17 қыркүйекте №1 қалалық балалар ауруханасы және №13 қалалық емхана базасында Нұр-Сұлтан қаласында ҚР ДСМ Денсаулық сақтауды дамыту республикалық орталығының ұйымдастыруымен пациенттің қауіпсіздігін сақтау бойынша үздік практикаларды енгізу бойынша шеберлік класы өтті.
Іс-шараға ҚР ДСМ Тауарлар мен көрсетілетін қызметтердің сапасы мен қауіпсіздігін бақылау комитетінің, ҚР ДСМ ТҚСҚБК-нің аумақтық департаменттерінің, «Әлеуметтік медициналық сақтандыру қоры» КЕАҚ-ның, Нұр-Сұлтан қаласының Денсаулық сақтау басқармасы мен медициналық ұйымдарының өкілдері қатысты.
Шеберлік класының қатысушылары 3 топқа бөлінді және ДСДРО Аккредиттеу орталығының сарапшылары пациенттердің қауіпсіздігі стандарттарын сақтауға назар аудара отырып, медициналық ұйымдарды аралау үлгісін көрсетті.
Сондай-ақ, №1 қалалық балалар ауруханасының мысалында медициналық ұйымдарда Тәуекелдерді басқару және пациенттердің қауіпсіздігі жүйесін (SOS) енгізу тәжірибесі қаралды.
Іс-шара аясында медициналық қызмет көрсету сапасы, ұлттық аккредиттеу жүйесі және міндетті әлеуметтік медициналық сақтандыру жүйесі мәселелері бойынша дөңгелек үстел өткізілді.
Шеберлік класы және дөңгелек үстел ДДҰ есебімен 17 қыркүйекке белгіленген және жыл сайын өткізілетін Дүниежүзілік пациенттер қауіпсіздігі күні аясында өткізілді.
