсіздігін басқарудағы тәсілдермен танысты.
Бүгінгі күні аккредиттеу денсаулық сақтау ұйымдары мен медициналық мекемелерді өз тәжірибелері шеңберінде клиникалық қызметтерін дамытуға және жетілдіруге ынталандыруға бағытталған. Қазір көбінесе процестерді түсіну және сыртқы кешенді бағалау қажеттілігі медициналық ұйымдардың топ-менеджмент шеңберлерінде ғана шоғырланып, бұл өз кезегінде бағалауға дайындық кезінде де, оны жүргізу кезінде де жасанды кедергілер тудыруда.
Айта кету керек, осындай біліктілік арттыру курстарын өткізу медицина қызметкерлердің көбіне медициналық көмек көрсету кезінде сапа мен қауіпсіздік мәселелерін білуді кеңейтуге және түсінікті жақсартуға, медициналық ұйымды аккредиттеуге дайындау және өту кезінде медициналық персоналды тарту мәселелерін шешуге, медициналық ұйымдар мен денсаулық сақтау ұйымдарының аккредиттеу рәсімдеріне қатысуын танымал етуге, сол арқылы медициналық ұйымдардың қолжетімділігі мен сапасын арттыруға мүмкіндік береді. Бұл өз кезегінде медициналық қызмет көрсету кезінде сервисті жетілдіру және салауатты бәсекелестікті қалыптастыра отырып, медициналық ұйымдар қызметінің ашықтығын қамтамасыз етуді қамтамасыз етеді.
ҰҒДСДО сарапшылары акушерлік практикадағы ана өлім-жітіміне және қиын жағдайларға құпия аудит жүргізу бойынша оқыту семинарына қатысуда
- Толығырақ
- Автор: Super User
16-18 қараша аралығында ҚР Денсаулық сақтау министрлігі Қазақстандағы ЮНПФ елдік кеңсесімен бірлесіп «ҚР-дағы акушерлік практикадағы ана өлім-жітімі мен қиын жағдайларға құпия аудит» тақырыбында оқыту семинарын өткізуде.
Оқытудың мақсаты - ҚР-дағы перинаталдық көмекті өңірлендірудің 2-ші және 3-ші деңгейлеріндегі босандыру ұйымдарындағы акушерліктің қиын жағдайларына және ұлттық деңгейде ана өлім-жітіміне құпия аудит жүргізуді енгізуді одан әрі күшейту.
Құпия аудит әдіснамасы бойынша аталған оқыту семинар жұмысына денсаулық сақтау саласының ұлттық және өңірлік сарапшылары және ҰҒДСДО-ның Медициналық көмек көрсетуді ұйымдастыруды жетілдіру департаменті және Денсаулық сақтаудағы аккредиттеу департаментінің сарапшылары қатысуда.
Семинар барысында талқыланып жатырған өзекті мәселелер бұл ҚР-да ана өлімінің құпия аудиті мен қиын акушерлік жағдайлардың аудитін енгізудің негізгі қағидаларын талқылау, осы кезеңге дейін қол жеткізілген нәтижелер және алынған сабақтар болды.
Осы ретте айта кету керек, елімізде ана өлім-жітімінің құпия аудитіндегі халықаралық әдіснамасы және қиын акушерлік жағдайлардың аудиті нормативті түрде бекітілген.
Сондай-ақ, құпия аудит әдіснамасы бойынша оқыту ұлттық медициналық білім беру жүйесіндегі денсаулық сақтау менеджерлерін дипломнан кейінгі даярлау оқу бағдарламасына енгізілген.