«С. Қайырбекова атындағы Ұлттық денсаулық сақтауды дамытудың ғылыми орталығы» РМК республиканың барлық өңірлерінде орналасқан 20 өңірлік филиал құрып, қайта құру жұмыстарын жүргізді
- Толығырақ
- Автор: Super User
«С. Қайырбекова атындағы Ұлттық денсаулық сақтауды дамытудың ғылыми орталығы» РМК (ҰДСДҒО) республиканың барлық өңірлерінде орналасқан 20 өңірлік филиал құрып, қайта құру жұмыстарын жүргізді. Аумақтық филиалдардың және ҰДСДҒО даярланған білікті мамандарының болуы Орталыққа ең шалғай елді мекендерде жұмыс жүргізуге мүмкіндік береді.
«С. Қайырбекова атындағы Ұлттық денсаулық сақтауды дамытудың ғылыми орталығы» РМК (ҰДСДҒО) статистикалық деректерді жинау мен өңдеудің бірыңғай әдіснамасын сақтау мәселелері бойынша әлеуетті нығайту жөніндегі мемлекеттің саясатын іске асырады. Орталық сонымен қатар ДДҰ бөлімшелерімен халықаралық жіктеуіштер негізінде халықтың өлімінің себептерін кодтаудың және талдаудың әдістемелік тәсілдерін зерделеу мәселелері бойынша халықаралық ынтымақтастықты жүзеге асырады.
ҰДСДҒО және оның филиалдары уәкілетті органға жедел, ахуалдық, медициналық-статистикалық, талдамалық ақпарат береді, сондай-ақ күнделікті мониторинг жүргізеді және тәулік бойы стационарларға емдеуге жатқызуды үйлестіруді жүзеге асырады. Орталық сондай-ақ көрсетілген медициналық қызметтердің мониторингін, республиканың ауылдық денсаулық сақтау және онкологиялық қызмет деңгейіндегі медициналық ұйымдардың қызметіне мониторингті және т.б. жүргізеді.
Күнделікті негізде, әдіснамалық сүйемелдеуді басқа мамандармен тығыз ынтымақтастықта филиалдардың маман дәрігерлері, медициналық статистиктері (әдіскерлері) жүзеге асыратын барлық медициналық ұйымдардан тәулік бойы деректер жиналады. Статистикалық деректер ДСМ, ПӘ, ПМК, БНС СЖРА ҰСБ, басқа да мемлекеттік органдарға, сондай-ақ ДДҰ, ЮНФПА, БҰҰ және т. б. халықаралық ұйымдарға ұсынылады.
Бұдан басқа, барлық негізгі ақпарат, оның ішінде: ресурстар, процестер және қызмет нәтижелері, бекітілген НҚА сәйкес, денсаулық сақтау саласын дамытудың негізгі бағыттарына (кардиологиялық, кардиохирургиялық, нейрохирургиялық, травматологиялық, гинекологиялық, онкологиялық, туберкулезге қарсы, психоневрологиялық қызметтер және т.б.) жетекшілік ететін барлық бейінді ҒЗИ мен ҰО беріледі.
Алға қойылған мақсаттар мен міндеттерді орындау үшін ҰДСДҒО қажетті материалдық-техникалық база мен кәсіби кадр ресурстары шоғырланған.
Қалыптасқан дерекқорды тиімді пайдалануды тұрақты мониторингтеу және бағалау үшін бірнеше жыл ішінде денсаулық сақтау саласындағы статистикалық байқауларды жинау мен өңдеудің басынан бастап өңірлер мен денсаулық сақтау субъектілері бөлінісінде медициналық көмек көрсетуді ұйымдастыру және сапасы мәселелері бойынша ақпараттық-талдамалық қорытындылар мен ұсыныстарға дейін үздіксіз байланыс жолға қойылып, бақыланады.
Бұл қызметтердің әлеуметтік маңыздылығы басқарушылық шешімдер қабылдау және сенімді, толыққанды, объективті және өзекті статистикалық ақпаратқа негізделген елдің мемлекеттік денсаулық сақтау жүйесін одан әрі стратегиялық дамыту үшін маңызды болып табылады.
13 қаңтарда "Салидат Қайырбекова атындағы денсаулық сақтауды дамытудың Ұлттық ғылыми орталығы" РМК-да жыл сайынғы дәстүрлі донорлар күні өтті
- Толығырақ
- Автор: Super User
Қан орталығымен бірлесіп ұйымдастырылған қайырымдылық акциясына Салидат Қайырбекова атындағы денсаулық сақтауды дамыту ҰҒО қызметкерлері қатысты.
Орталықта жыл сайынғы негізде донор күнін тұрақты ұйымдастыру қан мен оның компоненттерінің қорларын ұлғайтуға, сондай-ақ өтеусіз негізде донорлық пен қайырымдылықты танымал етуге мүмкіндік береді, деп атап өтті "Салидат Қайырбекова атындағы денсаулық сақтауды дамытудың Ұлттық ғылыми орталығы" РМК Басқарма төрағасы Александр Костюк.
Донорлық қанға деген қажеттілік әрдайым жоғары екенін, әр сағат сайын, минут сайын қажет екенін ескеріңіз. Бұл адамдардың өмірін сақтап қалуға, қалпына келтіруге мүмкіндік береді.
Донорлар 450 мл көлемінде қан тапсырады. дені сау адамның денесі үшін бұл көлемде қан тапсыру физиологиялық қауіп төндірмейді, сонымен қатар қан кету қаупі жоқ.
Қанның қауіпсіз компоненттерін қамтамасыз ету үшін оларға мұқтаж адамдардың барлығында өз еркімен, ақысыз және үнемі қан тапсыруға дайын донорлар болуы керек.
Құрметті әріптестер!
- Толығырақ
- Автор: Super User
2022 жыл ұлттық және әлемдік ауқымда оңай болған жоқ. Бүгінгі заманда достық, бірлік, өзара түсіністік пен бір-бірін құрметтеу, бейбітшіліктің қаншалықты маңызды екенін бәрі түсінеді.
Биылғы жыл Қазақстан медицинасының барлық саласы үшін де, біздің орталық үшін де нәтижелі болды. Біздің барлық командамыз бен сенімді әріптестеріміздің ортақ күш-жігеріміздің арқасында біз маңызды көрсеткіштерге қол жеткіздік, еліміздің денсаулық сақтау саласын сапалы дамыту үшін белгіленген жоспарлардың көп бөлігін орындадық.
Мен баршаңызға қолдау кқрсетіп, сапалы орындалған жұмыстарға көрсетілген жауапкершілігіңіз бен ынта-жігеріңіз және еліміз үшін ортақ игілікке үлес қосқан үшін шын жүректен алғысымды білдіремін.
Жаңа жылда мен сіздерге, көптеген табысты жобалар, бақытты эмоциялар, қуанышты оқиғалар тілеймін. Барлықтарыңызға зор денсаулық, бақыт және отбасыларыңызға амандық тілеймін! Жаңа 2023 жыл құтты болсын!
Құрметпен,
ҚР ДСМ Салидат Қайырбекова атындағы денсаулық сақтауды дамытудың Ұлттық ғылыми орталығының
Басқарма төрағасы Александр Костюк
Құрметті отандастар!
- Толығырақ
- Автор: Super User
Сіздерді Қазақстан Республикасының Тәуелсіздік күнімен шын жүректен құттықтаймын!
Тәуелсіздік жылдары еліміз жан-жақты дамып, үлкен биіктерге жетті, соның ішінде медицина саласы да өркендеп, ауқымды бағдарламалар іске асырылды.
Қазақстан денсаулық сақтау жүйесінің қуатты әлеуетін құрды, денсаулық сақтауды дамытудың бірнеше бағдарламасы іске асырылды. Біз заманауи ғылыми медициналық орталықтарды, Қазақстанда енгізілген жоғары тиімді жаңа технологияларды құрдық. Денсаулық сақтаудағы мемлекеттік саясатты іске асырудың басты нәтижесі халыққа медициналық көмектің сапасы мен қолжетімділігін жақсарту болды.
Біздің алдымызға қойылған мақсат пен міндеттерімізді жүзеге асырамыз. Біз Қазақстанды мықты мемлекет және бәсекеге қабілетті ұлт ретінде көргіміз келеді!
Егеменді елдің іргесі биік, мәртебесі жоғары болсын.
Ізгі ниетпен,
ҚР ДСМ Салидат Қайырбекова атындағы денсаулық сақтауды дамытудың Ұлттық ғылыми орталығының басқарма төрағасы Александр Костюк
Астанада республиканың медициналық ұйымдарында болжау моделін енгізу бойынша оқыту семинары өтті
- Толығырақ
- Автор: Super User
Оны ҚР Денсаулық сақтау министрлігінің Ғылым және адами ресурстар департаменті ҚР ДСМ "Салидат Қайырбекова атындағы денсаулық сақтауды дамытудың Ұлттық ғылыми орталығы" РМК-мен бірлесіп ұйымдастырды.
Семинарға облыстардың, республикалық маңызы бар қалалардың Денсаулық сақтау басқармаларының өкілдері, сондай-ақ олардың ведомстволық бағынысты ұйымдары қатысты.
Семинарда баяндамашылар арасында ҚР ДСМ Ғылым және адам ресурстары департаменті Адам ресурстарын дамыту басқармасының басшысы И. К. Ажгалиева және ҚР ДСМ ҰҚШҰ обсерваториясының бас мамандары Т. Б. Өміралин және Д. К. Малбекова сөз сөйледі.
Семинар барысында 2022 жылы резидентурада медициналық кадрларды даярлауға жергілікті атқарушы органдардың білім беру гранттарын орналастыру мониторингінің қорытындылары талқыланды. Семинарға қатысушылар өңірлік гранттарды орналастыру кезіндегі нормативтік-құқықтық негіздермен, 2022 жылға арналған оқу жоспарымен және 2022-2023 оқу жылына арналған жергілікті атқарушы органдардың жергілікті бюджет және медициналық ұйымдар қаражаты есебінен өңірлер мен дайындық мамандықтары бөлінісіндегі гранттарын орналастыру қорытындыларымен таныстырылды. Сонымен қатар, денсаулық сақтау басқармаларының өкілдерімен қолда бар тәжірибені ескере отырып, гранттарды орналастырудың бірқатар проблемалық мәселелері талқыланды.
Кездесу соңында ҚР ДСМ Ғылым және адами ресурстар департаменті Адам ресурстарын дамыту басқармасының басшысы И. К. Ажгалиева семинарға қатысушыларға медициналық кадрларды болжауды одан әрі енгізіп, жан-жаұты тәжірибе жинақтап, жүргізіліп жатқан практикалық жұмыс кезінде туындаған ұсыныстарды, ең алдымен денсаулық сақтау басқармалары мен олардың ведомстволық бағынысты ұйымдарын ҚР-да КРЗ болжамдарын модельдеу, гранттарды орналастыру қажеттілігіне көніл бөліп, және денсаулық сақтау кадрларын дамытудың басқа да өзекті мәселелері туралы айтып берді.