2020 жылдың аяғында Дүниежүзілік денсаулық сақтау ұйымы 2019 жылдың қорытындысын жариялады. Мұндағы мәлімет бойынша 2019 жылы өлім-жітімге себеп болған негізгі 10 аурудың үлесі 55,4 миллионға жеткен жалпы өлім-жітімнің 55% құрады.
Әлемдегі өлім-жітімнің негізгі себептері аурудың келесі 3 тобына жатады: жүрек-қан тамыр аурулары, респираторлық аурулар және неонаталдік патологиялық хал-ахуалдар.
Өлім-жітім себептері 3 санатқа жіктеледі:
- жұқпалы аурулар (инфекциялық және паразитарлық аурулар, сонымен қатар бала көтеру, туу және емізу кезіндегі патологиялық жағдайлар);
- жұқпалы емес (созылмалы) аурулар;
- травматизм.
Әлемдік деңгейде алып қарасақ, 2019 жылы өлімге себеп болған негізгі он аурыдың жетеуі инфекциялық емес аурулар санатына тиесілі екен. Бұл жеті ауру жалпы әлемдік өлім-жітімнің 44%, ал негізгі 10 себептің 80% құрады.
Ең көп таралған өлім-жітім себебі - жүректің ишемиялық ауруы. Ол жалпы өлім санының 16% құрайды. 2000-2017 жылдар аралығында бұл аурудың салдарынан қайтыс болған адам саны 2 миллионға өсіп, 8,9 миллионға жетті.
Санақ бойынша екінші орында - инсульт (11%), үшінші орында - өкпенің обструктивтік ауруы (6%).
Төртінші орында - төменгі тыныс алу жолдарының инфекциясы. Дегенмен, жұқпалы аурулар арасында бұл ауру өлім-жітім саны бойынша бірінші орын алады.