Денсаулық сақтау саласындағы аккредиттеу шеңберінде медициналық ұйымдарды сыртқы кешенді бағалау бойынша оқыту басталды
- Толығырақ
- Автор: Super User
Бүгін ҰҒДСДО алаңында денсаулық сақтауды ұйымдастырушылар мен менеджерлер, бейінді дәрігерлер, сарапшы дәрігерлер, мейіргер бакалаврлары, мейіргер мамандар үшін оқыту басталды.
Оқыту тыңдаушылардың әлемдегі медициналық ұйымдарды аккредиттеу саласындағы негізгі үрдістері, денсаулық сақтау саласындағы аккредиттеу қағидаттарын қолдану, Қазақстан Республикасының заңнамасының талаптарына және денсаулық сақтаудағы аккредиттеу стандарттарына сәйкес медициналық ұйымды аккредиттеуге дайындау жөніндегі қызметті ұйымдастырудың негізгі қағидалары бойынша білім алу мен жетілдіруге бағытталған.
Аталған оқу осы жылдың 18 тамызына дейін жалғасатын болады.
Оқытуға қатысты барлық қосымша сұрақтар бойынша Сіз ҰҒДСДО-ның аккредиттеу департаментіне және білім беру бағдарламаларын басқару орталығына 8172 700-950 (ішкі.1143, 1106, 1028) нөмірлері бойынша хабарласа аласыз.
С.Қайырбекова атындағы Ұлттық ғылыми денсаулық сақтауды дамытудың орталығы мен Pfizer ынтымақтастық туралы меморандумға қол қойды
- Толығырақ
- Автор: Super User
Астанада ағымдағы жылдың 14 тамызында Қазақстан Республикасы Денсаулық сақтау министрлігінің «Салидат Қайырбекова атындағы Ұлттық ғылыми денсаулық сақтауды дамытудың орталығы» ШЖҚ РМК (бұдан әрі-ҰҒДСДО) және ҚР - дағы «Pfizer Export B. V.» (бұдан әрі- Pfizer) компания өкілдігі арасындағы өзара ынтымақтастық туралы меморандумға қол қойылды.
Аталған меморандумның негізгі мақсаты - ҰҒДСДО мен Pfizer арасындағы ұзақ мерзімді ынтымақтастықты орнату арқылы еліміздің денсаулық сақтау жүйесін жақсартуға бағытталған.
Сонымен қатар, келісім аясында екі ұйым елдегі бірқатар бірлескен іс-шараларда, оның ішінде әртүрлі жобаларға инвестициялар тартуда, медициналық және зертханалық ақпараттық жүйелерді пайдалана отырып, нақты клиникалық практика деректерін бағалау үшін ғылыми жобаларды жүргізу бойынша бірлесуге, инвестициялық жобаларды әзірлеуде және оларды іске асыру үшін жағдайлар жасауда өзара іс-қимыл жасауға уағдаластық жасалды.
Кездесу барысында тараптар, осы құжаттың қол қойылуы елдің денсаулық сақтау саласын халықаралық деңгейде дамыту жөніндегі миссияны бірлесіп іске асыруға серпін беретінін атап өтті.
Анықтама:
«Pfizer» биофармацевтикалық компаниясы денсаулық сақтау саласындағы жобаларды әзірлеумен айналысатын әлемдегі ең ірі фармацевтикалық компаниялардың бірі болып табылады.
Компания 170 жылдан астам уақыт бойы адамдардың игілігі үшін жұмыс істеуде. Біздің елімізбен Pfizer 1995 жылдан бастап инновациялық терапиядағы және аурудың алдын алудағы алдыңғы қатарлы шешімдердің көмегімен қоғамдық денсаулықты нығайту үшін үздіксіз ынтымақтасуда.
ҰҒДСДО мен курортология және медициналық оңалту ҒЗИ өзара ынтымақтастық туралы Меморандумға қол қойылды
- Толығырақ
- Автор: Super User
Бурабайда VIII жыл сайынғы «Шипажай-2023» халықаралық ғылыми-практикалық форумы өтті.
Аталған іс-шараны ҚР Ұлттық курорттық қауымдастығы ұйымдастырды.
Форум жұмысына курортология саласындағы 150-ден астам қазақстандық және Ресей, Қырғызстан және Латвиядан халықаралық сарапшылар, ғылыми-зерттеу институттары, ғылыми орталықтар, жоғары оқу орындары, оңалту орталықтарының, санаторий-курорттық ұйымдардың өкілдері, фармацевтикалық компаниялар мен медициналық жабдық өндірушілері қатысты.
Екі күн ішінде форумға қатысушылар медициналық туризмді, санаторлық-курорттық емдеуді, медициналық оңалтуды, курорттық бизнес индустриясын дамыту, оның базасында санаторлық емдеуді дамыту жөніндегі жаһандық міндетті шешу үшін елдің зияткерлік, ұйымдастырушылық, кадрлық және ақпараттық ресурстарын біріктіру мәселелерін талқылады.
Осы ауқымды шара аясында ҚР ДСМ «С.Қайырбекова атындағы Ұлттық ғылыми денсаулық сақтауды дамытудың орталығы» ШЖҚ РМК (бұдан әрі-ҰҒДСДО) мен «Курортология және медициналық оңалту ғылыми-зерттеу институты» ШЖҚ РМК (бұдан әрі-курортология және медициналық оңалту ҒЗИ) арасында өзара ынтымақтастық туралы екі жақты меморандумға қол қойылды.
ҰҒДСДО тарапынан Басқарма төрағасы Гүлнар Құлқаева және Курортология және медициналық оңалту ҒЗИ тарапынан директор Саягүл Қайыргелдинова қол қойған бұл құжат - еліміздің курортологиясы мен медициналық оңалтуын ғылыми-әдіснамалық сүйемелдеу бөлігінде тығыз өзара іс-қимыл етуді көздейді.
Осылайша, тараптар жаңа медициналық технологиялар мен санаторий-курорттық кластерді дамыту, қосымша және бейресми білім беру бағдарламаларын, кадрлар даярлау бағдарламаларын ұйымдастыру және іске асыру,сондай-ақ, бірлескен шаралар мен ғылыми форумдар өткізу, диссертациялық және ғылыми-клиникалық кеңестерде өкілдік ету туралы келісімге келді.
ҰҒДСДО медициналық ұйымдарды аккредиттеуге құжаттарды қабылдауды бастағанын хабарлайды
- Толығырақ
- Автор: Super User
ҰҒДСДО медициналық ұйымдарды аккредиттеуге құжаттарды қабылдауды бастады.
Өтінімдер office@nrchd.kz электрондық мекенжайы арқылы қабылданады.
Жалпы аккредиттеуге қатысты барлық сұрақтар бойынша ҰҒДСДО-ның Денсаулықты сақтаудағы аккредиттеу департаментімен 8(7172) 700-950 (ішкі 1000, 1143, 1127, 1046, 1064, 1014) нөмірлері арқылы хабарласып, білуіңізге болады.
Аккредитеуден өткізуші ұйымның жұмыс регламенті дүйсенбіден жұма аралығында сағат 09.00-ден 18.00-ге дейін. Түскі үзіліс: 13.00-ден 14.00-ге дейін. Демалыс күндері: сенбі, жексенбі.
Сонымен қатар, ҚР ДСМ «СУКМУ» АЖ қосылуға рұқсат беру үшін медициналық ұйымдарға қажетті құжаттар тізімі (жүктеу), ҚР ДСМ АЖ қолданушыға арналған өтінім (жүктеу) және ақпаратты жарияламау туралы міндеттеме (жүктеу) үлгілері орналастырылды.
Бұған дейін атап өткеніміздей, аккредиттеуден өту - денсаулық сақтау ұйымында халыққа уақытылы әрі сапалы медициналық қызмет көрсетілуінің ресми танылуы болып есептеледі, сонымен қатар, елімізде тегін медициналық көмектің кепілдік берілген көлемін көрсетуге мемлекеттік тапсырысты орналастыру құқығы беріледі.
«Халықаралық бағдарламалар орталығы» АҚ өкілдерімен кездесу өтті
- Толығырақ
- Автор: Super User
Бүгін Қазақстан Республикасы Денсаулық сақтау министрлігінің «Салидат Қайырбекова атындағы Ұлттық ғылыми денсаулық сақтауды дамытудың орталығы» ШЖҚ РМК (бұдан әрі-ҰҒДСДО) алаңында «Халықаралық бағдарламалар орталығы» АҚ өкілдерінің орталық аппарат және өңірлік филиалдар ұжымымен халықаралық бағдарламалар бойынша қызметкерлерді әлемнің озық оқу орындарында оқыту және тағылымдамадан өткізу мәселелері бойынша кездесуі өтті.
Кездесу барысында «Халықаралық бағдарламалар орталығы» АҚ қызметкерлері шетелде оқытудағы қажетті құжаттар, іріктеу кезеңдері туралы толық ақпарат ұсынып, қатысушылардың сұрақтарына жауап берді.
Кездесуге қатысушылар медициналық бағыттағы халықаралық бағдарламалар бойынша оқыту және тағылымдамадан өту бойынша таныстырылымға алғыстарын білдіріп, шетелде тағылымдамадан өтуге ниеттерін білдірді.
Жалпы, «Халықаралық бағдарламалар орталығы» АҚ шетелде кадрларды даярлаудың, қайта даярлаудың және олардың біліктілігін арттырудың халықаралық бағдарламалары, оның ішінде Қазақстан Республикасы Президентінің «Болашақ» халықаралық стипендиясы бойынша іс-шаралар кешенін жүзеге асырады.
Сонымен қатар, «Халықаралық бағдарламалар орталығы» АҚ қызметі туралы толық ақпаратпен танысу үшін ресми сайттың сілтемесін https://bolashak.gov.kz/ru ұсынудамыз.