Бүгін ДСДРО-да қызметкерлер үшін МӘМС енгізу мәселелері бойынша түсіндіру дәрісі өтті. Спикерлері ретінде ақпараттық-түсіндіру жұмыстары бойынша тренингтен өткен Бас директор Айнұр Айыпханова мен Медициналық көмекті жетілдіру орталығының басшысы Жазира Иманова болды.
Айнұр Айыпханова Қазақстанда міндетті әлеуметтік медициналық сақтандыруды енгізуге дайындық барысы, нормативтік құқықтық базаны реттейтін ТМККК және МӘМС жаңа моделі, азаматтардың тәуекелдері мен санаттары туралы айтты. Сонымен қатар, азаматтарды амбулаториялық-дәрі-дәрмекпен қамтамасыз ету мәселелері және дәрі-дәрмек беру кезіндегі цифрландырудың пайдасы қаралды.
Жазира Иманова денсаулық сақтаудың теңдестірілген моделі, денсаулық сақтау жүйесінің кіріс көздері бойынша жіктелуі, медициналық көмектің түрлері мен нысандарының өзара байланысы, сондай-ақ МӘМС енгізу жағдайында медициналық қызметтердің көлемі туралы егжей-тегжейлі айтып берді.
Өмір бойы адам денсаулық сақтау жүйесімен байланыста болады. ТМККК шеңберінде кез келген адам үшін бүкіл қоғам үшін маңызды аурулар кезінде медициналық көмектің қажетті көлемін көрсету жалғастырылатын болады; МӘМС шеңберінде адамның өмір сүру сапасын арттыру және болашақ ұрпақтың денсаулығы үшін негіз жасау үшін медициналық қызметтер көрсетілетін болады.
МӘМС енгізу қаржылық шығындарды бөлу тетігін енгізу кезінде медициналық көмектің оңтайлы көлемімен халықтың жаппай қамтылуын сақтауға мүмкіндік береді.
