«Атамекен» ҚР ҰКП және Денсаулық сақтауды дамыту республикалық орталығы 2021 жылға Денсаулық сақтауды реформалауды әдістемелік қолдау жөніндегі Жол картасына қол қойды
Жол картасы келесі 7 бағыт бойынша іс-шараларды іске асыруға негізделген:
-электронды денсаулық сақтаудың стандарттары мен реттеушілік базасын дамыту;
- стратегиялық басқару және Денсаулық сақтаудың кадрлық ресурстарын есепке алудың ұлттық жүйесі деректері негізінде адами ресурстарды дамыту;
- Қазақстан Республикасында бәсекеге қабілетті фармацевтикалық өндірісті жерсіндіру үшін қажетті бәсекеге қабілетті өнімді анықтау;
-денсаулық сақтау ұйымдарының желісін, РМК жаңарту арқылы инфрақұрылымды жақсарту тұрғысынан жетілдіру;
- халыққа медициналық көмекті одан әрі дамыту бойынша денсаулық сақтау қызметін әдістемелік қолдау;
- денсаулық сақтау шығындарының тиімділігін арттыру;
- телемедицинаны (пациент-дәрігер, дәрігер-дәрігер) кеңінен енгізу бойынша ұсыныстар әзірлеу.
«Денсаулық сақтауды дамыту республикалық орталығы денсаулық сақтауды реформалауды әдістемелік қолдау тұрғысынан «Атамекен» ҰКП-мен белсенді ынтымақтастықты көздейді. 2021 жылға әзірленген Жол картасының түпкі мақсаты – ҚР медицина саласындағы түйткілді мәселелерді шешу және саланы дамытуда медициналық ұйымдар мен қызметкерлерінің тиімділігін жоғарылату негізінде медициналық көмектің сапасын арттыру болмақ», – деді Денсаулық сақтауды дамыту республикалық орталығының басшысы Камалжан Надыров.
«Атамекен» ҚР ҰКП Басқарма Төрағасының орынбасары Юлия Якупбаева қол қойылған Жол картасы ағымдағы жағдайға талдау жүргізу, сондай-ақ денсаулық сақтау саласында жұмыс істеп жатқан бизнес-қоғамдастық өкілдерінің ұсыныстары негізінде әзірленгенін атап өтті.
.jpeg)
Денсаулық сақтауды дамыту республикалық орталығымен жасалған Жол картасы – осы жылға бағытталған іс-әрекеттер жоспары. Жеке медициналық қоғамдастық пен «Атамекен» ҰКП халыққа көрсетілетін медициналық қызметтерді одан әрі дамыту және инфрақұрылымды жақсарту жөніндегі жұмыстарға белсенді қатысуға дайын», – деді Юлия Якупбаева.