Мемлекет басшысы Н.Ә.Назарбаевтың сыбайлас жемқорлықтың алдын алу жөніндегі тапсырмасын жүзеге асыру аясында Республикалық денсаулық сақтауды дамыту орталығы Республикалық бюджеттің атқарылуын бақылау жөніндегі есеп комитетімен бірлесіп «Жәрдем-Содействие» акциясын іске қосты.
Денсаулық сақтау саласында (жалақыны уақытылы төлемеу, сыбайлас жемқорлық, алым) қаржылық заң бұзушылықтармен бетпе-бет келген медициналық қызметкер немесе дәрігерге қаралушы азамат «Жәрдем-Содействие» белгісімен шағымдарын 100@rcrz.kz электронды почтасына жіберулеріне болады. ДСДРО алған ақпаратты тексеру және шара қолданылуын бақылау үшін Республикалық бюджеттің атқарылуын бақылау жөніндегі есеп комитетінің қарауына жібереді.
Аталған акция азаматтық саналылықты нығайтуға, сондай-ақ денсаулық сақтау жүйесінде қаржылық заң бұзушылық фактілерін анықтаудағы мөлдірлікті, ашықтықты, жеделдікті арттыруға бағытталған.