ҚР Денсаулық сақтау министрінің бұйрығымен Айтуарова Дана Ерланқызы Денсаулық сақтауды дамыту республикалық орталығы басқарма төрағасының орынбасары болып тағайындалды.
Дана Айтуарова 1976 жылы Қарағанды облысында туған. 1999 жылы Қарағанды мемлекеттік медициналық академиясын тәмамдады. 2000 жылы Қарағанды мемлекеттік медициналық академиясының №2 ішкі аурулар кафедрасының Интернатурасын бітірді. 2011 жылы Астана медициналық университетінде ауруханаларды басқару менедженті мамандығы бойынша, «Іскерлік әкімшіліктендіру магистрі» дәрежесі берілді.
Еңбек өтілі:
- 2000-2010 жж. «Қарағанды сүт зауыты» ЖШС терапевті;
- 2011-2012 жж. Денсаулық сақтауды дамыту республикалық орталығында КЗГ дамыту бөлімінің жетекші маманы;
-2012-2014жж. Денсаулық сақтауды дамытудың респуликалық орталығында Экономикалық сараптау бөлімінің басшысы;
- 2014-2018 жж. Денсаулық сақтауды дамыту республикалық орталығында Тариф белгілеу орталығының жетекшісі;
- 2019-2021 жж. аралығында Әлеуметтік медициналық сақтандыру қорының Тариф белгілеу департаментінде директор қызметтерін атқарған.
